20 maýsym kúni Qazaqstannyń basym bóliginde jańbyr jaýady

ASTANA. KAZINFORM - Tsıklon men onymen baılanysty atmosferalyq fronttardyń áserinen 20 maýsymda elimizdiń basym bóliginde naızaǵaı oınap, jańbyr jaýady. Kúndiz elimizdiń soltústik-batysynda, soltústiginde jáne ońtústik-shyǵysynda qatty jańbyr jaýyp, burshaq túsýi múmkin.

«Qazgıdromet» RMK málimetinshe, respýblıka boıynsha jel kúsheıedi. Soltústik pen ońtústikte shańdy daýyl soǵady.

Sonymen qatar, myna óńirlerde joǵary órt qaýpi saqtalady:

• Almaty oblysy,

• Abaı oblysynyń soltústigi men shyǵysy,

• Pavlodar oblysynyń batysy men ońtústigi,

• Jambyl oblysynyń ońtústigi men soltústigi,

• Batys Qazaqstan oblysynyń batysy, shyǵysy jáne ońtústik-shyǵysy,

• Aqmola oblysynyń ońtústigi men shyǵysy,

• Soltústik Qazaqstan oblysynyń ońtústigi,

• Atyraý oblysynyń soltústigi men ońtústigi,

• Mańǵystaý oblysynyń soltústik-batysy, ortalyǵy men ońtústigi,

• Shyǵys Qazaqstan oblysynyń soltústik-batysy.

Al myna aımaqtarda óte joǵary, tótenshe órt qaýpi boljanyp otyr:

• Jambyl, Qyzylorda, Túrkistan, Aqtóbe, Qaraǵandy oblystary,

• Ulytaý oblysy,

• Jetisý oblysynyń soltústigi, shyǵysy men ortalyǵy,

• Almaty oblysynyń soltústigi, batysy jáne ortalyǵy,

• Atyraý oblysynyń shyǵysy men ortalyǵy,

• Mańǵystaý oblysynyń soltústigi, shyǵysy jáne ońtústik-shyǵysy,

• Pavlodar oblysynyń soltústik-batysy jáne ońtústik-shyǵysy,

• Qostanaı oblysynyń soltústigi men ońtústigi,

• Batys Qazaqstan oblysy,

• Abaı oblysynyń batysy, soltústik-batysy jáne ońtústigi,

• Shyǵys Qazaqstan oblysynyń ońtústigi men ortalyǵy.

Aýa temperatýrasy da joǵarylaıdy.

• Jetisý oblysynda kúndiz 35 gradýsqa deıin qatty ystyq kútiledi.

• Abaı oblysynda 35–38 gradýsqa deıin,

• Shyǵys Qazaqstan oblysynyń ońtústiginde 37 gradýsqa deıin qatty ystyq bolady.

Aıta keteıik, Qanat Bozymbaev tabıǵı apattardan turǵyn úılerdi mindetti saqtandyrý júıesin ázirleý barysyn tekserdi.