20 sáýir. Tulǵalar týǵan kún

Búgin, 20 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

72 jyl buryn (1952) sýretshi-árleýshi, Qazaqstan Sýretshiler odaǵynyń múshesi, «Qyrym araly» ǵylymı-jańǵyrtý zerthanasynyń dırektory Qyrym ALTYNBEKOV dúnıege keldi.

Búkilodaqtyq rekonstrýktsııalaý ǵylymı-zertteý ınstıtýtynyń (Máskeý) túlegi. Qazaqstanda, Reseıde jáne Frantsııada ejelgi qorǵandardy qazýǵa qatysty. Aǵashtan jasalǵan qoldanbaly óner zattaryn jańǵyrtý jónindegi kitaptar avtorlarynyń biri, osy másele boıynsha halyqaralyq konferentsııalarǵa qatysqan. Ol 1 myńnan astam ejelgi tarıh jáne mádenıet eskertkishterin qalpyna keltirdi, «Altyn adamdy» (Almaty oblysy) neǵurlym dál jańǵyrtý jónindegi jumystarǵa atsalysty. Ejelgi sarmat kóseminiń qarý-jaraqtary men Berel kóseminiń attarynyń ásem bezendirilýi sııaqty biregeı jumystardy atqardy.

65 jyl buryn (1959) «Ulttyq ál-aýqat qory» qoǵamdyq qorynyń dırektory, Qazaqstan Respýblıkasy Syrtqy ister mınıstrliginiń Erekshe tapsyrmalar boıynsha Elshisi Úsen Ábdiqadyruly SÚLEIMEN dúnıege kelgen.

Túrkistan oblysynda týǵan. 1980 jyly Almaty pedagogıkalyq shet tilderi ınstıtýtyn, 1995 jyly Kolýmbııa ýnıversıtetin (AQSh); 2013 jyly Gonkong ýnıversıtetin (QHR) bitirgen. Saıası ekonomıka doktory (Ph.D.).

Eńbek joly: 1982-1985 jyldary Shymkent pedagogıkalyq ınstıtýty Shet tilderi kafedrasynyń aǵa laboranty, oqytýshysy, 1985-1990 jyldary Almaty pedagogıkalyq shet tilderi ınstıtýty Qazaq tili kafedrasynyń taǵylymdamashy-zertteýshisi, aspıranty, 1990-1991jyldary «Altyn-Alma» ortalyǵynyń syrtqy ekonomıkalyq baılanystar jónindegi aǵa referenti, 1991-1992 jyldary «Senim» Qazaqstan-Amerıka birlesken kásiporny Protokol bóliminiń jetekshisi, Gýmanıtarlyq bólimi dırektorynyń orynbasary, 1992-1994 jyldary QR Syrtqy ister mınıstrliginiń Memlekettik protokol basqarmasynyń úshinshi hatshysy bolyp qyzmet atqarǵan. 1994-1995 jyldary QR Syrtqy ister mınıstrliginiń Amerıka elderi basqarmasynyń úshinshi hatshysy, 1995 jyly QR Syrtqy ister mınıstrliginiń Amerıka elderi jetekshi basqarmasynyń ekinshi hatshysy, 1995-1996 jyldary Ekonomıkalyq yntymaqtastyq uıymynyń ilespe-aýdarmashysy, 1996-2000 jyldary Qazaqmtan Respýblıkasynyń Iran Islam Respýblıkasyndaǵy Elshiliginiń ekinshi hatshysy, birinshi hatshysy, 2000-2001 jyldary QR Syrtqy ister mınıstrliginiń Kópjaqty yntymaqtastyq departamentiniń basqarma bastyǵy boldy. 2001 jyly «GoldenEagleServices» munaı kompanııasynyń korporatıvti damytý jónindegi menedjeri, 2001-2002 jyldary «Habar» agenttigi aqparattyq-taldaý bóliminiń sarapshysy, 2002-2004 jyldary QR Prezıdenti janyndaǵy Qazaqstan menedjment, ekonomıka jáne boljamdaý ınstıtýtynyń (KIMEP) korporatıvti damytý jónindegi dırektory, 2004-2005 jyldary Qazaqstan Respýblıkasynyń Túrikmenstandaǵy Elshiliginiń keńesshisi, 2005-2009 jyldary Qazaqstan Respýblıkasynyń Gonkong qalasyndaǵy (QHR) Bas konsýly, 2009-2012 jyldary Qazaqstan Respýblıkasynyń Eýropadaǵy qaýipsizdik pen yntymaqtastyq uıymy janyndaǵy Turaqty ókiliniń orynbasary, 2012-2016 jyldary QR Syrtqy ister mınıstrliginiń Erekshe tapsyrmalar jónindegi elshisi, 2016-2019 jyldary Qazaqstan Respýblıkasynyń Sıngapýr Respýblıkasyndaǵy Tótenshe jáne Ókiletti Elshisi, 2017-2019 jyldary Qazaqstan Respýblıkasynyń Jańa Zelandııadaǵy Tótenshe jáne Ókiletti Elshisi qyzmetin qosa atqarýshy qyzmetin atqardy.

ІІ synypty Tótenshe jáne Ókiletti Ýákil dıplomatııalyq dárejesi bar.

Qazirgi qyzmetinde – 2019 jyldyń tamyz aıynan bastap.

62 jyl buryn (1962) Qazaqstan Respýblıkasy Parlamenti Senatynyń depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Ábdikárimuly BEKTAEV dúnıege keldi.

Ońtústik Qazaqstan oblysynda týǵan.Qazaq aýyl sharýashylyǵy ınstıtýtyn, Qazaqstan menedjment, ekonomıka jáne boljaý ınstıtýtyn bitirgen. Injener-mehanık, saıasattanýshy. Ekonomıka ǵylymdarynyń kandıdaty.

1984-1985 jyldary Ońtústik Qazaqstan oblysy Leńgir aýdany S. Seıfýllın atyndaǵy ujymshardyń bas ınjeneri, 1987-1989 jyldary Qazaqstan Kompartııasy Saıram aýdandyq partııa komıtetiniń nusqaýshysy, 1989-1990 jyldary Saıram aýdanyndaǵy Frýnze atyndaǵy keńshardyń partııa komıtetiniń hatshysy, 1992-1994 jyldary Qazyǵurt aýdandyq ákimshiligi basshysynyń orynbasary, 1994-1999 jyldary Ońtústik Qazaqstan oblysy Jastar isi, sport jáne týrızm basqarmasynyń basshysy, 1999 jyly oblystyq memlekettik qyzmet departamentiniń dırektory, 1999-2000 jyldary Ońtústik Qazaqstan oblysynyń Syrtqy ekonomıkalyq baılanystar jáne ınvestıtsııalar basqarmasynyń basshysy, 2000-2002 jyldary Qazyǵurt aýdanynyń ákimi, 2002-2006 jyldary Ońtústik Qazaqstan oblysy ákiminiń orynbasary, 2006-2008 jyldary Túrkistan qalasynyń ákimi, 2008-2014 jyldary Ońtústik Qazaqstan oblysy ákiminiń orynbasary bolyp qyzmet istegen.

Qazirgi qyzmetinde 2019 jyldyń qyrkúıek aıynan bastap.

«Qurmet» ordenimen marapattalǵan.

61 jyl buryn (1963) Ramazan Súleımenov atyndaǵy shyǵystaný ınstıtýtynyń dırektory Dúken MÁSІMHANULY dúnıege keldi.

Іle Qazaq avtonomııalyq oblysynda týǵan. 1987 jyly Beıjiń qalasyndaǵy Ortalyq ulttyq ýnıversıtetin «aýdarmashy-fılolog» mamandyǵy boıynsha bitirgen.

Eńbek joly: 1987-1993 jyldary ShUAR Úrimji qalasyndaǵy Gýmanıtarlyq Ǵylymdar Akademııasynyń ádebıet ınstıtýtynda ǵylymı qyzmetker, 1993-2002 jyldary ál-Farabı atyndaǵy Qazaq ulttyq ýnıversıtetiniń Shyǵystaný fakýltetiniń Qıyr Shyǵys elderi kafedrasynyń dotsenti, 2002 jyly L.N. Gýmılev atyndaǵy EUÝ shyǵystaný kafedrasynyń dotsenti boldy. 2003-2009 jyldary L.N. Gýmılev atyndaǵy EUÝ shyǵystaný kafedrasynyń meńgerýshisi, 2010-2020 jyldary L.N. Gýmılev atyndaǵy EUÝ fılologııa fakýlteti qytaı tili kafedrasynyń meńgerýshisi.

Qazirgi qyzmetinde 2020 jylǵy maýsym aıynan bastap.

«Qazaqstannyń táýelsizdigine 10 jyl», «Qazaqstannyń táýelsizdigine 20 jyl» medaldarymen marapattalǵan. Qazaqstan jazýshylar odaǵynyń Halyqaralyq «Alash» ádebıet syılyǵynyń jáne ShYU-nyń (Shańhaı Yntymaqtastyq Uıymy) «Jibek joly: gýmanıtarlyq yntymaqtastyq» syılyǵynyń ıegeri.

43 jyl buryn (1981) Qazaqstan Respýblıkasy Parlamenti Májilisiniń VII shaqyrylym depýtaty, Zańnama jáne sot-quqyqtyq reforma komıtetiniń tóraıymy Snejanna Valerevna IMAShEVA dúnıege keldi.

Batys Qazaqstan oblysynyń Terekti aýdany Bekeı aýylynda týǵan. 2001 jyly M. Ótemisov atyndaǵy Batys Qazaqstan memlekettik ýnıversıtetin bitirgen.

Eńbek joly: 2001 jyly «Turan Álem Banki» AAQ-nyń Aqsaı fılıalynda bólshek kredıtteý mamany, 2001-2003 jyldary notarıýstyń kómekshisi, 2003-2005 jyldary «Jaıyq Holdıng» JShS-nyń zań keńesshisi, 2005-2011 jyldary «Aqsaıenergo» JShS-nyń zań keńesshisi, ótkizý bóliminiń bastyǵy, 2011-2016 jyldary «Batys Energoresýrstary» JShS-nyń bas dırektory, 2016-2021 jyldary altynshy saılanǵan QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi qyzmetinde boldy.

Qazirgi qyzmetin 2023 jylǵy naýryz aıynan bastap atqaryp keledi.

40 jyl buryn (1984) Túrkistan oblysy Saıram aýdanynyń ákimi Arman Sábıtuly SÁBITOV dúnıege keldi.

Ál-Farabı atyndaǵy Qazaq Ulttyq ýnıversıtetin, T.Rysqulov atyndaǵy Qazaq ekonomıkalyq ýnıversıtetiniń aspırantýrasyn bitirgen. Mamandyǵy boıynsha ekonomıst, ekonomıka ǵylymdarynyń kandıdaty, memlekettik aýdıtor.

Eńbek jolyn «Azamataýdıt» JShS aýdıtorlyq mekemesinde aýdıtordyń assıstenti bolyp bastaǵan. 2004-2011 jyldary aýdıtordyń aǵa assıstenti, menedjer-joba basqarýshysy, Almaty qalasyndaǵy ókildik basqarýshysy laýazymdaryn atqarǵan. 2011-2016 jyldary Almaty qalasy boıynsha Tekserý komıssııasynyń múshesi laýazymyn atqarǵan. 2016-2017 jyldary Ońtústik Qazaqstan oblysy ákimi apparaty basshysynyń orynbasary, 2017-2018 jyldary Ońtústik Qazaqstan oblysy Ekonomıka jáne bıýdjettik josparlaý basqarmasynyń basshysy, 2018-2019 jyldary Túrkistan oblysy Ekonomıka jáne bıýdjettik josparlaý basqarmasynyń basshysy qyzmetin atqarǵan. 2019-2020 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2020-2023 jyldary Túrkistan oblysy ákiminiń orynbasary laýazymyn atqardy.

Qazirgi qyzmetinde – 2023 jyldyń maýsym aıynan bastap.