2 mamyr. Týǵan kún ıeleri

NUR-SULTAN. QazAqparat - Búgin, ıaǵnı 2 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

58 jyl buryn (1964) Roza Baǵlanova atyndaǵy Qazaqkontsert memlekettik kontserttik uıymynyń dırektory RAIYMQULOVA Aqtoty Rahmetollaqyzy dúnıege keldi.

Qurmanǵazy atyndaǵy Almaty memlekettik konservatorııasynyń «kompozıtsııa» jáne «fortepıano» mamandyqtaryn (1987), «kompozıtsııa» mamandyǵynyń assıstentýrasyn (1994) bitirdi. Sonymen qatar Halyqaralyq Bıznes akademııasynyń «Menedjment» mamandyǵynyń magıstratýrasyn (2007) támamdaǵan. DBA (Doctor of Business Administration) ǵylymı ataǵynyń ıegeri. 1990-1991 jyldary - Qazaq memlekettik qyzdar pedagogıkalyq ınstıtýtynyń oqytýshysy, Qurmanǵazy atyndaǵy Almaty memlekettik konservatorııasynyń oqytýshysy. 1991-1994 jyldary - Qurmanǵazy atyndaǵy Almaty memlekettik konservatorııasynda assıstentýra-stajer. 1995-2011 jyldary - Qurmanǵazy atyndaǵy Almaty Memlekettik konservatorııasynda «Dırıjerlaý» kafedrasynyń meńgerýshisi, oqytýshy, rektor kómekshisi, dotsent, professor m. a., áleýmettik-ekonomıkany uıymdastyrý jónindegi prorektory, 2003-2007 jyldary - Almaty memlekettik konservatorııasynda «Kompozıtsııa jáne orkestrlik dırıjerlaý» kafedrasynyń meńgerýshisi (qosymsha). 2007-2008 jyldary - Almaty Memlekettik konservatorııasynda «Kompozıtor jáne art-menedjment» kafedrasynyń meńgerýshisi (qosymsha). 2013-2014 jyldary - Qurmanǵazy atyndaǵy Almaty Memlekettik konservatorııasynda Ǵylymı-shyǵarmashylyq isteri jónindegi prorektory. 2014 jylǵy maýsym-qarasha - QR Mádenıet jáne sport mınıstrligi Mádenıet jáne óner isteri komıteti tóraǵasy orynbasarynyń m.a. 2014-2016 jyldary - QR Mádenıet jáne sport mınıstrligi Mádenıet jáne óner isteri departamentiniń dırektory. 2016-2019 jyldary – Qazaqstan Respýblıkasy Mádenıet jáne sport vıtse-mınıstri. Qazirgi qyzmetinde – 2019-2022 jyldary QR Mádenıet jáne sport mınıstri.

2022 jyldyń sáýir aıynan bastap qazirgi qyzmetinde.

57 jyl buryn (1965) Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Ermek Bedelbaıuly KÓShERBAEV dúnıege keldi.

1988 jyly C.Kırov atyndaǵy Qazaq Ulttyq ýnıversıtetin shet tilinde oqytatyn tarıhshy mamandyǵy boıynsha bitirdi. 1993 jyly KSRO Dıplomatııalyq akademııasyn halyqaralyq qatynastar jáne syrtqy saıasat mamandyǵy boıynsha aıaqtady. 1988-1991 jyldary - QazKSR Syrtqy ister mınıstrliginiń qupııa is qaǵazdaryn júrgizý boıynsha aǵa ınspektory, ekinshi hatshysy, birinshi hatshysy, Syrtqy ister mınıstriniń kómekshisi. 1993-1994 jyldary - Qazaqstan Respýblıkasy Syrtqy ister mınıstrliginiń Memlekettik protokol basqarmasynyń birinshi hatshysy, bólim meńgerýshisi. 1994-1996 jyldary - Qazaqstan Respýblıkasy Prezıdenti Apparatynyń Halyqaralyq bóliminiń konsýltanty, Prezıdent Apparaty Protokol qyzmeti basshysynyń mindetin atqarýshy. 1996-1997 jyldary - Qazaqstan Respýblıkasynyń Shveıtsarııa Konfederatsııasyndaǵy Elshiliginiń birinshi hatshysy. 1997 jyly Qazaqstan Respýblıkasy Syrtqy ister mınıstirliginiń Kópjaqty yntymaqtastyq departamentiniń Azııalyq qaýipsizdik bólimniń basshysy. 2000-2001 jyldary - «QazTransOıl UK» JAQ-nyń prezıdent apparatynyń basshysy. 2001-2003 jyldary - apparat basshysy, birinshi vıtse-prezıdent keńesshisi, «QazMunaıGaz UK» JAQ prezıdent apparatynyń basshysy, 2004-2005 jyldary «QazMunaıGaz UK» prezıdentiniń apparat basshysy. 2006-2007 jyldary - «Otan Respýblıkalyq saıası partııasy» qoǵamdyq birlestiginiń ortalyq apparat basshysy. 2007-2008 jyldary - «KazEnergy Qazaqstandyq munaıgaz jáne energetıkalyq uıymdar qaýymdastyǵy» zańdy tulǵalar birlestiginiń atqarýshy dırektory. 2009-2010 jyldary - «Ertis áleýmettik-kásipkerlik korporatsııasy» Ulttyq kompanııasynyń basqarma tóraǵasy. 2010-2014 jyldary - ShQO ákiminiń birinshi orynbasary. 2014-2016 jyldary - Aýyl sharýashylyǵy vıtse-mınıstri. 2016-2018 jyldary - Aýyl sharýashylyǵy mınıstrliginiń jaýapty hatshysy. 2018-2019 jyldary Qazaqstan Respýblıkasynyń Syrtqy ister mınıstrliginiń jaýapty hatshysy bolǵan. 2019-2020 jyldary – Qazaqstan Respýblıkasy Syrtqy ister mınıstriniń orynbasary qyzmetin atqardy.

2020 jyldyń qańtar aıynan bastap qazirgi qyzmetinde.

49 jyl buryn (1973) Atyraý oblysy ákiminiń orynbasary Qaırat Esqabyluly NURLYBAEV dúnıege keldi.

Atyraý oblysy Qyzylqoǵa aýdanynyń Muqyr aýylynda dúnıege kelgen. Bilimi joǵary, Batys Qazaqstan aýyl sharýashylyǵy ınstıtýtyn «ınjener-mehanık», H.Dosmuhamedov atyndaǵy Atyraý ýnıversıtetin «ekonomıst» mamandyǵy boıynsha bitirgen. Eńbek jolyn 1995 jyly Aqtóbe oblysy Qobda aýdandyq máslıhatynda aǵa referent retinde bastaǵan. 1996-1997 jyldary Atyraý oblysy Qyzylqoǵa aýdanyndaǵy «Muqyr» aktsıonerlik qoǵamynda jóndeýshi-tehnık bolyp jumys istegen. 1999 jyly Qyzylqoǵa aýdanynyń Muqyr selolyq okrýgi ákiminiń apparatyna maman bolyp kirip, Qyzylqoǵa aýdany Muqyr selolyq okrýginiń ákimi, Qyzylqoǵa aýdanynyń kommýnaldyq menshik, kóriktendirý, qurylys jáne turǵyn-úı sharýashylyǵy bóliminiń meńgerýshisi qyzmetterin atqardy. Odan keıin Qurmanǵazy aýdanynyń Shortanbaı selolyq okrýginiń ákimi, Qurmanǵazy aýdandyq ishki saıasat bóliminiń odan soń atalǵan aýdannyń jer qatynastary bóliminiń basshysy, sondaı-aq Maqash selolyq okrýginiń ákimi bolyp jumys istedi. 2008-2012 jyldary Inder aýdany ákimi apparatynyń basshysy, 2012-2019 jyldary atalǵan aýdan ákiminiń orynbasary boldy. 2019-2021 jyldary Atyraý oblysy aýyl sharýashylyǵy basqarmasynyń basshysy laýazymynda jumys istegen.

2021 jyldyń qańtar aıynan bastap qazirgi qyzmetinde.

43 jyl buryn (1979) QR Parlamenti Májilisi Apparaty basshysynyń orynbasary QALıANBEKOV Bolat Serikuly dúnıege keldi.

E. Bóketov atyndaǵy Qaraǵandy memlekettik ýnıversıtetin «Saıasattaný» mamandyǵy boıynsha jáne Qaraǵandy ekonomıkalyq ýnıversıtetin «quqyqtaný-ekonomıka salasyndaǵy quqyqtyq retteý» mamandyǵy boıynsha támamdaǵan. Kóp jyldar boıy Mádenıet jáne aqparat mınıstrliginde bólim bastyǵy, Aqparat jáne muraǵat komıtetiniń tóraǵasy qyzmetin atqarǵan. Prezıdent Ákimshiliginiń ishki saıasat bóliminde ınspektor jáne sektor meńgerýshisi boldy. Qaraǵandy qalasyndaǵy Іshki saıasat departamenti jáne Aqparat basqarmasynda qyzmet atqardy. Sondaı-aq, Qaraǵandy oblysy Saran qalasynyń ákimdiginde jastar saıasaty máselelerimen de aınalysty. 2014-2019 jyldary QR Joǵarǵy soty janyndaǵy sot qyzmetin qamtamasyz etý departamenti aqparattyq qamsyzdandyrý bóliminiń meńgerýshisi boldy. «Almaty» telearnasynyń bas dırektory (02.2019-07.2019). Qazirgi qyzmetinde – 2019-2022 jyldary Nur Media holdınginiń bas dırektory.

2022 jyldyń aqpan aıynan bastap qazirgi qyzmetinde.

41 jyl buryn (1981) Qazaqstan Respýblıkasy Іshki ister mınıstrliginiń resmı ókili-mınıstr keńesshisi Nurdilda Serikuly ORAZ dúnıege keldi.

Qyzylorda oblysynda týǵan. Ál-Farabı atyndaǵy Qazaq ulttyq ýnıversıtetin, QR ІІM Qaraǵandy akademııasyn bitirgen. Eńbek jolyn Almatydaǵy «ıÝSA» telearnasynyń tilshisi bolyp bastaǵan. «31 arna» telearnasy «Informbıýro» jańalyqtar bóliminiń júrgizýshisi, «Astana» telearnasynyń redaktor-júrgizýshisi, reporter-sarapshysy, «Qazaqstan» ulttyq arnasynyń jańalyqtar júrgizýshisi, «Apta.kz» baǵdarlamasynyń júrgizýshi-redaktory bolǵan. 2007 jyly ishki ister organyna aýysyp, Astana qalalyq ishki ister departamenti baspasóz qyzmetiniń bastyǵy, memlekettik til jáne aqparat bóliminiń bastyǵy, departament bastyǵynyń baspasóz hatshysy qyzmetterin atqardy. 2011-2015 jyldary - QR Іshki ister mınıstrligi Memlekettik til jáne aqparat departamentiniń dırektory, mınıstrdiń baspasóz hatshysy, keıinnen resmı ókili boldy. 2015 jyly «Bolashaq» baǵdarlamasy boıynsha AQSh-ta bilim aldy. 2016 jyly QR Bas prokýratýrasy Apparat basshysynyń orynbasary boldy. 2016-2019 jyldary «ORT-Evrazııa» telearnasy bas dırektorynyń orynbasary qyzmetin atqarǵan. Qazirgi qyzmetinde - 2019 jyldyń aqpanynan.