19 naýryz. Tulǵalar týǵan kún

Búgin, 19 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

62 jyl buryn (1964) Pavlodar oblysy Ádilet departamentiniń basshysy Marjan Imıatqyzy IMıATOVA dúnıege keldi.

Pavlodar oblysynyń Krasnokýtsk (Aqtoǵaı) aýdanynyń Krasnokýtsk (Aqtoǵaı) aýylynda týǵan. 1987 jyly N.V. Gogol atyndaǵy Qyzylorda pedagogıkalyq ınstıtýtyn «Fızıka jáne matematıka» mamandyǵy, 2013 jyly Qazaq gýmanıtarlyq zań ýnıversıtetin «Quqyqtaný» mamandyǵy boıynsha bitirgen.

Eńbek joly:

1986-1993 jyldary Krasnokýtsk aýdany orta mektebiniń fızıka jáne matematıka pániniń muǵalimi, 1987-1993 jyldary Krasnokýtsk aýdany Jdanov orta mektebinde fızıka muǵalimi, 1993-1995 jyldary aýdandyq aýyl sharýashylyǵy basqarmasynda kadr jáne is qaǵazdaryn júrgizý jónindegi ınspektory, 1995-1996 jyldary Aqtoǵaı aýdandyq ІІB pasport ústeliniń pasportshysy, 1996-2003 jyldary Pavlodar oblysynyń ІІB qyzmet etti. 2003-2004 jyldary Pavlodar qalasy saýda-ónerkásip palatasynyń baǵalaý jáne saraptaý departamenti dırektorynyń orynbasary, 2004-2005 jyldary Pavlodar oblysy Ádilet departamentiniń bas mamany.

 2005-2007 jyldary Pavlodar qalasy Ádilet basqarmasy bastyǵynyń orynbasary, 2007-2013 jyldary Pavlodar oblysy Ádilet departamenti basshysynyń orynbasary, 2013-2015 jyldary Astana qalasy Ádilet departamentiniń normatıvtik quqyqtyq aktilerdi tirkeý bóliminiń basshysy, 2015-2017 jyldary Astana qalasy Ádilet departamenti Esil aýdandyq ádilet basqarmasynyń basshysy, 2019-2020 jyldary Nur-Sultan qalasynyń Ádilet departamenti basshysynyń orynbasary bolyp qyzmet atqarǵan.

Qazirgi laýazymyn 2020 jyldyń mamyrynan bastap atqaryp jatyr.

57 jyl buryn (1969) «Qazaqstan Halyq banki» AQ basqarma tóraıymy Úmit Bolathanqyzy ShAıAHMETOVA dúnıege keldi.

Almaty qalasynda týǵan. 1993 jyly P.Lýmýmba atyndaǵy Halyqtar dostyǵy ýnıversıtetiniń ekonomıka jáne quqyq fakýltetin ekonomıst mamandyǵy boıynsha, 1996 jyly Rutgers university (AQSh, Nıý-Djersı q.,), MVA dárejesimen bitirgen. Qazaq, orys, aǵylshyn jáne arab tilderin meńgergen.

Eńbek joly: 1993 jyldan QR Ulttyq bankiniń mamany, 1997-1998 jyldary ABN AMRO BANK qurylymdyq qarjylandyrý bóliminiń mamany, 1998-2000 jyldary ABN AMRO Asset management basqarma tóraǵasy, 2000-2001 jyldary ABN AMRO BANK basqarma tóraǵasynyń orynbasary, 2004-2009 jyldary «Qazaqstan halyq banki» AQ basqarma tóraǵasynyń orynbasary boldy.

2009 jyldan beri «Qazaqstan Halyq banki» AQ basqarma tóraıymy qyzmetinde. 2023 jyly qaıta saılandy.

54 jyl buryn (1973) «Jańartý» qaıyrymdylyq qorynyń atqarýshy dırektory Qýanyshbek Tynyshbekuly JUMANOV dúnıege keldi.

1992 jyly Almatydaǵy shet tilderi pedagogıkalyq ınstıtýtyn, 1996 jyly Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetiniń halyqaralyq qatynastar fakýltetin, 1994 jyly Albert Lıýdvıg atyndaǵy Fraıbýrg ýnıversıtetiniń halyqaralyq qatynastar magıstratýrasyn (Fraıbýrg, Baden-Vıýrtemberg, Germanııa) bitirgen. QR Prezıdentiniń «Bolashaq» halyqaralyq baǵdarlamasynyń stıpendıaty;Albert Lıýdvıg atyndaǵy Fraıbýrg ýnıversıtetinde (Fraıbýrg, Germanııa Federatıvtik Respýblıkasy) magıstr dárejesin alǵan (2003); Dıýk ýnıversıtetinde (Soltústik Karolına, AQSh) bilim aldy.

Eńbek joly: 2003 jyly QR Syrtqy ister mınıstrligi halyqaralyq-quqyqtyq departamentiniń attashesi boldy, sol jyly attashe, Elshiniń kómekshisi, Qazaqstan Respýblıkasynyń Germanııadaǵy Elshisiniń hattamasy. 2003-2005 jyldary Qazaqstan Respýblıkasynyń Germanııadaǵy Elshiliginiń saıası toby, 2005-2006 jyldary QR Memlekettik qyzmet isteri agenttiginiń tártiptik keńestermen jáne komıssııalarmen jumys jónindegi bóliminiń bas sarapshysy, 2006-2007 jyldary QR Prezıdenti Baspasóz qyzmetiniń aǵa sarapshysy, 2007-2008 jyldary QR Prezıdenti Baspasóz qyzmetiniń bas sarapshysy, 2008 jyly QR Prezıdenti Ákimshiliginiń Syrtqy saıasat ortalyǵynyń konsýltanty, 2008-2009 jyldary QR Prezıdenti Baspasóz qyzmetiniń sektor meńgerýshisi, 2009-2011 jyldary baspasóz qyzmetiniń basshysy - QR Іshki ister mınıstrligi Memlekettik til, aqparat jáne halyqaralyq yntymaqtastyq departamentiniń bastyǵy bolyp qyzmet atqarǵan.

2011 jyly QR Qarjy mınıstrligi Kedendik baqylaý komıtetiniń Uıymdastyrý jumysy jáne baqylaý basqarmasynyń basshysy, 2011-2012 jyldary QR Prezıdenti Baspasóz hatshysynyń orynbasary, 2012-2013 jyldary QR Prezıdenti janyndaǵy «Ortalyq kommýnıkatsııalar qyzmeti» dırektorynyń aǵa keńesshisi, 2013-2016 jyldary «Transtelekom» AQ prezıdentiniń keńesshisi boldy.

Qazirgi qyzmetin 2016 jyldyń shildesinen beri atqaryp keledi.

50 jyl buryn (1976) Qazaqstan boks federatsııasynyń vıtse-prezıdenti, boksshy, halyqaralyq dárejedegi sport sheberi, Qazaqstannyń eńbek sińirgen sportshysy, HXVІІ Olımpıada oıyndarynyń kúmis júldegeri Muhtarhan Qabylanbekuly DІLDÁBEKOV dúnıege keldi.

Ońtústik Qazaqstan oblysy Maqtaral aýdanynda týǵan. M.Áýezov atyndaǵy Ońtústik Qazaqstan gýmanıtarlyq ýnıversıtetin, Qoja Ahmet ıAsaýı atyndaǵy Halyqaralyq qazaq-túrik ýnıversıtetin bitirgen.

Ýnıversıtet qabyrǵasynda júrip bokspen aınalysa bastaǵan. XII Azııa oıyndarynyń jeńimpazy, Bangkok qalasy; Álem chempıonatynyń kúmis júldegeri, Hıýston qalasy (AQSh); Sıdneı olımıadasynyń kúmis júldegeri; Shyǵys Azııalyq oıyndardyń jeńimpazy, Osaka qalasy (Japonııa); XV Azııalyq oıyndardyń kúmis júldegeri, Doha qalasy (Qatar); Afına olımpıadasyna qatysqan.

1998-2000 jyldary «Lokomatıv» temirjol deneshynyqtyrý jáne sport klýbynyń ádisker-nusqaýshysy, «Lokomatıv» sport klýbynyń sport jónindegi ádisker-nusqaýshysy boldy. 2000-2007 jyldary oblystyq keshendi joǵarǵy sport sheberligi mektebiniń jattyqtyrýshy ustazy, 2007-2008 jyldary №5 Shymkent qalalyq mamandandyrylǵan bokstan balalar men jasóspirimder sport mektebiniń dırektory qyzmetterin atqarǵan. 2008 jyldan naýryzynan bastap Ońtústik Qazaqstan oblysynyń bokstan olımpıada rezervin daıyndaıtyn balalar men jasóspirimderdiń sport mektebiniń dırektory boldy.

Qazirgi laýazymyn 2024 jyldyń aqpanynan beri atqaryp keledi.

Ońtústik Qazaqstan oblysynyń, Maqtaral aýdanynyń Qurmetti azamaty. «Parasat» ordenimen, medaldarmen marapattalǵan.

127 jyl buryn (1899-1974) qazaq áıelderi arasynan shyqqan tuńǵysh ınjener, memleket qaıratkeri Mádına Qojbanqyzy BEGALIEVA dúnıege keldi.

Batys Qazaqstan oblysynyń Kaztalov aýdanynda týǵan. Han ordasyndaǵy (qazirgi Orda aýyly) úsh jyldyq pedagogıkalyq kýrsyn, Ordadaǵy Búkilodaqtyq Kommýnıstik (bolshevıkter) partııa mektebin, Búkilodaqtyq ónerkásip akademııasyn bitirgen.

Eńbek joly: 1922-1935 jyldary Bókeı, Oral gýbernııalary jáne Syrdarııa okrýginiń Búkilodaqtyq Kommýnıstik (bolshevıkter) partııasy komıtetterinde áıelder arasyndaǵy jumys jónindegi bólimniń meńgerýshisi, Búkilodaqtyq Kommýnıstik (bolshevıkter) partııasy Qazaqstan ólkelik komıtetiniń nusqaýshysy, Ólkelik ónerkásip odaǵy tóraǵasynyń orynbasary. 1935-1943 jyldary Balqash mys qorytý zaýytynda ınjener boldy.

1943-1948 jyldary Atyraý oblystyq Búkilodaqtyq Kommýnıstik (bolshevıkter) partııasy komıtetiniń áıelder arasyndaǵy jumys jónindegi bólim meńgerýshisi, Qazaqstan Kommýnıstik partııasy Ortalyq komıtetiniń nusqaýshysy, respýblıkalyq baqylaý organynda baqylaýshy bolyp istedi. 1949 jyldan zeınet demalysynda boldy.