20 shilde. Tulǵalar týǵan kún

Búgin, 20 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

77 jyl buryn (1947) mehanıka jáne mashınataný salasyndaǵy sovet jáne qazaq ǵalymy, tehnıka ǵylymdarynyń doktory, professor, QR UǴA akademıgi Meıirbek Moldabekuly MOLDABEKOV dúnıege keldi.

Qyzylorda oblysynda týǵan.

V. Lenın atyndaǵy Qazaq polıtehnıka ınstıtýtyn (1970) «Avtomatıka ı telemehanıka» mamandyǵy boıynsha jáne Máskeý avıatsııa ınstıtýtyn (1975) «Qoldanbaly matematıka» mamandyǵy boıynsha támamdaǵan.

Eńbek joly: 1970-1973 jyldary - V. Lenın atyndaǵy Qazaq polıtehnıkalyq ınstıtýty avtomatıka jáne telemehanıka kafedrasynyń assıstenti, tehnıkalyq kıbernetıka kafedrasynyń tájirıbeshi-zertteýshisi. 1973 jyly - Máskeý avıatsııalyq ınstıtýtynyń keshki ınjenerlik leginiń aspıranty. 1977 jyldary - S. Kırov atyndaǵy Qazaq memlekettik ýnıversıtetiniń aǵa ǵylymı qyzmetkeri, aǵa oqytýshysy, dotsenti, mehanıka jáne qoldanbaly matematıka fakýlteti dekanynyń orynbasary. 1988 jyldary - QazKSR ǴA Matematıka jáne mehanıka ınstıtýtynyń jetekshi, bas ǵylymı qyzmetkeri, QR UǴA Mehanıka jáne máshınetaný ınstıtýtynyń zerthana meńgerýshisi. 1993 jyldan - QR Ulttyq aeroǵarysh agenttigi bas dırektorynyń orynbasary - «Baıqońyr» ǵarysh aılaǵy basqarmasynyń bastyǵy. 1997 jyldan - QR ǴA - Ǵylym mınıstrligi Ǵylymı mamandardy attestatsııalaý departamentiniń dırektory; 1998 jyldan - Ulttyq aeroǵarysh agenttiginiń dırektory. 2001 jyldan - Energetıka jáne mıneraldy resýrstar mınıstrligi Aeroǵarysh komıteti tóraǵasynyń orynbasary. 2005 jyldan - «Qazaqǵarysh» UK» AQ basqarmasynyń múshesi. 2007 jyldan - «Qazaqstan ǵarysh sapary» UK» AQ vıtse-prezıdenti ( Astana qalasy). 2008 jyldyń qarashasynan – «Ǵaryshtyq zertteýler ulttyq ortalyǵy» AQ Dırektorlar keńesiniń tóraǵasy. 2016 jyldan Investıtsııa jáne damý mınıstrligi Aeroǵarysh komıteti tóraǵasynyń keńesshisi.

Avtomatty basqarý jáne mehnızm men mashınalar teorııasy júıesi boıynsha ǵylymı mektep qurdy. 1967 jyly Almatyda Qazaq polıtehnıkalyq stýdentteri qurǵan «Dos-Muqasan» vokal-aspaptyq ansambliniń negizin qalaýshylardyń biri.

Ál-Farabı atyndaǵy ǵylym men tehnıka salasyndaǵy QR Memlekettik premııasynyń laýreaty (2015). «Parasat» (12.2007), «Qurmet» (1998) ordenderimen, «Astana» (1998) medalimen marapattalǵan. «Dos-Muqasan» ansambliniń quramynda Qazaqstannyń Lenındik komsomol premııasynyń laýreaty (1974) atandy.

73 jyl buryn (1951) Qazaqstan Respýblıkasy Prezıdenti janyndaǵy Ulttyq Quryltaı múshesi Ahmet Seıdarahmanovıch MÝRADOV dúnıege keldi.

Qostanaı oblysy Uzynkól aýdany Ershovka selosynda týǵan.

1974 jyly Groznyı munaı ınstıtýtynyń munaı óńdeý fakýltetin bitirgen. 1974-1977 jyldary – Groznyı munaı ınstıtýtynyń BLKJO komıteti hatshysynyń orynbasary, hatshysy, sheshen-ıngýsh respýblıkalyq stýdenttik qurylys otrıady komandıriniń orynbasary. 1977-1993 jyldary – «Mańǵyshlaqmunaı» óndiristik birlestiginiń Jetibaı burǵylaý jumystary basqarmasynda burǵyshynyń kómekshisi, burǵyshy, burǵylaý sheberiniń kómekshisi, burǵylaý sheberi, ınjener-tehnolog, bastyqtyń orynbasary, aýdandyq ınjenerlik-tehnologııalyq qyzmetiniń basshysy, Qumkól tereń burǵylaý ekspedıtsııasynyń basshysy, bastyqtyń orynbasary, Jetibaı burǵylaý jumystary basqarmasy partkomynyń hatshysy. 1992 jyly - Halyqtyq kelisim keńesi tóraǵasynyń orynbasary. 1993-1995 jyldary - Aqtaý qalasyndaǵy «Mekke» kommertsııalyq ortalyǵy Mańǵystaý fılıalynyń dırektory. 1995-1997 jyldary - Almaty qalasyndaǵy «Rosneft» munaı kompanııasy ókildiginiń basshysy. 1997 jyldan bastap osy ýaqytqa deıin «Vaınah» sheshen jáne ıngýsh halqynyń mádenıetin damytý qaýymdastyǵynyń teń tóraǵasy, Qazaqstan halqy Assambleıasy Keńesiniń múshesi. 2012-2016 jyldary besinshi saılanǵan Parlament Májilisiniń depýtaty. 2016 jylǵy naýryzdan bastap altynshy saılanǵan Parlament Májilisiniń depýtaty, Qazaqstan halqy Assambleıasynan saılanǵan.

Merekelik medaldarmen, «Qurmet» ordenimen marapattalǵan.

2022 jyldyń maýsym aıynan bastap qazirgi qyzmetinde.

63 jyl buryn (1961) rejısser, stsenarıst, jazýshy, aýdarmashy, kınodramatýrg, Qazaqstan kınematografıster odaǵynyń basqarma tóraǵasy Ermek Kárimjanuly TURSYNOV dúnıege keldi.

Almaty oblysy Narynqol aýdanynda týǵan.

Ál-Farabı atyndaǵy Qazaq ulttyq ýnıversıtetiniń jýrnalıstıka mamandyǵyn (1984), Jalpyreseılik memlekettik kınematografııa ınstıtýtynyń stsenarıılik-kınotaný fakýltetin (1990) bitirgen.

Eńbek joly: «Megapolıs» gazetinde jýrnalıst, bas redaktor; «Qazaqstan» telearnasynyń bas dırektory; «31 arnanyń» bas prodıýseri; «Kelin» («Oskar» syılyǵynyń «Úzdik sheteldik fılm» atalymy boıynsha short-lıstine endi), «Shal» («Kınoshok» festıvaliniń gran-prıi), trılogııalyq «Kenje», «Jat» fılmderiniń, «Kempir» komedııasynyń jáne t.b. týyndylardyń rejısseri.

2018 jyldyń aqpan aıynan beri qazirgi qyzmetinde.

52 jyl buryn (1972) teatr jáne kıno akteri Sergeı Razmıkovıch POGOSıAN dúnıege keldi.

Almaty qalasynda týǵan.

Almaty Aýyl sharýashylyǵy ınstıtýtyn (ekonomıst); T. Júrgenov atyndaǵy Qazaq memlekettik teatr jáne kıno ınstıtýtyn bitirdi. 15 jyldaı M. Lermontov atyndaǵy akademııalyq orys teatrynda qyzmet etti.

Qazaqstan Respýblıkasynyń Memlekettik syılyǵynyń laýreaty, «Jyl tańdaýy» konkýrsynda «Altyn adam» syılyǵyna ıe boldy.

48 jyl buryn (1976) A.Saǵynov atyndaǵy Qaraǵandy ​​tehnıkalyq ýnıversıteti dırektorlar keńesiniń tóraǵasy Aryn Amangeldiuly ORSARIEV dúnıege keldi.

Almaty qalasynda týǵan. Ál-Farabı atyndaǵy Qazaq memlekettik ulttyq ýnıversıtetiniń halyqaralyq qatynastar fakýltetin bitirgen. Klermon Ferran akademııasynyń stýdenti (1998), Marne-la-Vallı ýnıversıtetiniń magıstranty (1999); Sorbonna ýnıversıtetinde dıplomatııa mamandyǵy boıynsha magıstrant (2000).

Eńbek joly: Qyrqynshy Tselınnaıa temir jolynda aǵa qurastyrýshy (1992); joǵary sanatty maman, Qazaqstan Respýblıkasy Syrtqy ister mınıstrliginiń Dıplomatııalyq akademııasynda oqytýshy (2000); Qazaqstan Respýblıkasy Syrtqy ister mınıstrliginiń ekinshi hatshysy (2000); Qazaqstan Respýblıkasy Qaýipsizdik Keńesiniń Taldaý ortalyǵynyń aǵa sarapshysy, Qazaqstan Respýblıkasy Qaýipsizdik Keńesi Hatshylyǵynyń aǵa sarapshysy (2000-2002); Qazaqstan Respýblıkasy Prezıdenti Ákimshiliginiń ishki saıasat bóliminiń aǵa sarapshysy (2002-2004); Qazaqstan Respýblıkasy Prezıdenti Ákimshiliginiń Іshki saıasat bóliminiń aqparattyq-taldaý ortalyǵynyń bas sarapshysy, sektor meńgerýshisi (2004-2005); Astana qalasy Іshki saıasat departamentiniń dırektory (2005-2008); Qazaqstan Respýblıkasy Memlekettik qyzmet isteri agenttigi tóraǵasynyń orynbasary (2008); Qazaqstan Respýblıkasy Memlekettik qyzmet isteri agenttigi tóraǵasynyń mindetin atqarýshy (2008-2009); Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory (2009-2012); Pavlodar oblysy ákiminiń orynbasary (2012-2015); S.Toraıǵyrov atyndaǵy Pavlodar memlekettik ýnıversıtetiniń rektory (2015-2017); Qazaqstan Respýblıkasy Bilim jáne ǵylym mınıstrliginiń jaýapty hatshysy (2017-2019); «Ǵylym qory» AQ basqarma tóraǵasy (2019-2022).

2023 jyldyń tamyz aıynan beri qazirgi qyzmetinde.