20 naýryzda respýblıka joldaryndaǵy ahýal qandaı

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, 2026 jylǵy 20 naýryzda respýblıkalyq mańyzy bar birneshe jolda kólik qozǵalysy shekteldi:

Soltústik Qazaqstan oblysy

• «Tımırıazevo — Sarykól — Qostanaı oblysynyń shekarasy» avtojolynyń 0-30-shaqyrym aralyǵy (Tımırıazevo aýyly — Qostanaı oblysynyń shekarasy) ýchaskesinde júk jáne qoǵamdyq kólikter úshin qozǵalys shekteldi.

Pavlodar oblysy

• «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesi (Qalqaman kentine kireberis pen Astana baǵytyna shyǵar jol).

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qysqy maýsym aıaqtalǵansha saqtalady.

Eske salaıyq, buǵan deıin «QazAvtoJol» Pavlodar jáne Abaı oblystarynda jol ashylyp, kólik qozǵalysyna ruqsat berilgeni týraly habarlaǵan edi.