1993 jyldan beri onkogematologııamen aýyrǵan 10 myń bala emdeldi

ASTANA. QazAqparat - 1993 jyldan bastap Pedıatrııa jáne balalar hırýrgııasy ǵylymı ortalyǵynyń onkogematologııalyq bóliminde aýyr onkogematologııalyq aýrýmen syrqattanǵan 10 myń bala tekserilip, emdeldi. Onyń ishinde 0-18 jas aralyǵyndaǵy alǵashqy dıagnozy jiti leıkoz dep anyqtalǵan 3 myń bala 75%-da tolyq klınıkalyq-gematologııalyq remıssııaǵa qol jetkizdi, dep habarlaıdy QR DSÁDM baspasóz qyzmeti.

PBHǴO qyzmetiniń basym baǵyttarynyń biri - onkogematologııalyq qyzmetti damytý jáne neonataldi kardıohırýrgııa men júrek jetkiliksizdiginiń qarqyndy terapııasy salalarynda kórsetiletin medıtsınalyq qyzmettiń sapasyn arttyrý.

2012 jyly qurylǵan gemopoetıkalyq diń jasýshalaryn transplanttaýǵa arnalǵan balalar bólimi (ári qaraı - GDJT) onkogematologııalyq aýrýǵa shaldyqqan balalardy álemdik standarttarǵa saı tıimdiligi joǵary emdeý sharalarymen qamtamasyz etip keledi.  Atalǵan emge zárý árbir bala úshin GDJT qoljetimdiligi qamtamasyz etiledi.

Emdeý men dıagnostıkalaýdyń joǵary tehnologııaly, zamanaýı tásilderi - ımmýnogıstohımııa, ımmýnofenotıpteý, aıyryqsha onkomarkerlerdi anyqtaý, tinniń jumsaqtyǵy men súıek sarkomasy kezindegi dozasy joǵary hımııalyq terapııa, súıek sarkomasy kezindegi hırýrgııalyq emderdiń aǵza saqtaıtyn tásilderi, shetki baǵanalyq jasýshanyń isigi, ony ári qaraı transplanttaý kezindegi joǵary dozaly hımııalyq terapııa jáne t.b. engizilýde.  

2012 jyldan bastap zamanaýı dıagnostıkalaý jáne emdeý jabdyqtarymen qamsyzdandyrylǵan balalar kardıohırýrgııalyq bólimi jumys isteıdi. Qazirgi tańda PBHǴO qyzmetkerleri balalarda kezdesetin júrek-qantamyrlar júıesi damýynyń týabitti aqaýyn kúrdeli hırýrgııalyq túzeý sharalaryy júzege asyryp keledi. 2013 jyldan bastap aýrýdy ınterventsııaly tásilmen emdeý engizildi. Bul otalardy meılinshe az zaqymdaýdy qamtamasyz etip, hırýrgııalyq sharalardyń nátıjesin jaqsartady, sonymen qatar, ómir súrý uzaqtyǵyn arttyryp, onyń sapasyn jaqsartyp, múgedektikti tómendetedi.  

Kóz aýrýlary QazUǴI mamandarymen birlese otyryp, 2012 jyldyń aqpan aıynan bastap retınopatııanyń údemeli kezeńimen aýyratyn shala týǵan balalarǵa hırýrgııalyq lazer koagýlıatsııasy jasala bastady. Ótken kezeńde 80-nen astam balaǵa ota jasalyp, nátıjesinde olardyń kórý qabileti saqtaldy.

Kron aýrýy men jasóspirimdik revmatoıdty artrıtpen syrqattanǵan balalardy gendi-ınjenerlik bıologııalyq preparattarmen emdeýdiń joǵary tehnologııaly jańa ádisteri engizilýde. Fermentopatııa, tselıakııa men mýkovıstsıdoz sııaqty ımmýnogenetıkalyq genezi bar as qorytý men bronh-ókpelik júıe aýrýlaryn emdeý men dıagnostıkalaý ádisteri jetildirilýde.

Esterińizge sala keteıik, 1932 jyly qurylǵan PBHǴO respýblıkadaǵy eń kóne ınstıtýttardyń biri bolyp tabylady. Qazirgi tańda 280 oryndyq iri pedıatrııalyq kópsalaly ǵylymı-klınıkalyq ortalyq jyl saıyn 5 myńnan astam balalardy qabyldaıdy. Munda zamanaýı materıaldyq-tehnıkalyq baza men joǵary bilikti mamandarmen qamtamasyz etilgen.