20 qańtar. Tulǵalar týǵan kún
Búgin, 20 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1959) general-maıor, zań ǵylymdarynyń doktory Qozy-Kórpesh Japarhanuly KÁRBOZOV dúnıege keldi.
Jambyl oblysy Shý qalasynda týǵan. S.Kırov atyndaǵy Qazaq memlekettik ýnıversıtetiniń zań fakýltetin (1981) zańger-quqyqtanýshy mamandyǵy boıynsha; KSRO Prokýratýra ınstıtýtynyń Harkov fılıalyn (1985); Máskeý KSRO prokýratýrasy basshy kadrlarynyń biliktiligin jetildirý ınstıtýtyn (1989); ál-Farabı atyndaǵy Qazaq memlekettik ýnıversıtetin «Qarjy jáne nesıe» mamandyǵy boıynsha bitirgen (2003).
Eńbek joly: 1981-1982 jyldary Jambyl oblysy, Shý aýdany Atqarýshy komıtetiniń jaýapty hatshysy, 1982-1988 jyldary Moıynqum aýdany prokýrorynyń kómekshisi, 1986-1988 jyldary Jambyl oblysy prokýratýrasy Tergeý basqarmasynyń prokýrory, 1988-1989 jyldary QR prokýratýrasy Tergeý basqarmasynyń prokýrory, 1989-1994 jyldary Qyzylorda oblystyq prokýratýra tergeý bóliminiń bastyǵy, oblys prokýrorynyń orynbasary bolyp qyzmet atqarǵan.
1994 jyly QR Bas Prokýratýrasy sot aktileriniń zańdylyǵyn qadaǵalaý jónindegi basqarma bastyǵy,1994-1995 jyldary QR Bas Prokýratýrasy janyndaǵy memlekettik bıliktiń joǵary eshelondarynda sybaılas jemqorlyqqa qarsy kúres jónindegi arnaıy prokýror, 1995-1997 jyldary Іshki ister mınıstrligi organdarynda, Memlekettik tergeý komıteti men anyqtaýdyń jedel qyzmetterin qadaǵalaý jónindegi basqarma, salyq qyzmeti, Qarjy mınıstrligi jáne Qazaqstan Respýblıkasy Keden komıteti, Almaty qalasy boıynsha Memlekettik tergeý komıteti Bas basqarmasynyń bastyǵy, 1997-1998 jyldary Almaty qalasy boıynsha Memlekettik tergeý komıteti Departamentiniń bastyǵy, 1998-2000 jyldary QR Ulttyq qaýipsizdik komıtetiniń Sybaılas jemqorlyqqa jáne uıymdasqan qylmysqa qarsy kúres departamentiniń bastyǵy laýazymyn atqarǵan.
2000-2003 jyldary QR Ulttyq qaýipsizdik komıtetiniń Tergeý departamentiniń bastyǵy, 2003-2007 jyldary QR Ulttyq qaýipsizdik komıteti Tóraǵasynyń orynbasary, 2003-2007 jyldary QR Qarjy mınıstriniń orynbasary – Kedendik baqylaý komıtetiniń tóraǵasy, 2007-2011 jyldary QR Qarjy mınıstrligi Shekaralyq baqylaý komıtetiniń vıtse-mınıstr-tóraǵasy qyzmetin atqarǵan. 2013 jyldan beri QR Qorǵanys mınıstrligi janyndaǵy Áskerı-strategııalyq zertteý ortalyǵynyń prezıdenti. «KMG-Security» JShS bas dırektory (Basqarma tóraǵasy).
I jáne II dárejeli «Dańq» ordenderimen (2004,2009), medaldarmen marapattalǵan.
62 jyl buryn (1963) Qazaqstan Respýblıkasy Joǵarǵy sotynyń sýdıasy Asqarjan Qapezuly KENJEǴARIN dúnıege kelgen.
Joǵary zańgerlik bilimi bar.
Eńbek jolyn zańger mamandyǵy boıynsha 1989 jyly Shubartaý aýdandyq notarıattyq keńsesiniń notarıýsy laýazymynan bastaǵan. 1992-1996 jyldary Semeı oblysy Aıagóz halyq sotynyń atqarýshylyq jáne ákimshilik ister jónindegi sýdıasy, 1996-1998 jyldary Shyǵys Qazaqstan oblysy Shubartaý aýdandyq sotynyń tóraǵasy, 1998-2015 jyldary ShQO sotynyń sýdıasy bolyp qyzmet atqarǵan. 2015-2017 jyldary Astana qalasy soty qylmystyq ister jónindegi sot alqasynyń tóraǵasy boldy.
2017 jyldan bastap qazirgi qyzmetinde.
54 jyl buryn (1971) Qazaqstan Respýblıkasy Parlamenti Senatynyń depýtaty Bıbigúl Búrkitqyzy AQQUJINA dúnıege keldi.
Qostanaı oblysy Ýrıtskıı aýdany Qara-Oba aýylynda dúnıege kelgen. A.Batursynov atyndaǵy Qostanaı memlekettik ýnıversıtetin bitirgen.
Eńbek joly: Qostanaı memlekettik ýnıversıtetiniń psıhologııa oqytýshysy (1997-2000); Memlekettik qyzmet isteri agenttiginiń Qostanaı oblysy boıynsha memlekettik qyzmet basqarmasynyń jetekshi jáne bas mamany (2000-2002); Qostanaı oblysy ákimdiginiń oblystyq ishki saıasat basqarmasynyń taldaý jáne monıtorıng bóliminiń basshysy (2002-2009); Qostanaı oblysy ákimdiginiń ishki saıasat basqarmasy basshysynyń orynbasary (2009-2016); Qostanaı qalasy ákiminiń orynbasary (2016-2017); «Qostanaı oblysy ákimdiginiń ishki saıasat basqarmasy» memlekettik mekemesiniń basshysy, Qazaqstan halqy oblystyq assambleıasy hatshylyǵynyń meńgerýshisi (2017-2021); «Nur Otan» partııasy Qostanaı oblystyq fılıaly tóraǵasynyń birinshi orynbasary (2021-2022); «AMANAT» partııasy Qostanaı oblystyq fılıalynyń tóraǵasy (2022-2023).
2023 jyldyń jeltoqsanynan bastap qazirgi qyzmetinde.
41 jyl buryn (1984) Aqtóbe oblystyq máslıhatynyń depýtaty, «Qazhrom» transulttyq kompanııasy» AQ prezıdenti Sergeı Leonıdovıch PROKOPЬEV dúnıege keldi.
Jambyl oblysynda týǵan. 2006 jyly Innovatsııalyq Eýrazııalyq ýnıversıtetin «Qara jáne tústi metaldar» mamandyǵy boıynsha támamdady, Halyq sharýashylyǵy jáne memlekettik qyzmet Reseı akademııasynda MVA biliktiligi boıynsha bilimin arttyrdy (2012 jyl). EÚ bıznes akademııasynda bilim alǵan.
Eńbek jolyn Aqsý ferroqorytpa zaýyty №1 balqytý tsehynyń kórikshisi bolyp bastaǵan. Keıin aǵa sheber bolyp jumys istedi, №1 balqytý tsehyn basqardy, óndiristik-tehnıkalyq basqarmaǵa jetekshilik etti, al 2014 jyly Aqsý ferroqorytpa zaýytynyń óndirisi jónindegi tehnıkalyq dırektorynyń orynbasary, 2014-2021 jyldary Aqsý ferroqorytpa zaýytynyń dırektory bolyp qyzmet etti. 2021-2022 jyldary «Qazhrom» TUK» AQ óndiris jónindegi vıtse-prezıdenti laýazymyn atqardy.
Qazirgi qyzmetin 2022 jyldyń qyrkúıeginen beri atqaryp keledi.
«Qazaqstan Konstıtýtsııasyna 20 jyl» mereıtoılyq medalimen marapattalǵan (2015).
25 jyl buryn (2000) ártis, ánshi Mıras JÚGІNІSOV dúnıege keldi.
Oral qalasynda dúnıege kelgen.
Týǵan aǵalarymen birge «Aǵaıyndy Júginisovter» trıosy retinde óner kórsetti. Rústem, Muhammedálı jáne Mıras – halyqaralyq baıqaýlardyń júldegerleri ári jeńimpazdary. Mıras Grýzııadaǵy «Jibek jolynyń juldyzdary-2018» festıvaline qatysqan.
2021 jyldyń 13 qarashasynda «Shyda» ánine beınebaıan shyqty. Sol ýaqyttan bastap ol kópshiliktiń súıikti ánshisine aınaldy. 2022 jyldyń 15 aqpanynda Mırastyń dýet bolyp shyrqaǵan «Roman» áni jaryqqa shyqty.
Mırastyń sondaı-aq kópshilikke tanymal «Zymyran» (2021); «Sen týraly» (2021); «Kyzǵanamyn» (2021); «Oılaı berem» (2022); «Mama» (2022) ánderi bar.