2 jeltoqsan. Tulǵalar týǵan kún
ESІMDER
62 jyl buryn (1960) Qazaqstan Respýblıkasynyń Iran Islam Respýblıkasyndaǵy Tótenshe jáne ókiletti elshisi Ashat Tutqyshbaıuly ORAZBAI dúnıege keldi.
Qyrǵyz Respýblıkasynyń Frýnze (qazirgi – Bishkek) qalasynda týǵan. Tashkent memlekettik ýnıversıtetiniń shyǵys tilderi fakýltetin bitirgen.
1985-1990 jyldary - Qazaq KSR Mádenıet mınıstrligi Teleradıo komıtetiniń redaktory.
1990-1992 jyldary - ál-Farabı atyndaǵy Qazaq Ulttyq ýnıversıtetiniń Shyǵystaný fakýltetiniń oqytýshysy, fakýltet dekanynyń orynbasary.
1992-1994 jyldary - Qazaqstan Respýblıkasynyń Syrtqy ister mınıstrligi Taıaý Shyǵys departamentiniń ekinshi hatshysy, Qazaqstan Respýblıkasynyń Syrtqy ister mınıstriniń kómekshisi. 1994-1999 jyldary - Qazaqstan Respýblıkasynyń Iran Islam Respýblıkasyndaǵy elshiliginiń birinshi hatshysy, keńesshisi. 1999-2001 jyldary - Qazaqstan Respýblıkasy Syrtqy ister mınıstrligi ekijaqty yntymaqtastyq departamenti dırektorynyń orynbasary. 2001-2002 jyldary - BUU arnaıy mıssııasynyń Islamabad qalasyndaǵy Aýǵanstan jónindegi saıası keńesshisi. 2002-2003 jyldary - Qazaqstan Respýblıkasy Syrtqy ister mınıstrligi Afrıka, Taıaý Shyǵys jáne Azııa departamentiniń dırektory. 2003-2006 jyldary - Qazaqstan Respýblıkasy Syrtqy ister mınıstrliginiń arnaıy tapsyrmalar jónindegi elshisi, Ekonomıkalyq yntymaqtastyq uıymynyń bas hatshysy. 2006-2008 jyldary - Qazaqstan Respýblıkasy Syrtqy ister mınıstrliginiń arnaıy tapsyrmalar jónindegi elshisi, Qazaqstan Respýblıkasynyń Shanhaı yntymaqtastyq uıymyndaǵy qyzmet jónindegi ulttyq úılestirýshisi qyzmetterin atqarǵan. 2008-2012 jyldary - Túrikmenstandaǵy Qazaqstan Respýblıkasynyń Tótenshe jáne Ókiletti elshisi. 2012 jyldan bastap Qazaqstan Respýblıkasynyń Indonezııadaǵy Tótenshe jáne ókiletti elshisi boldy. 2015 jyldan bastap Qazaqstan Respýblıkasynyń Fılıppın Respýblıkasyndaǵy Tótenshe jáne ókiletti elshisi laýazymyn qosa atqarýshy.
2019 jyldyń qańtar aıynan bastap qazirgi qyzmetinde.
«Jaýyngerlik erligi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Eren eńbegi úshin», «Astananyń 10 jyldyǵy» medaldarymen, QR Qurmet gramotasymen marapattalǵan. QR Prezıdentiniń alǵys hatyn alǵan.
61 jyl buryn (1961) Soltústik Qazaqstan oblystyq sotynyń tóraǵasy Erbol Ámirǵalıuly JANǴAZIN dúnıege keldi.
Shyǵys Qazaqstan oblysynda dúnıege keldi. Qazaq memlekettik ýnıversıtetin zańger mamandyǵy boıynsha támamdaǵan (1987).
Eńbek joly: qoı ósiretin keńsharda jumysshy (1979-1980), Qaltoǵa qoı ósirýshi keńsharynda qurylys jumyskeri (1982), Óskemen qalasynda Shyǵys Qazaqstan sýsyndar shyǵaratyn óndiristik birlestiginiń zań keńesshisi (1987-1989), Shyǵys Qazaqstan oblysy Zyrıan qalasyndaǵy prokýratýranyń aǵa tergeýshisi (1989-1993), Almaty qalasy Áýezov aýdany prokýrorynyń kómekshisi (01.03.1993-31.03.1993), QR Bas prokýratýrasy sot aktileriniń zańdylyǵyn qadaǵalaý bóliminiń prokýrory (1993-1995), QR Prokýratýrasy Kadrlardy basqarý prokýrory (06.1995-08.1995), Almaty qalalyq soty múshesiniń mindetterin atqarýshy (1995-1996), Almaty qalalyq sotynyń sýdıasy (1996-2013), Almaty qalasy Alataý aýdandyq sotynyń tóraǵasy (2013-2015), Pavlodar oblystyq sotynyń Qylmystyq ister jónindegi apellıatsııalyq alqa tóraǵasy (2015-2018). Shymkent qalasy qylmystyq ister boıynsha sot alqasynyń tóraǵasy (2018-2021).
2021 jyldyń qarasha aıynan bastap qazirgi qyzmetinde.
60 jyl buryn (1962) Qazaqstan Respýblıkasy Premer-mınıstri Keńsesiniń qarjy-sharýashylyq bóliminiń meńgerýshisi Berdibek Qýanuly MEIІRBEKOV dúnıege keldi.
Shymkent oblysynda týǵan. T. Rysqulov atyndaǵy Qazaq memlekettik ekonomıkalyq ýnıversıtetiniń qarjy jáne nesıe fakýltetin bitirgen (1992), ekonomıst.
Ekonomıka ǵylymdarynyń kandıdaty (2004). 1983 jyldan - KSRO Membanktiń Sozaq aýdany bólimshesinde 2-shi razrıadty sarapshy-kassır. 1988 jyldan - «Agroprombank» aqsha aınalymy jónindegi ýákil.
1991 jyldan - Shymkent oblysy Taýkent kentinde «Agroprombank» fılıalynyń meńgerýshisi.1992 jyldyń tamyzynan - «Qazaqstan Álembanki» AQ basqarmasynda jetekshi ekonomıst, bas ekonomıst, basqarma bastyǵy, teraǵa orynbasary. 1995 jyldyń qańtar aıynan - damytý jáne yntymaqtastyq Ortalyq Azııa bank vıtse-prezıdenti (Almaty qalasy).
1998 jyldyń mamyrynan - QR Premer-mınıstri Keńsesiniń Qujattyq qamtamasyz etý bólimi meńgerýshisiniń orynbasary. 1999-2012 jj. QR Premer-mınıstri Keńsesiniń Qarjy-sharýashylyq jáne kadr jumysy bóliminiń meńgerýshisi, QR Premer-mınıstri Keńsesiniń Qujattyq qamtamasyz etý bólimi meńgerýshisiniń orynbasary (2012-2014).
2014 jyldyń tamyz aıynan beri qazirgi qyzmetinde.
«Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2005), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006) medaldarymen marapattalǵan.
51 jyl buryn (1971) Ulttyq quryltaı tóraǵasynyń orynbasary, Bas redaktorlar klýbynyń prezıdenti Bıbigúl Nurǵalıqyzy JEKSENBAI dúnıege kelgen.
Shyǵys Qazaqstan oblysynda týǵan. Ál-Farabı atyndaǵy Qazaq memlekettik ýnıversıtetin jýrnalıstıka mamandyǵy boıynsha; Qazaq memlekettik ýnıversıtetiniń janyndaǵy Abylaıhan atyndaǵy halyqaralyq qatynastar jáne álem tilderi ınstıtýtyn qujat júrgizý isi jáne basqarýdy qujattamalyq qamtamasyz etý mamandyǵy boıynsha bitirgen, Halyqaralyq Bıznes Akademııasynyń bıznes basqarý magıstri.
Eńbek joly: «Sport» respýblıkalyq gazetinde tilshi (1992-1993); respýblıkalyq qoǵamdyq-saıası «Jas Alash» gazetinde tilshi (1993-1994); «Atamura» aptalyq gazetiniń tilshisi (1994-1996); «Habar» agenttiginiń Astana qalasy boıynsha ortalyq bıýrosynda redaktor, tilshi, prodıýser, dırektor orynbasary (1996-2007); «Qazaqstan» tele-radıo korporatsııasynda aqparattyq baǵdarlamalar dırektsııasy dırektorynyń orynbasary, aqparattyq-taldaý baǵdarlamalary dırektsııasynyń dırektory (06.2007-12.2007); «Qazaqstan» RTRK ulttyq televıdenıesi bas dırektorynyń orynbasary (2007-2008); «Era» telearnasynyń bas dırektorynyń orynbasary-bas redaktory (2008-2010); «Jetinshi arna» telearnasynyń bas dırektory (2010-2011); «Jetinshi arna» Dırektorlar keńesiniń tóraıymy (2011-2016). Qazaqstan Respýblıkasy Parlamenti Senaty Tóraǵasynyń BAQ-pen ózara is-qımyl máseleleri jónindegi keńesshisi (2016-2019); «Astana» telearnasynyń bas dırektory (04.2019-10.2019).
2022 jyldyń maýsym aıynan bastap qazirgi qyzmetinde.
«Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10 jyldyǵy», «Qazaqstan Respýblıkasynyń Parlamentine 10 jyl», «Astananyń 10 jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri, «Jyl adamy-2006» ataǵynyń ıegeri.
