2 jeltoqsan. Tulǵalar týǵan kún

Búgin, 2 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

63 jyl buryn (1960) Qazaqstan Respýblıkasynyń Iran Islam Respýblıkasyndaǵy Tótenshe jáne ókiletti elshisi Ashat Tutqyshbaıuly ORAZBAI dúnıege keldi.

Qyrǵyz Respýblıkasynyń Frýnze (qazirgi Bishkek) qalasynda týǵan. Tashkent memlekettik ýnıversıtetiniń shyǵys tilderi fakýltetin bitirgen.

1985-1990 jyldary - Qazaq KSR Mádenıet mınıstrligi Teleradıo komıtetiniń redaktory. 1990-1992 jyldary - ál-Farabı atyndaǵy Qazaq Ulttyq ýnıversıtetiniń Shyǵystaný fakýltetiniń oqytýshysy, fakýltet dekanynyń orynbasary. 1992-1994 jyldary - QR Syrtqy ister mınıstrligi Taıaý Shyǵys departamentiniń ekinshi hatshysy, QR Syrtqy ister mınıstriniń kómekshisi. 1994-1999 jyldary - QR Iran Islam Respýblıkasyndaǵy elshiliginiń birinshi hatshysy, keńesshisi. 1999-2001 jyldary - QR Syrtqy ister mınıstrligi ekijaqty yntymaqtastyq departamenti dırektorynyń orynbasary. 2001-2002 jyldary - BUU arnaıy mıssııasynyń Islamabad qalasyndaǵy Aýǵanstan jónindegi saıası keńesshisi. 2002-2003 jyldary - QR Syrtqy ister mınıstrligi Afrıka, Taıaý Shyǵys jáne Azııa departamentiniń dırektory. 2003-2006 jyldary - QR Syrtqy ister mınıstrliginiń arnaıy tapsyrmalar jónindegi elshisi, Ekonomıkalyq yntymaqtastyq uıymynyń bas hatshysy. 2006-2008 jyldary QR Syrtqy ister mınıstrliginiń arnaıy tapsyrmalar jónindegi elshisi, QR Shanhaı yntymaqtastyq uıymynda ulttyq úılestirýshi qyzmetterin atqarǵan. 2008-2012 jyldary - Túrikmenstandaǵy QR Tótenshe jáne Ókiletti elshisi. 2012-2015 jyldary - QR Indonezııadaǵy Tótenshe jáne ókiletti elshisi boldy. 2015 jyldan bastap - QR Fılıppın Respýblıkasyndaǵy Tótenshe jáne ókiletti elshisi laýazymyn qosa atqarýshy.

2019 jyldyń qańtar aıynan bastap qazirgi qyzmetinde.

«Jaýyngerlik erligi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Eren eńbegi úshin», «Astananyń 10 jyldyǵy» medaldarymen, QR Qurmet gramotasymen marapattalǵan. QR Prezıdentiniń alǵys hatyn alǵan.

62 jyl buryn (1961) Soltústik Qazaqstan oblystyq sotynyń tóraǵasy Erbol Ámirǵalıuly JANǴAZIN dúnıege keldi.

Shyǵys Qazaqstan oblysynda týǵan. 1987 jyly Qazaq memlekettik ýnıversıtetin zańger mamandyǵy boıynsha bitirgen.

Eńbek joly: 1979-1980 jyldary qoı ósiretin keńsharda jumysshy, 1982 jyly Qaltoǵa qoı ósirýshi keńsharynda qurylysshy, 1987-1989 jyldary Óskemen qalasynda Shyǵys Qazaqstan sýsyndar shyǵaratyn óndiristik birlestiginiń zań keńesshisi, 1989-1993 jyldary Shyǵys Qazaqstan oblysy Zyrıan qalasyndaǵy prokýratýranyń aǵa tergeýshisi, Almaty qalasy Áýezov aýdany prokýrorynyń kómekshisi, 1993-1995 jyldary QR Bas prokýratýrasy sot aktileriniń zańdylyǵyn qadaǵalaý bóliminiń prokýrory, QR Prokýratýrasy Kadrlardy basqarý prokýrory, 1995-1996 jyldary Almaty qalalyq soty múshesiniń mindetterin atqarýshy, 1996-2013 jyldary Almaty qalalyq sotynyń sýdıasy, 2013-2015 jyldary Almaty qalasy Alataý aýdandyq sotynyń tóraǵasy, 2015-2018 jyldary Pavlodar oblystyq sotynyń Qylmystyq ister jónindegi apellıatsııalyq sotynyń alqa tóraǵasy, 2018-2021jyldary Shymkent qalasy qylmystyq ister boıynsha sot alqasynyń tóraǵasy qyzmetin atqardy.

2021 jyldyń qarasha aıynan bastap qazirgi qyzmetinde.

61 jyl buryn (1962) Qazaqstan Respýblıkasy Premer-Mınıstri Keńsesi qarjy-sharýashylyq bóliminiń meńgerýshisi Berdibek Qýanuly MEIІRBEKOV dúnıege keldi.

Ońtústik Qazaqstan oblysynda (qazirgi Túrkistan) týǵan. 1992 jyly T. Rysqulov atyndaǵy Qazaq memlekettik ekonomıkalyq ýnıversıtetiniń qarjy jáne nesıe fakýltetin bitirgen, ekonomıst. Ekonomıka ǵylymdarynyń kandıdaty.

Ońtústik Qazaqstan (qazirgi Túrkistan) oblysynda týǵan. Qazaq memlekettik ekonomıkalyq ýnıversıtetin ekonomıst mamandyǵy boıynsha, Qazaq gýmanıtarlyq zań ýnıversıteti bitirgen.

Eńbek joly: 1983-1988 jyldary Memlekettik banktiń Sozaq bólimshesiniń kassıri, 1988-1992 jyldary Qazagroprombank fılıalynyń basshysy, 1992-1995 jyldary «Álem Bank Qazaqstan» JAQ bas ekonomıst, bólim bastyǵy, basqarma tóraǵasynyń orynbasary, 1995-1998 jyldary Ortalyq Azııa yntymaqtastyq jáne damý bankiniń vıtse-prezıdenti, 1998-1999 jyldary QR Premer-Mınıstri Keńsesiniń Baqylaý jáne qujattamalyq qamtamasyz etý bólimi meńgerýshisiniń orynbasary, 1999-2012 jyldary QR Premer-Mınıstri Keńsesiniń qarjy-ekonomıkalyq bóliminiń meńgerýshisi, 2012-2014 jyldary QR Premer-Mınıstri Keńsesiniń Qarjy-ekonomıkalyq jáne kadrlyq jumys bóliminiń meńgerýshisi, QR Premer-Mınıstri Keńsesiniń Baqylaý jáne qujattamalyq qamtamasyz etý bólimi meńgerýshisiniń orynbasary, QR Premer-Mınıstri Keńsesiniń Qarjy-ekonomıkalyq bóliminiń meńgerýshisi qyzmetin atqardy.

2023 jyldyń aqpan aıynan bastap qazirgi qyzmetinde.

«Qazaqstan Respýblıkasynyń táýelsizdigine 10 jyl», «Eren eńbegi úshin», «Qazaqstan Konstıtýtsııasyna 10 jyl», «Qazaqstan Parlamentine 10 jyl» medaldarymen marapattalǵan.

52 jyl buryn (1971) QR Parlamenti Senatynyń depýtaty Bıbigúl Nurǵalıqyzy JEKSENBAI dúnıege kelgen.

Shyǵys Qazaqstan oblysynda týǵan. Ál-Farabı atyndaǵy Qazaq memlekettik ýnıversıtetin jýrnalıstıka mamandyǵy boıynsha, Qazaq memlekettik ýnıversıtetiniń janyndaǵy Abylaıhan atyndaǵy halyqaralyq qatynastar jáne álem tilderi ınstıtýtyn qujat júrgizý isi jáne basqarýdy qujattamalyq qamtamasyz etý mamandyǵy boıynsha bitirgen. Halyqaralyq Bıznes Akademııasynyń bıznes basqarý magıstri.

Eńbek joly: 1992-1993 jyldary «Sport» respýblıkalyq gazetinde tilshi, 1993-1994 jyldary respýblıkalyq qoǵamdyq-saıası «Jas Alash» gazetinde tilshi, 1994-1996 jyldary «Atamura» aptalyq gazetiniń tilshisi, 1996-2007 jyldary «Habar» agenttiginiń Astana qalasy boıynsha ortalyq bıýrosynda redaktor, tilshi, prodıýser, dırektor orynbasary, 2007 jyly «Qazaqstan» teleradıo korporatsııasynda aqparattyq baǵdarlamalar dırektsııasy dırektorynyń orynbasary, aqparattyq-taldaý baǵdarlamalary dırektsııasynyń dırektory, 2007-2008 jyldary «Qazaqstan» RTRK ulttyq televıdenıesi bas dırektorynyń orynbasary, 2008-2010 jyldary «Era» telearnasy bas dırektorynyń orynbasary - bas redaktory, 2010-2011 jyldary «Jetinshi arna» telearnasynyń bas dırektory, 2011-2016 jyldary «Jetinshi arna» dırektorlar keńesiniń tóraıymy, 2016-2019 jyldary QR Parlamenti Senaty Tóraǵasynyń BAQ-pen ózara is-qımyl máseleleri jónindegi keńesshisi, 2019 jyly «Astana» telearnasynyń bas dırektory boldy. Ulttyq quryltaı tóraǵasynyń orynbasary, Bas redaktorlar klýbynyń prezıdenti.

2023 jyldyń qańtar aıynan bastap qazirgi qyzmetinde.

«Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10 jyldyǵy», «Qazaqstan Respýblıkasynyń Parlamentine 10 jyl», «Astananyń 10 jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri, «Jyl adamy-2006» ataǵynyń ıegeri.

42 jyl buryn (1981) Atyraý oblysy ákiminiń orynbasary Marat Bısenǵalıuly MURZIEV dúnıege keldi.

Qazaq gýmanıtarlyq-zań ýnıversıtetin zańger mamandyǵy boıynsha, T. Rysqulov atyndaǵy jańa ekonomıkalyq ýnıversıtetin ekonomıst mamandyǵy boıynsha bitirgen.

Eńbek jolyn 2003 jyly Atyraý qalasynyń tabıǵat qorǵaý prokýrorynyń kómekshisi bolyp bastady. 2004 jyly Atyraý qalasy prokýrorynyń kómekshisi, 2009 jyly Batys Qazaqstan oblysy Shyńǵyrlaý aýdany ákimi apparatynda ákimniń keńesshisi, 2010-2011 jyldary Batys Qazaqstan oblysy bilim basqarmasynyń basshysy, aýdandyq bilim basqarmasynyń basshysy qyzmetterin atqarǵan. Atyraý oblysy ákimi apparatynyń memlekettik-quqyqtyq bóliminde, Atyraý oblysy ákimi apparaty basshysynyń quqyqtyq qamtamasyz etý jáne baqylaý jónindegi orynbasary qyzmetin atqardy. 2013 jyly Atyraý oblysy boıynsha tekserý komıssııasynyń tóraǵasy, 2017-2023 jyldary Isataı, keıin Qurmanǵazy aýdandarynyń ákimi boldy.

2023 jyldyń sáýir aıynan bastap qazirgi qyzmetinde.