201 stýdentke «Bolashaq» stıpendııasy berildi

ASTANA. QazAqparat - «Bolashaq» stıpendııasyn taǵaıyndaý boıynsha baıqaýdyń birinshi kezeńinde 201 qazaqstandyqqa «Bolashaq» stıpendııasy tapsyryldy. Bul týraly búgin Ortalyq kommýnıkatsııalar qyzmetinde «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

«Bıyl baıqaý irikteýi úsh kezeńge deıin jetkizildi. Birinshi kezeń aıaqtaldy, keshe Aqordada Memlekettik hatshy Ádilbek Jaqsybekovtiń tóraǵalyǵymen respýblıkalyq komıssııanyń otyrysy ótti jáne onda bizdiń 201 azamat Bolashaq stıpendııasyna ıe boldy. Onyń ishinde 50 paıyzy tájirıbe ótýge, 50 paıyzy magıstratýra baǵdarlamasyna bólindi», - dedi ol.

Qazirgi ýaqytta álemniń 30 memleketinde 800 stýdent tehnıkalyq mamandyqtrǵa oqytylýda. Úsh jyldyń ishinde 3500 astam tehnıkalyq mamandardy daıarlaý kózdelýde.