2013 jylǵy qyrkúıekte Qazaqstan Respýblıkasyndaǵy ınflıatsııa 0,2 paıyzdy qurady

ASTANA. 1 qazan. QazAqparat - Baǵa azyq-túlik taýarlaryna ótken aıda 0,2%-ǵa tómendedi, al azyq-túlik emes taýarlarǵa 0,2%, aqyly qyzmetterge 0,6%-ǵa ósti. Bul týraly búgin QR Statıstıka agenttiginen habarlandy.

Ótken aıda respýblıka boıynsha orta eseppen baǵanyń tómendeýi kartopqa 10,7%, jańa jınalǵan kókónisterge - 8,4%, jańadan jınalǵan jemisterge - 2,6%, qaraqumyq jarmaǵa - 0,9%, qumshekerge - 0,5%, kúnbaǵys maıyna 0,3%-ǵa tirkeldi.

Baǵanyń ósýi jumyrtqaǵa 3,7%, kúrishke - 2,2%, untaq jarmaǵa - 1,8%, shıki sútke - 1,5%, súzbege - 1%, suly jarma, aıranǵa - 0,8%-dan, arpa jarmaǵa - 0,7%, shaı, et jáne qus etine - 0,6%-dan, kondıterlik ónimderge 0,3%-ǵa belgilendi.

«Baǵalar qatty otynǵa 0,5%, gazetter jáne merzimdik basylymdarǵa - 0,4%, kıim jáne aıaqkıimderge - 0,3%, farmatsevtıkalyq ónimderge 0,2%-ǵa ósti. Dızel otyny - 0,3%, benzın 0,2%-ǵa qymbattady», - delingen habarlamada.

Baǵa deńgeıi bilim berý qyzmetterine 4,1%, densaýlyq saqtaý - 3,1%, meıramhanalar men qonaq úılerdiń - 0,5%, demalys, oıyn-saýyq jáne mádenıet salasyndaǵy qyzmetterge - 0,4%, shashtarazdar men jeke qyzmet kórsetý oryndarynyń qyzmetterine 0,3%-ǵa joǵarylady, al alys qashyqtyqqa qatynaıtyn jolaýshylardyń temir jol kólik qyzmetterine 1,6%-ǵa tómendedi.

Turǵyn úı-kommýnaldyq qyzmetter salasynda tarıfter turǵyn úıdi kútip ustaýǵa - 0,8%, ony jalǵa berý 1,4%-ǵa ósti.