19 sáýir. Tulǵalar týǵan kún
Búgin, 19 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
67 jyl buryn (1957) pıanınoshy, kontsertmeıster, pedagog Jánııa Jaqııaqyzy ÁÝBÁKІROVA dúnıege keldi.
Almatyda týǵan. P.I. Chaıkovskıı atyndaǵy memlekettik konservatorııany 1979 jyly, al 1981 jyly aspırantýrany professor L. Vlasenkonyń synyby boıynsha bitirdi.
1979 jyly Abaı atyndaǵy Qazaq memlekettik akademııalyq opera jáne balet teatrynda kontsertmeıstrlik qyzmetin bastap, 1981 jyldan bastap 12 jyl boıy Qurmanǵazy atyndaǵy Qazaq ulttyq konservatorııada aǵa oqytýshy, dotsent, arnaıy fortepıano kafedrasynyń meńgerýshilik qyzmetterin atqarady, 1993 jyldan professor, 1997-2018 jyldary Qurmanǵazy atyndaǵy memlekettik konservatorııasynyń rektory boldy.
Qazaqstan memlekettik syılyǵymen, Frantsııanyń óner jáne ádebıeti ordenimen, Qazaqstan men Reseı arasyndaǵy dostyqty bekitkeni úshin ІІ Ekaterına atyndaǵy 2-dárejeli «Kavaler» ordenimen marapattaldy. «Platınalyq Tarlan» táýelsiz syılyǵynyń laýreaty jáne Qazaqstan Lenın komsomoly syılyǵynyń laýreaty. 1983 jyly Frantsııada ótken halyqaralyq Margaret Long jáne Jak Tıbo konkýrsynda, 1985 jyly Halyqaralyq kameralyq ansamblderdiń konkýrsynda Gran-Prı jeńip alǵan.
50 jyl buryn (1974) Almaty oblysy prokýrorynyń birinshi orynbasary Damır Medelbaıuly QATAEV dúnıege keldi.
Taraz qalasynda týǵan. Ál-Farabı atyndaǵy qazaq memlekettik ulttyq ýnıversıtetin bitirgen, quqyqtanýshy.
Eńbek joly: 1996 jyly Almaty qalasy Bostandyq aýdany prokýrorynyń kómekshisi, Іle aýdany prokýrorynyń orynbasary, Almaty oblysy prokýrorynyń kadr jumysy jónindegi aǵa kómekshisi, Almaty qalasy Áleýmettik-ekonomıkalyq saladaǵy qadaǵalaý departamentiniń ekstremızm men terrorızmge qarsy is-qımyl salasyndaǵy zańdylyqty qadaǵalaý bóliminiń bastyǵy qyzmetterin atqardy. 2017-2019 jyldary Astana qalasy Esil aýdanynyń prokýrory, 2019-2022 jyldary Qyzylorda oblysy prokýrorynyń orynbasary boldy.
2022 jyldyń tamyz aıynan bastap qazirgi qyzmetinde.
«Qazaqstan Respýblıkasynyń táýelsizdigine 20 jyl» medalimen marapattalǵan.
50 jyl buryn (1974) Qazaqstan Respýblıkasy Úkimeti apparatynyń taldaý bóliminiń meńgerýshisi Dmıtrıı Sergeevıch GLÝHIH dúnıege keldi.
Tselınograd qalasynda týǵan. 1996 jyly L. N. Gýmılev atyndaǵy Eýrazııa ulttyq ýnıversıtetin bitirgen.
Eńbek joly: «Esil», «Stolıchnyı prospekt», «Nıva», «Azamat times», Vechernıaıa Astana gazetteri men jýrnaldarynda, «Habar» agenttigginde jýrnalıst bolyp jumys istedi. 1999-2005 jyldary QR Prezıdentiniń Baspasóz qyzmetiniń bas sarapshysy, sektor meńgerýshisi, QR Prezıdenti Keńsesiniń bas ınspektory, 2005-2007 jyldary QR Parlamenti Senatynyń Aqparattyq jáne parlamentaralyq baılanystar bólimi meńgerýshisiniń orynbasary, Baspasóz qyzmetiniń basshysy, 2007-2019 jyldary QR Premer-Mınıstriniń keńesshisi, 2019-2023 jyldary QR Premer-Mınıstri Keńsesiniń Jıyntyq-taldaý bóliminiń meńgerýshisi qyzmetin atqarǵan.
Qazirgi qyzmetin 2023 jyldyń aqpan aıynan bastap atqaryp keledi.
44 jyl buryn (1980) «Azyq-túlik kelisimshart korporatsııasy» UK» AQ Basqarma Tóraǵasynyń birinshi orynbasary Darhan Altaıuly DÁÝІTOV dúnıege keldi.
Qazaq memlekettik basqarý akademııasyn «Halyqaralyq ekonomıka» mamandyǵy boıynsha bitirgen, biliktiligi – halyqaralyq ekonomıst, QR Prezıdentiniń janyndaǵy Qazaqstan menedjment, ekonomıka jáne josparlaý ınstıtýtyn Master of Business Administration dárejesimen, Ońtústik Koreıadaǵy Koreıa damý ınstıtýtyn Master of Public Policy dárejesimen bitirgen.
Eńbek jolyn 2002 jyly «ATF Bank» AQ-ta bastaǵan. 2003-2006 jyldary «Eksporttyq kredıtter men ınvestıtsııalardy saqtandyrý jónindegi memlekettik saqtandyrý korporatsııasy» AQ Anderraıtıng departamentiniń anderraıteri, 2008-2011jyldary QR premer-mınıstri orynbasarynyń keńesshisi, 2011-2012 jyldary Pavlodar oblysy Aqsý qalasy ákiminiń orynbasary, 2012-2013 jyldary Pavlodar oblysy Pavlodar qalasy ákiminiń orynbasary, 2013-2018 jyldary «Qazagromarketıng» AQ Basqarma Tóraǵasy qyzmetin atqarǵan. 2018-2019 jyldary QR premer-mınıstri birinshi orynbasarynyń keńesshisi, premer-mınıstr Keńsesiniń Óńirlik damý bólimi meńgerýshisiniń orynbasary, Indýstrıaldy-ınnovatsııalyq bólimi meńgerýshisiniń orynbasary, 2019-2022 jyldary «Damý» kásipkerlikti damytý qory» AQ Basqarýshy dırektory boldy. 2022 jylǵy 22 tamyzdan bastap «Azyq-túlik kelisimshart korporatsııasy» Ulttyq kompanııasy» AQ Basqarma Tóraǵasynyń orynbasary bolyp saılandy.
Qazirgi qyzmetin 2022 jyldyń qazan aıynan bastap atqaryp keledi.
