2 sáýir. Tulǵalar týǵan kún
Búgin, 2 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
56 jyl buryn (1970) Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi Nurlan Ádeluly JALǴASBAEV dúnıege keldi.
Aqtóbe oblysynda týǵan. 1993 jyly Reseı Federatsııasy Petrozavodsk memlekettik ýnıversıtetin bitirgen.
Eńbek joly: 1993 jyldan beri QR SІM júıesinde jumys isteıdi. 1999 jyldan beri vedomstvoda basshylyq qyzmetter atqardy. 2003-2004 jyldary QR SІM kópjaqty yntymaqtastyq departamentiniń dırektory, halyqaralyq uıymdastyrý jáne qaýipsizdik máseleleri departamentiniń dırektory, 2004-2008 jyldary Nıý-Iorkte BUU janyndaǵy QR turaqty ókildiginiń keńesshisi, Qazaqstan Respýblıkasynyń Grýzııadaǵy ýaqytsha senimdi ókili, Qazaqstan Respýblıkasynyń Norvegııa Koroldigindegi Ýaqytsha senimdi ókili qyzmetterin atqardy. 2008-2009 jyldary Eýropa departamentin basqardy. 2009-2015 jyldary QR Italııa Respýblıkasyndaǵy Elshiliginiń keńesshi-ókili, 2016-2019 jyldary AÓSShK kásibı quramynyń (dıplomatııalyq quram) múshesi, 2019-2021 jyldary QR Syrtqy ister mınıstrligi kópjaqty yntymaqtastyq departamentiniń dırektory laýazymyn atqardy. 2022 jyldan beri Qazaqstan Respýblıkasynyń Shrı-Lanka Demokratııalyq Sotsıalıstik Respýblıkasyndaǵy, Bangladesh Halyq Respýblıkasyndaǵy, Nepal Federatıvti Demokratııalyq Respýblıkasyndaǵy, Býtan Koroldigindegi jáne Maldıv Respýblıkasyndaǵy Tótenshe jáne Ókiletti Elshisi. 2021-2025 jyldary Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi laýazymyn atqarǵan.
Qazirgi qyzmetin 2025 jyldyń sáýirinen bastap atqaryp keledi.
54 jyl buryn (1972) Qazaqstan Respýblıkasy Joǵarǵy sotynyń tóraǵasy Aslambek Amangeldiuly MERǴALIEV dúnıege keldi.
Pavlodar oblysynda týǵan. 1999 jyly Ystanbul memlekettik ýnıversıtetin «quqyqtaný» mamandyǵy boıynsha bitirgen.
Eńbek joly: 1998-1999 jyldary kompanııada zańger, 1999-2001 jyldary Pavlodar oblysy Ádilet basqarmasynyń bas mamany, 2001-2003 jyldary Pavlodar oblystyq sotynyń bas mamany, 2003-2007 jyldary Pavlodar qalalyq sotynyń sýdıasy, 2007-2008 jyldary Pavlodar oblysy Ekibastuz qalalyq mamandandyrylǵan aýdanaralyq ákimshilik sotynyń tóraǵasy qyzmetinde boldy. 2008-2012 jyldary Ekibastuz qalalyq sotynyń tóraǵasy, 2012-2014 jyldary Pavlodar qalasy № 2 sotynyń tóraǵasy, 2014-2015 jyldary Soltústik Qazaqstan oblystyq sotynyń qylmystyq ister jónindegi apellıatsııalyq sot alqasynyń tóraǵasy, 2015-2020 jyldary Qostanaı oblystyq sotynyń tóraǵasy, 2020-2022 jyldary Aqtóbe oblystyq sotynyń tóraǵasy qyzmetin atqarǵan.
Qazirgi qyzmetin 2022 jyldyń jeltoqsanynan bastap atqaryp keledi.
49 jyl buryn (1977) Qazaqstan Respýblıkasy Prezıdentiniń áleýmettik máseleler jónindegi keńesshisi Alekseı Vladımırovıch TsOI dúnıege kelgen.
Shymkent qalasynda týǵan. 2001 jyly Ońtústik Qazaqstan memlekettik medıtsına akademııasyn, 2007 jyly «Dáneker» halyqaralyq quqyq jáne halyqaralyq bıznes ınstıtýtyn, Sels College (London), Qazaq memlekettik medıtsına akademııasynyń aspırantýrasyn, Reseı Federatsııasy Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń korporatıvtik basqarý joǵary mektebin jáne Halyqaralyq bıznes akademııasyn bitirdi.
Eńbek joly: 2001-2007 jyldary Qalpyna keltirý hırýrgııasy jáne transplantologııa ortalyǵynyń hırýrg-endoskopısi, QR DSM «Ulttyq ǵylymı medıtsınalyq ortalyq» RMK Іshki medıtsına ortalyǵynyń jetekshi ǵylymı qyzmetkeri, 2007 jyldan bastap «Eýrazııa respıratorlyq qoǵamy» QB Bas hatshysy, QR Prezıdenti Іs basqarmasynyń «Qazirgi zamanǵy medıtsınalyq tehnologııalardy engizý ortalyǵy» RMK dırektory, 2010-2011 jyldary «QR Prezıdenti Іs basqarmasynyń medıtsınalyq ortalyǵy» MM bastyǵy, 2011-2014 jyldary Astana qalasy ákimdiginiń «№ 1 qalalyq aýrýhanasy» ShJQ MKK bas dárigeri, 2014-2017 jyldary Densaýlyq saqtaý jáne áleýmettik damý vıtse-mınıstri, 2017-2019 jyldary Densaýlyq saqtaý vıtse-mınıstri, 2019-2020 jyldary QR Prezıdenti Іs basqarmasynyń medıtsınalyq ortalyǵynyń basshysy, 2020-2021 jyldary Densaýlyq saqtaý mınıstri, 2022-2025 jyldary QR Prezıdenti Іs Basqarmasy Medıtsına ortalyǵynyń meńgerýshisi qyzmetin atqarǵan.
Qazirgi qyzmetin 2025 jyldyń qazan aıynan beri atqaryp keledi.
40 jyl buryn (1986) Qazaqstan Respýblıkasynyń Kýveıt Memleketindegi Tótenshe jáne Ókiletti Elshisi Erjan Irakuly ELEKEEV dúnıege keldi.
Qazaqstan-Brıtan tehnıkalyq ýnıversıtetin (2007), Glazgo ýnıversıtetin (2011) bitirgen.
Eńbek joly: 2007-2012 jyldary «QazMunaıGaz» Barlaý Óndirý» AQ Investorlarmen baılanys departamentiniń mamany, taldaýshysy, aǵa taldaýshysy qyzmetinde boldy. 2012-2019 jyldary «Samuryq-Qazyna» AQ-da túrli jáne basshylyq laýazymdardy atqardy. 2019-2020 jyldary Ázerbaıjandaǵy «Boston Consulting Group» halyqaralyq konsaltıngtik kompanııasynyń jobalyq basqarý baǵytynyń basshysy, 2020-2021 jyldary Ekonomıkalyq zertteýler ınstıtýty» AQ Saraptamalyq-taldaý toby basshysynyń orynbasary, 2021-2022 jyldary «Alfa-Bank Qazaqstan» AQ Joba keńsesiniń dırektory, 2022-2023 jyldary «Báıterek» UBH» AQ Aktıvterdi basqarý jáne jobalarmen jumys jónindegi basqarýshy dırektory, 2024-2025 jyldary «KAZAKH INVEST» UQ» AQ Basqarma Tóraǵasy laýazymyn atqarǵan.
Qazirgi qyzmetin 2025 jyldyń shildesinen beri atqaryp keledi.
35 jyl buryn (1991) Qazaqstan Respýblıkasynyń jasandy ıntellekt jáne tsıfrlyq damý vıtse-mınıstri Dmıtrıı Andreevıch MÝN dúnıege keldi.
Astanada týǵan. 2014 jyly M. V. Lomonosov atyndaǵy Máskeý memlekettik ýnıversıtetin «Qoldanbaly matematıka jáne ınformatıka» mamandyǵy boıynsha bitirgen.
Eńbek joly: 2014-2017 jyldary «Ekonomıkalyq zertteýler ınstıtýty» AQ-da, «Qazposhta» AQ-da jumys istedi. 2017-2018 jyldary QR prokýratýrasynyń leıtenanty, QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti Analıtıkalyq bóliminiń bastyǵy, 2019-2023 jyldary «Ulttyq aqparattyq tehnologııalar» AQ-da ınjener-baǵdarlamashy, joba jetekshisi, Big Data jónindegi basqarýshy dırektor, 2023-2024 jyldary «Ulttyq aqparattyq tehnologııalar» AQ Basqarma tóraǵasynyń orynbasary laýazymyn atqarǵan. 2024-2025 jyldary QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri bolyp qyzmet atqardy.
Qazirgi qyzmetin 2025 jylǵy qazan aıynan beri atqaryp keledi.
85 jyl buryn (1941-2025) ónertanýshy, professor, synshy, Qazaqstan Respýblıkasynyń eńbek sińirgen óner qaıratkeri, Qazaqstan Respýblıkasy Kompozıtorlar odaǵynyń basqarma múshesi ıÝrıı Petrovıch ARAVIN dúnıege keldi.
Reseıdiń Tver qalasynda týǵan. Novosibir konservatorııasy tarıhı-teoretıkalyq fakýltetin, Qurmanǵazy atyndaǵy Almaty memlekettik konservatorııasynyń aspırantýrasyn (ǵylymı jetekshisi — professor B. Erzakovıch) bitirgen.
Qurmanǵazy atyndaǵy Almaty memlekettik konservatorııasynda, qazaqtyń memlekettik qyzdar pedagogıkalyq ınstıtýtynda mýzykalyq-tarıhı jáne teorııalyq pánderden dáris bergen. Pedagogıkalyq qyzmetin ǵylymı-zertteý jáne mýzykalyq-aǵartý jumystarymen baılanystyrǵan.
«Dybystar mýzeıi», «Qazaq mýzykasynyń kishi antologııasy» sııaqty tanymal telehabarlardyń jáne «Totem» radıosyndaǵy «Dala shoqjuldyzy» tsıkldyq habarlardyń avtory.
«Abaı jadyna arnalǵan lırıkalyq poema», «Qazaqstannyń sımfonııalyq poemalarynyń taqyryby máselesi týraly», «Halyq qaћarmandary týraly úsh poema», «Muqan Tólebaevtyń „Qazaqstan“ poemasy», «Qazirgi zamanǵy uıǵyr sımfonııasynyń bastama kózderi», «Ándik sımfonızm tarıhyna», «Dala shoqjuldyzy: qazaq mýzykasy týraly ocherkter men etıýdter» taǵy basqa shyǵarmalary qazaqtyń ónertanýyna qosylǵan ólsheýsiz úles bolyp sanalady. Jalpy, 100-den astam jarııalanym avtory.
«Parasat» ordenimen, medaldarmen marapattalǵan.
77 jyl buryn (1948-2025) kınorejısser, stsenarıst, prodıýser, Qazaqstannyń eńbek sińirgen qaıratkeri Slambek Tileýǵabyluly TÁÝEKEL dúnıege keldi.
Pavlodar oblysynda týǵan. Búkilodaqtyq kınematografııa ınstıtýtyn bitirgen.
Eńbek jolyn «Qazaqfılm» kınostýdııasy mýltıplıkatsııalyq birlestiginiń dırektory bolyp bastaǵan. 1973-1974 jyldary Qazaq KSR Memlekettik kıno komıtetiniń bólim meńgerýshisi, 1974-1990 jyldary «Qazaqfılm» kınostýdııasy dırektorynyń orynbasary, birinshi orynbasary, dırektory, Qazaq KSR Memlekettik kınematografııa jónindegi komıteti tóraǵasynyń orynbasary, 1990-1993 jyldary shyǵarmashylyq jumysta bolǵan. 1993-1999 jyldary «Qazaqkınofest» aktsıonerlik qoǵamynyń teń tóraǵasy, 1999-2001 jyldary Memlekettik mádenıet jáne ónerdi qoldaý qorynyń atqarýshy dırektory, 2001-2004 jyldary «Qazaqstan teledıdary jáne radıosy» respýblıkalyq korporatsııasy» jabyq aktsıonerlik qoǵamynyń bas prodıýseri, basqarma tóraǵasynyń birinshi orynbasary, 2004-2005 jyldary Mádenıet, aqparat jáne sport mınıstrligi Aqparat jáne muraǵat komıtetiniń tóraǵasy qyzmetin atqarǵan. 2005 jyldan Sh. Aımanov atyndaǵy «Qazaqfılm» AQ bas redaktory qyzmetinde boldy.
«Armysyń, Naýryz!», «Bizdiń kıiz úı», «Terrordyń qanquıly izderi», «Asanáli», «Sátbaev» jáne basqa da derekti fılmderdiń, «Batyr Baıan», «Bir bala» kórkem fılmderiniń rejısseri.
«Qurmet belgisi» ordenimen marapattalǵan.