20 jeltoqsan. Tulǵalar týǵan kún
ESІMDER
80 jyl buryn (1942) qazaqtyń belgili jazýshysy, QR Memlekettik syılyǵynyń laýreaty Dýlat ISABEKOV dúnıege keldi.
Ońtústik Qazaqstan oblysy Saıram aýdanynda týǵan. Jazýshy, dramatýrg. Qazaq memlekettik ýnıversıtetin bitirgen (1966).
Qazaq KSR Televızııa jáne radıohabar jónindegi memlekettik komıtetinde aǵa redaktor (1967-1968), Qazaq Sovet entsıklopedııasy bas redaktsııasynda aǵa ǵylymı redaktor (1968-1970), «Juldyz» jýrnalynda bólim meńgerýshisi (1971-1976), «Jalyn» baspasynda redaktsııa meńgerýshisi (1976-1980), Qazaq KSR Mádenıet mınıstrligi repertýarlyq-redaktsııalyq kollegııanyń bas redaktory (1980-1988), Qazaq teledıdarynyń bas dırektory (1988-1992), «Jazýshy» baspasynyń dırektory (1992-1995), Qazaqstan Jazýshylar odaǵynyń hatshysy, QR Mádenıettaný ǵylymı-zertteý ınstıtýtynyń dırektory, «Mádenıet» jýrnalynyń bas redaktory bolyp istegen. Alǵashqy áńgimesi «Jolda» 1963 jyly jarııalandy. Keıin «Beket» (1966), «Aşy bal» (1969), «Mazasyz kúnder», (1970), «Qara shańyraq» (1973), «Tirshilik» (1975) povester men áńgimeler jınaqtary, «Qarǵyn» (1980) romany basyldy. Tańdamaly povesteri «Eki jıyrma» (1983) degen atpen jaryq kórdi. Birqatar shyǵarmalary orys tiline aýdarylyp, «Polyn» (1978), «Otchıı dom» (1979), «Smıatenıe» (1986), «Novosele v starom dome» (1986) degen atpen basyldy. Jekelegen týyndylary vengr, nemis, polıak, cheh tilderinde jarııalandy. «Rektordyń qabyldaý kúnderi» (1975), «Ápke» (1977), «Erteńdi kútý» (1979), «Muragerler» (1982), «Alystan kelgen ananas» (1984), «Kishkentaı aýyl» (1986), «Anasyn ańsaǵan qyz», «Eskertkish operatsııasy», «Eski úıdegi eki kezdesý», «Bonaparttyń úılenýi», «MuńlyqZarlyq», «Amal men aıla» t.b. pesalary respýblıkalyq, oblystyq teatr sahnalarynda qoıyldy. Tańdaýly pesalar jınaǵy «Jeti jelken» degen atpen 1987 jyly jaryq kórdi. Jekelegen týyndylary boıynsha «Gaýhar tas» (rej. Sh. Beısembaev, 1975), «Dermene» (rej. A.Áshimov, 1986), «Taýqymet» (rej.U. Qoldaýova) kórkem fılmderi túsirildi.
Qazaqstan Jazýshylar odaǵynyń M. Áýezov atyndaǵy syılyǵynyń (1985, «Muragerler» pesasy úshin), QR Memlekettik syılyǵynyń (1992), Halyqaralyq PEN klýb, Platınaly «Tarlan» syılyqtarynyń laýreaty (2006).
60 jyl buryn (1962) QR Ulttyq qaýipsizdik komıteti tóraǵasynyń orynbasary Nurǵalı Dáýletbekuly BІLІSBEKOV dúnıege keldi.
Shymkent qalasynda týǵan. Qazaq hımııa-tehnologııa ınstıtýtyn, KSRO Memlekettik qaýipsizdik komıtetiniń Joǵarǵy kýrstaryn, Qazaq gýmanıtarlyq zań ýnıversıtetin bitirgen.
1985-1988 jyldary - KSRO Saýda mınıstrliginiń «QazǴZIgıprotorg» ınstıtýtynyń ınjeneri. 1988-1989 jyldary - Qazaqstan LKSM Sovet aýdandyq komıtetiniń hatshysy. 1991-2000 jyldary - QR Ulttyq qaýipsizdik organdarynyń qyzmetkeri. 2000-2001 jyldary - QR Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy. 2001-2007 jyldary - QR UQK Ekonomıkalyq qaýipsizdik departamenti bastyǵynyń birinshi orynbasary, bastyǵy. 2007 jyly - QR UQK tóraǵasynyń orynbasary. 2009 jyly - QR UQK Almaty qalasy boıynsha departamenti bastyǵynyń mindetin atqarýshy. 2010-2013 jyldary - QR UQK Almaty qalasy boıynsha departamentiniń bastyǵy. Qazirgi qyzmetinde 2013 jylǵy naýryzdan beri.
ІІ dárejeli «Dańq» ordenimen, 2 medalmen marapattalǵan.
54 jyl buryn (1968) Atyraý oblysy ákimi apparatynyń basshysy Bolat Álmuhanuly ISAQOV dúnıege keldi.
Jambyl oblysynda týǵan. S. Kırov atyndaǵy Memlekettik ýnıversıtetin matematıka mamandyǵy boıynsha bitirgen (1991); «Ádilet» joǵary zań mektebi, zańger (1999).
Eńbek joly: «Taraz» taýar óndirýshilerdiń oblystyq syrtqy ekonomıkalyq birlestiginiń ınjeneri (1991-1993); kásipkerlik qurylymdarda jumys istegen (1993-1995); Jambyl oblystyq quqyqtyq aqparat ortalyǵynyń bas mamany (1995-2000); Qazaqstan Respýblıkasy Memlekettik qyzmet isteri agenttiginiń Jambyl oblysy boıynsha departamentiniń bólim bastyǵy, bólim bastyǵynyń orynbasary, tártiptik keńes hatshylyǵynyń meńgerýshisi (2000-2010); Jambyl oblysy ákimi apparatynyń basshysy (2010-2013); Qazaqstan Respýblıkasy Memlekettik qyzmet isteri agenttiginiń Jambyl oblysy boıynsha departamentiniń basshysy, Tártiptik keńesiniń tóraǵasy (2013 j.); Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń orynbasary, Tártiptik keńesiniń tóraǵasy (2014-2016); Qazaqstan Respýblıkasy Memlekettik qyzmet isteri mınıstrliginiń Jambyl oblysy boıynsha departamentiniń basshysy, Ádep jónindegi keńesiniń tóraǵasy (01.2016-10.2016); Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Batys Qazaqstan oblysy boıynsha departamentiniń basshysy, Ádep jónindegi keńes tóraǵasy (2016-2019); Qazaqstan Respýblıkasy Memlekettik qyzmet isteri agenttiginiń Túrkistan oblysy boıynsha departamentiniń basshysy, Ádep jónindegi keńes tóraǵasy (2019-2020).
2020 jyldyń sáýir aıynan bastap qazirgi qyzmetinde.
5 1 jyl buryn (1971) Qaraǵandy oblysy ákiminiń orynbasary Ermek Amantaıuly ALPYSOVdúnıege keldi.
Soltústik Qazaqstan oblysynda Nejdanovka aýylynda týǵan. 1993 jyly Abaı atyndaǵy Almaty qalasynyń Ulttyq ýnıversıtettiń, al 2005 jyly Іlııas Jansúgirov atyndaǵy Jetisý memlekettik ýnıversıtetin ekonomıst mamandyǵy boıynsha bitirdi.
1993 jyly Almaty qalasynyń №156 orta mektebinde geografııa pániniń muǵalimi boldy. 1999 -2001 jyldary «Bektaýata» JShS-da býhalter qyzmetin atqardy. 2001-2004 jylǵa deıin Almaty oblystyq Qorshaǵan ortany qorǵaý departamentiniń jetekshi, bas mamany, ınspektory, keıin bólim bastyǵy boldy. 2004 jyly shildede Almaty oblysy, Aqsý aýdany ákimniń orynbasary bolyp taǵaıyndaldy. 2008-2012 jyldyń qańtaryna deıin Taldyqorǵan qalasy ákiminiń orynbasary boldy. 2012-2015 jyldary Almaty oblysy ákiminiń buıryǵy boıynsha Taldyqorǵan qalasynyń ákimi laýazymyna taǵaıyndaldy. 2015-2017 jyldary – Qazaqstan Respýblıkasy Prezıdenti ákimshiliginde memlekettik baqylaý jáne uıymdastyrý-aýmaqtyq jumys bóliminiń memlekettik ınspektory. 2017-2019 jyldary Qazaqstan Respýblıkasy Prezıdenti ákimshiligi memlekettik baqylaý jáne aýmaqtyq-uıymdastyrý jumystary bólimi meńgerýshisiniń orynbasary qyzmetin atqardy. 2019-2021 jyldary Qazaqstan Respýblıkasynyń Ulttyq ekonomıka vıtse-mınıstri. Qazirgi qyzmetinde 2021 jyldyń aqpanynan bastap isteıdi.
4 6 jyl buryn (1976) Qyzylorda oblysynyń prokýrory Nurlan Dáýrenuly BIJANOV dúnıege keldi.
Qyzylorda qalasynda týǵan. 1997 jyly Qazaq memlekettik zań ýnıversıtetin bitirgen.
Eńbek jolyn 1997 jyly Qyzylorda oblysy Aral aýdandyq prokýrorynyń kómekshisi bolyp bastaǵan. 1998-1999 jyldary Qyzylorda oblysy Jańaqorǵan aýdany prokýrorynyń kómekshisi bolǵan. 1999-2008 jyldary Qyzylorda oblystyq prokýratýra organdarynda túrli qyzmetter atqarǵan. 2012-2017 jyldary Shyǵys Qazaqstan oblystyq prokýrorynyń orynbasary, 2017-2019 jyldary - QR Bas prokýrorynyń aǵa kómekshisi bolǵan. 2012-2017 jyldary - Qazaqstan Respýblıkasy Bas prokýrory apparat basshysynyń orynbasary – QR Bas prokýratýrasy departament basshysy.
Qazirgi qyzmetin 2019 jyldyń sáýirinen bastap atqaryp keledi.
4 1 jyl buryn (1981) Qazaqstan Respýblıkasy Prezıdenti Ákimshiligi Basshysynyń orynbasary Erjan Nurlanuly JIENBAEV dúnıege keldi.
Almaty qalasynda týǵan. «Turan» ýnıversıtetin zańger mamandyǵy boıynsha bitirgen.
Eńbek joly: 2002–2005 jyldary QR Qarjy mınıstrligi júıesinde eńbek etken. 2005 jyldan bastap QR Premer-Mınıstri Keńsesiniń qurylymynda jumys isteıdi. Aǵa sarapshy, bas sarapshy, bas keńesshi, sektor meńgerýshisi, QR Premer-Mınıstri Keńsesiniń Zań bólimi meńgerýshisiniń orynbasary qyzmetterin atqarǵan. 2012–2013 jyldary — QR Premer-Mınıstri Keńsesiniń Zańnama, qorǵanys jáne quqyqtyq tártip bólimi meńgerýshisiniń orynbasary. 2013-2019 jyldary QR Premer-Mınıstri Keńsesiniń Zań bóliminiń meńgerýshisi qyzmetin atqarǵan. 2019 jyldyń shildesinen qazanyna deıin QR Premer-Mınıstri Keńsesiniń basshysynyń orynbasary boldy.
Qazirgi qyzmetin 2019 jyldyń 23 qazanyn beri atqaryp keledi.
4 1 jyl buryn (1981) Qazaqstan Respýblıkasy Qorǵanys mınıstrligi apparatynyń basshysy Erbol QUMARBEKULY dúnıege keldi.
Almaty oblysynda týǵan. Qazaq gýmanıtarlyq-zań ýnıversıtetin «zańger» mamandyǵymen (2003), Ekonomıka jáne quqyq akademııasyn «ekonomıst» mamandyǵymen (2006), Abaı atyndańy Qazaq ulttyq pedagogıkalyq ýnıversıtetin «saıasattanýshy» mamandyǵymen (2008) támamdaǵan.
Eńbek jolyn 2004 jyly Almaty qalasynda Qarjy polıtsııasy departamenti tergeý bóliminde ınspektor bolyp bastaǵan. Uzaq jyldar boıy Qarjy polıtsııasynda, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginde, QR Qarjy mınıstrligi Memlekettik kirister komıtetinde eńbek etken. 2018-2019 jyldary Shymkent qalalyq Memlekettik kirister departamenti basshysynyń orynbasary bolǵan.
Qazirgi qyzmetin 2022 jyldyń sáýir aıynan bastap atqaryp keledi.
