19 naýryz. Týǵan kún ıeleri

ASTANA. QazAqparat – Búgin, 19 naýryzda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

124 jyl buryn (1899-1974) qazaq áıelderi arasynan shyqqan tuńǵysh ınjener, qoǵam qaıratkeri Mádına Qojbanqyzy BEGALIEVA dúnıege keldi.

Batys Qazaqstan oblysynyń Kaztalov aýdanynda týǵan. Han ordasyndaǵy (qazirgi Orda aýyly) úsh jyldyq pedagogıkalyq kýrsyn, Ordadaǵy Búkilodaqtyq Kommýnıstik (bolshevıkter) partııa mektebin, Búkilodaqtyq ónerkásip akademııasyn bitirgen.

Eńbek joly: 1922-1935 jyldary – Bókeı, Oral gýbernııalary jáne Syrdarııa okrýginiń Búkilodaqtyq Kommýnıstik (bolshevıkter) partııasy komıtetterinde áıelder arasyndaǵy jumys jónindegi bólimniń meńgerýshisi, Búkilodaqtyq Kommýnıstik (bolshevıkter) partııasy Qazaqstan ólkelik komıtetiniń nusqaýshysy, Ólkelik ónerkásip odaǵy tóraǵasynyń orynbasary. 1935-1943 jyldary Balqash mys qorytý zaýytynda ınjener boldy. 1943-1948 jyldary Atyraý oblystyq Búkilodaqtyq Kommýnıstik (bolshevıkter) partııasy komıtetiniń áıelder arasyndaǵy jumys jónindegi bólim meńgerýshisi, Qazaqstan Kommýnıstik partııasy Ortalyq komıtetiniń nusqaýshysy, respýblıkalyq baqylaý organynda baqylaýshy bolyp istedi. 1949 jyldan zeınet demalysynda boldy.

5 5 jyl buryn (1968) Qazaqstannyń tanymal qoǵam qaıratkeri Birjan Bıdaıbekuly NURYMBETOV dúnıege keldi.

Jambyl oblysy Lýgovoı (T. Rysqulov) aýdanynyń Abaı aýylynda týǵan. 1993 jyly ál-Farabı atyndaǵy Qazaq memlekettik ulttyq ýnıversıtetin mehanıka jáne qoldanbaly matematıka mamandyǵy, 2006 jyly Almaty ekonomıka jáne statıstıka akademııasyn qarjy mamandyǵy boıynsha bitirgen.

Eńbek joly: Jambyl qalasy boıynsha salyq ınspektsııasynyń salyq ınspektory, bólim bastyǵy (1993-1996); Jambyl oblysy ákimi birinshi orynbasarynyń keńesshisi (1996); Jambyl oblysy ákimi apparatynyń sektor meńgerýshisi (1997); «QR Eńbek jáne halyqty áleýmettik qorǵaý mınıstrliginiń Zeınetaqy tóleý memlekettik ortalyǵy» RMKK Jambyl oblysy boıynsha bólimshesiniń dırektory (1997-2008). Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıtetiniń tóraǵasy (2008-2009); Eńbek jáne halyqty áleýmettik qorǵaý vıtse-mınıstri (2009-2012); QR Premer-Mınıstri Keńsesi basshysynyń orynbasary (2012-2015) qyzmetterin atqarǵan. 2015 jylǵy maýsymnan bastap 2017 jylǵy qańtarǵa deıin Densaýlyq saqtaý jáne áleýmettik damý vıtse-mınıstri bolyp taǵaıyndalǵan. 2017 jylǵy naýryzdan bastap 2017 jylǵy jeltoqsanǵa deıin – Qazaqstan Respýblıkasynyń Eńbek jáne halyqty áleýmettik qorǵaý vıtse-mınıstri. 2017 jylǵy jeltoqsannan bastap 2019 tamyzǵa deıin – «Qazaqstan Respýblıkasy kásipodaqtar federatsııasy» respýblıkalyq kásipodaqtar birlestigi tóraǵasynyń orynbasary. 2019-2021 j.j. – Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetinde.

Memlekettik nagradalary: «Qazaqstan Respýblıkasy Táýelsizdigine 10 jyl» (2001), «Qazaqstan Respýblıkasy Konstıtýtsııasyna 10 jyl» (2005) medaldary, «Qurmet» ordeni (2013).

5 4 jyl buryn (1969) «Qazaqstan Halyq banki» AQ basqarma tóraıymy Úmit Bolathanqyzy ShAıAHMETOVAdúnıege keldi.

Almaty qalasynda týǵan. P. Lýmýmba atyndaǵy Halyqtar dostyǵy ýnıversıtetiniń ekonomıka jáne quqyq fakýltetin (1993) ekonomıst mamandyǵy boıynsha; Rutgers university (AQSh, Nıý-Djersı q., 1996), MVA dárejesimen bitirgen. Qazaq, orys, aǵylshyn jáne arab tilderin biledi.

Eńbek joly: 1993 jyldan QR Ulttyq bankiniń mamany. 1997 jyldan ABN AMRO BANK qurylymdyq qarjylandyrý bóliminiń mamany. 1998 jyldan ABN AMRO Asset management basqarma tóraıymy. 2000 jyldan «Qazaqstan Halyq banki» AQ basqarýshy dırektory; ABN AMRO BANK basqarma tóraǵasynyń orynbasary. 2004 jyldan «Qazaqstan halyq banki» AQ basqarma teraǵasynyń orynbasary 2009 jyldan beri «Qazaqstan Halyq banki» AQ basqarma tóraıymy.

«Eren eńbegi úshin» medalimen marapattalǵan.

47 jyl buryn (1976) boksshy, halyqaralyq dárejedegi sport sheberi, Qazaqstannyń eńbek sińirgen sportshysy, HXVІІ Olımpıada oıyndarynyń kúmis júldegeri, respýblıkalyq «Kókpar» federatsııasynyń prezıdenti Muhtarhan Qabylanbekuly DІLDÁBEKOV dúnıege keldi.

Ońtústik Qazaqstan oblysy Maqtaral aýdanynda týǵan. Muhtar Áýezov atyndaǵy Ońtústik Qazaqstan gýmanıtarlyq ýnıversıtetin, Qoja Ahmet ıAsaýı atyndaǵy Halyqaralyq qazaq-túrik ýnıversıtetin bitirgen.

Ýnıversıtet qabyrǵasynda júrip bokspen aınalysa bastaǵan. XII Azııa oıyndarynyń jeńimpazy, Bangkok qalasy; Álem chempıonatynyń kúmis júldegeri, Hıýston qalasy (AQSh); Sıdneı olımıadasynyń kúmis júldegeri; Shyǵys Azııalyq oıyndardyń jeńimpazy, Osaka qalasy (Japonııa); XV Azııalyq oıyndardyń kúmis júldegeri, Doha qalasy (Qatar); Afına olımpıadasyna qatysqan.

1998-2000 jyldary – «Lokomatıv» temirjol deneshynyqtyrý jáne sport klýbynyń ádisker-nusqaýshysy, «Lokomatıv» sport klýbynyń sport jónindegi ádisker-nusqaýshysy. 2000-2007 jyldary – Oblystyq keshendi joǵarǵy sport sheberligi mektebiniń jattyqtyrýshy ustazy. 2007-2008 jyldary – №5 Shymkent qalalyq mamandandyrylǵan bokstan balalar men jasóspirimder sport mektebiniń dırektory qyzmetterin atqarǵan. 2008 jyldan naýryzynan bastap Ońtústik Qazaqstan oblysynyń bokstan olımpıada rezervin daıyndaıtyn balalar men jasóspirimderdiń sport mektebiniń dırektory boldy.

Ońtústik Qazaqstan oblysynyń, Maqtaral aýdanynyń Qurmetti azamaty. «Parasat» ordenimen, medaldarmen marapattalǵan.