2 mlrd kóshet: Nysanbaev Prezıdent tapsyrmasyn keshiktirip jatqan óńirlerdi atady

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Úkimet otyrysynda Prezıdenttiń 2027 jylǵa deıin 2 mlrd aǵash egý týraly tapsyrmasyn keshiktirip jatqan óńirlerdi atady. 

2 млрд көшет: Нысанбаев Президент тапсырмасын кешіктіріп жатқан өңірлерді атады
Фото: ҚР Үкіметі

- Memleket basshysynyń 2027 jylǵa deıin 2 mlrd túp aǵash egý týraly tapsyrmasy aıasynda 2021-2024 jyldary 736,8 myń gektar aýmaqqa 1 145 mln dana kóshet, onyń ishinde 2024 jyly 205,2 myń gektar alańǵa 306 mln dana kóshet otyrǵyzyldy. Bul rette 2024 jyly josparly kórsetkishter Aqtóbe, Atyraý oblystarynda oryndalmady, - dedi ol.

Sondaı-aq mınıstr bıyl jospar boıynsha 494 myń gektar alańda 336,5 mln túp kóshet egý kerektigin eske saldy. 

- 2024 jyly mınıstrlik Qyzylorda, Aqmola, Almaty, Shyǵys Qazaqstan, Jambyl, Qaraǵandy, Soltústik Qazaqstan, Jetisý oblystarynda orman ósirý jumystarynyń sapasyna tekserý júrgizip, buzýshylyqtar men kemshilikterdi anyqtady. Tekserý qorytyndysy boıynsha tıisti sharalar qabyldaý úshin oblys ákimdikterine hattar joldandy. Bıylǵy aǵash egý jumystary mınıstrliktiń aýmaqtyq bólimsheleriniń, mamandandyrylǵan jáne ǵylymı uıymdardyń qatań baqylaýymen júzege asyrylady, - dedi mınıstr. 

Buǵan deıin «Taza Qazaqstan» aktsııasynda mıllıon tonnaǵa jýyq qoqys shyǵarylǵany aıtylǵan edi.

Сейчас читают