199 koronavırýs juqtyrý oshaǵyn kúsh qurylymdary qorshap tur – ІІM

NUR-SULTAN. QazAqparat – Qazaqstannyń kúsh qurylymdary 199 koronavırýs juqtyrý oshaǵy men 366 karantındik nysandy qorshap tur. Bul týraly QR Іshki ister vıtse-mınıstri Alekseı Kalaıchıdı aıtyp berdi, dep habarlaıdy QazAqparat.

«Bas sanıtarlyq dárigerlerdiń qaýlylaryna sáıkes, 4 oblysta 2 sanıtarlyq (Aqtóbe oblysy) jáne 7 blokpost (Atyraýda – 4, Qostanaı – 2, Qyzylorda - 1) qoıylǵan. Odan bólek, 199 koronavırýs juqtyrý oshaǵy men 366 karantındik nysandy qorshaý jumystary jalǵasýda», - dedi spıker Ortalyq kommýnıkatsııalar qyzmetinde ótken onlaın brıfıngide.

Onyń aıtýynsha, bul sharalarǵa kún saıyn 14 myńnan astam polıtseı, Ulttyq ulan áskerıleri jáne myńnan astam volonter tartylady.