19 qyrkúıek. Tulǵalar týǵan kún
Búgin, 19 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
55 jyl buryn (1970) Atyraý oblysy Mádenıet jáne tilderdi damytý basqarmasynyń basshysy Ábil Taýfıkuly JOLAMANOV dúnıege keldi.
Batys Qazaqstan oblysynda týǵan. 1992 jyly Ál-Farabı atyndaǵy Qazaq memlekettik ýnıversıtetin tarıhshy, tarıh jáne qoǵamtaný pániniń muǵalimi mamandyǵyn támamdaǵan.
Eńbek jolyn Batys Qazaqstan oblysy Jympıty orta mektebinde 1992-1994 jyly tarıh jáne qazaq tili páni muǵalimi qyzmetinen bastap, tárbıe isi jónindegi mektep dırektorynyń orynbasary qyzmetinde boldy. 1994-2008 jyldary Syrym aýdany ákimi apparaty, aýdandyq jumyspen qamtý ortalyǵy, ishki saıasat,mádenıet jáne tilderdi damytý bólimi, bilim bóliminde basshylyq qyzmette bolǵan. 2008-2014 jyldary Batys Qazaqstan oblysy tarıhı-ólketaný murajaıynyń basshysy, 2014-2015 jyldary Batys Qazaqstan oblysy Mádenıet, muraǵattar jáne qujattama basqarmasy basshysynyń orynbasary, 2015-2017 jyldary Atyraý oblysy Mádenıet, muraǵattar jáne qujattama basqarmasynyń basshysy, 2017-2019 jyldary QR Mádenıet jáne sport mınıstrliginde mádenıet jáne óner departamenti dırektorynyń orynbasary jáne dırektory, 2019-2023 jyldary QR Ulttyq arhıviniń basshysy qyzmetinde bolǵan.
Qazirgi laýazymyn 2023 jyldyń naýryz aıynan beri atqaryp keledi.
51 jyl buryn (1973) Qazaqstan Respýblıkasy Prezıdenti Іs Basqarmasy Medıtsınalyq ortalyǵy meńgerýshisiniń orynbasary Lıýdmıla Vıtalevna BıÝRABEKOVA dúnıege keldi.
Qaraǵandy qalasynda týǵan. 1997 jyly Qaraǵandy memlekettik medıtsına akademııasyn, 2004 jyly Qazaqstan farmatsevtıkalyq ınstıtýtyn, 2014 jyly Halyqaralyq bıznes akademııasyn bitirgen, iskerlik ákimshilik magıstri.
Eńbek joly: 1990-1991 jyldary Qaraǵandy oblystyq qan quıý stantsııasynyń sanıtary, 1997-2000 jyldary Qaraǵandy memlekettik medıtsına akademııasynyń klınıkalyk ordınatory, 2004-2006 jyldary «Professor H.J. Maqajanov atyndaǵy Kópsalaly klınıkalyq aýrýhana» KMQK dárigeri - klınıkalyq farmakolog, 2006-2007 jyldary «Qaraǵandy oblysynyń Densaýlyq saqtaý departamenti» MM bas mamany, 2007-2009 jyldary «Batys Qazaqstan oblysynyń Densaýlyq saqtaý departamenti» MM bastyǵynyń strategııalyq damý jáne dárilik saıasat jónindegi orynbasary, 2009-2010 jyldary QR Densaýlyq saqtaý mınıstrliginiń Medıtsınalyq jáne farmatsevtıkalyq qyzmetti baqylaý komıtetiniń farmatsevtıkalyq qyzmetti, dárilik zattardyń sapasyn jáne paıdalanylýyn baqylaý basqarmasynyń bastyǵy, 2011-2013 jyldary «Ulttyq medıtsınalyq holdıng» AQ Medıtsınalyq kómekti uıymdastyrý departamentiniń bas menedjeri, dırektory, 2013-2014 jyldary «Respýblıkalyq sanıtarııalyq avıatsııa ortalyǵy» ShJQ RMK oqý-klınıkalyq bóliminiń bastyǵy, 2014 jyly QR Prezıdenti Іs basqarmasy Medıtsınalyq ortalyǵynyń «Medıtsınalyq tehnologııalar jáne aqparattyq júıeler ortalyǵy» AQ vıtse-prezıdenti laýazymyn atqarǵan. 2014- 2015 jyldary QR Prezıdenti Іs basqarmasynyń vedomstvolyq qarasty uıymdardy basqarý jónindegi bólimi bas ınspektory, 2015-2017 jyldary «Qazaqstan Respýblıkasy Prezıdenti Іs basqarmasynyń Medıtsınalyq ortalyǵy» MM basshysynyń orynbasary, 2017-2020 jyldary QR Densaýlyq saqtaý mınıstrligi Farmatsııa komıtetiniń tóraıymy - QR Bas memlekettik farmatsevtıkalyq ınspektory; Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy; QR Densaýlyq saqtaý vıtse-mınıstri qyzmetinde boldy.
2021 jylǵy 1 sáýirde Qazaqstan Respýblıkasy Prezıdenti Іs basqarmasy Medıtsınalyq ortalyǵy basshysynyń orynbasary bolyp taǵaıyndaldy.
«Astana 20 jyl» medalimen, «Densaýlyq saqtaý isiniń úzdigi», «Densaýlyq saqtaý isine qosqan úlesi úshin» tósbelgilerimen, marapattaldy.
50 jyl buryn (1975) Qazaqstannyń Sıan qalasyndaǵy bas konsýly Joshyhan Asylbekuly QYRAÝBAEV dúnıege keldi.
Ál-Farabı atyndaǵy Qazaq memlekettik ulttyq ýnıversıtetin (1998), Kókshetaý ýnıversıtetin shyǵystanýshy-fılolog, qytaı tili muǵalimi, aýdarmashy-referent, zańger mamandyǵy boıynsha bitirgen (2003), tarıh ǵylymdarynyń kandıdaty (2010).
Eńbek joly: 1998-2000 jyldary QR Syrtqy ister mınıstrligi Konsýldyq qyzmet departamentiniń jetekshi mamany, kómekshisi, attashesi, 2000-2023 jyldary attashe, Qazaqstan Respýblıkasynyń Ózbekstan Respýblıkasyndaǵy Elshiliginiń úshinshi hatshysy, 2003 jyly QR Syrtqy ister mınıstrligi vıza qyzmetiniń úshinshi hatshysy, 2003-2004 jyldary QR Syrtqy ister mınıstrligi Konsýldyq qyzmet departamentiniń úshinshi hatshysy, 2004-2009 jyldary Qazaqstan Respýblıkasynyń Qytaı Halyq Respýblıkasyndaǵy Elshiliginiń vıtse-konsýl, birinshi hatshysy – konsýl, keńesshi – konsýly, 2009-2010 jyldary Qazaqstan Respýblıkasynyń Gonkong OAR jáne Makao OAR-daǵy Bas konsýly, 2010-2012 jyldary QR Syrtqy ister mınıstrligi Azııa jáne Afrıka departamenti dırektorynyń orynbasary, 2015-2020 jyldary Qytaı Halyq Respýblıkasynyń Shanhaı qalasyndaǵy Qazaqstan Respýblıkasynyń Bas konsýly, 2020-2021 jyldary QR Syrtqy ister mınıstrligi Konsýldyq qyzmet departamenti dırektorynyń orynbasary, 2021-2023 jyldary QR Syrtqy ister mınıstrliginiń Azııa-Tynyq muhıty aımaǵy departamentiniń dırektory laýazymyn atqarǵan.
2023 jyldyń naýryz aıynan bastap Qytaıdyń Sıan qalasyndaǵy Qazaqstan Respýblıkasynyń Bas konsýly qyzmetinde.
41 jyl buryn (1984) Qazaqstan Respýblıkasy Ulttyq ekonomıka vıtse-mınıstri Asan Kóbentaıuly DARBAEV dúnıege keldi.
Aqmola oblysynda týǵan. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıka ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin («Bolashaq» baǵdarlamasynyń stıpendıaty) támamdaǵan.
Eńbek jolyn 2005 jyly QR Qarjy mınıstrliginiń qurylymynda bastaǵan.
Túrli jyldary «Básekeli saıasatty damytý jáne qorǵaý ortalyǵynda», Almaty oblysy boıynsha Monopolııaǵa qarsy basqarmada básekelestikti qorǵaý bóliminiń bas mamany, basshysy qyzmetterin atqarǵan.
2013-2014 jyldary QR Básekelestikti qorǵaý agenttiginde Kvazımemlekettik sektor jáne tutynýshylardyń quqyqtaryn qorǵaý departamenti dırektorynyń orynbasary, Memlekettik kásiporyndar men qosylýlaryn baqylaý departamentiniń dırektorynyń orynbasary boldy. 2014-2015 jyldary QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń Memlekettik kásiporyndar men qosylýlaryn baqylaý basqarmasyn basqardy. 2015-2017 jyldary QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasynyń orynbasary, 2017-2019 jyldary QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary bolyp eńbek etti. 2019-2025 jyldary QR Ulttyq ekonomıka mınıstrliginiń Tabıǵı monopolııalardy retteý komıtetiniń tóraǵasy qyzmetin atqarǵan.
Qazirgi qyzmetin 2025 jyldyń sáýir aıynan bastap atqaryp keledi.
«Eren eńbegi úshin» medalimen marapattalǵan.
37 jyl buryn (1988) Rıdder qalasynyń ákimi Dýman Esdáýletuly RAHMETQALIEV dúnıege keldi.
Shyǵys Qazaqstan oblysynda týǵan. Praga halyqaralyq ýnıversıtetin (2011) jáne Qazaqstan-Amerıka erkin ýnıversıtetin (2016) bitirgen.
Eńbek joly: 2011 jyly «Teploenergosnab» JShS ekonomısi, 2013 jyly «Qazatomónerkásip-Demeý» JShS bas mamany, 2014 jyly «Orman jáne ańshylyq sharýashylyǵy jedel áreket etý bólimi» KMM ınspektory, 2014-2019 jyldary baǵdarlamashy, ınvestorlarǵa qyzmet kórsetý ortalyǵynyń bas menedjeri, aktıvterdi basqarý departamentiniń dırektory, «Ertis» ÁKK» AQ basqarma tóraǵasynyń orynbasary, 2020-2023 jyldary Shyǵys Qazaqstan oblysynyń qarjy basqarmasynyń basshysy, 2023-2024 jyldary Shyǵys Qazaqstan oblysy Ulan aýdanynyń ákimi bolyp qyzmet atqarǵan.
2024 jyldyń maýsym aıynan bastap qazirgi qyzmetinde.
120 jyl buryn (1905-1983) aqyn, jazýshy Asqar TOQMAǴAMBETOV dúnıege keldi.
Qyzylorda oblysynyń Syrdarııa aýdanynda týǵan. Ekinshi dúnıejúzilik soǵysqa qatysqan. Tashkent polıtehnıkýmyn, Máskeý Baspa ınstıtýtyn bitirgen.
«Lenınshil jas», «Sotsıalıstik Qazaqstan», «Qazaq ádebıeti» gazetteri men «Ara» jýrnalynda qyzmet istegen. Qazaqstan Jazýshylar odaǵynyń Shymkent, Qyzylorda oblystary boıynsha jaýapty hatshysy bolǵan.
1928 jyldan bastap óleńderi men poemalary, ocherkteri men feletondary jeke kitap bolyp basylyp shyqty.
Otan soǵysy jyldarynda jaýyngerlerdiń maıdandaǵy erlikterin, halyqtar dostyǵy, soǵystan keıingi jyldarda beıbit ómir tynysyn óz shyǵarmalaryna arqaý etti.
«Hat», «Baqyt kilti», «Qaskeleń», «Ómirge jol», «Agronom kóktemi», «Batyr Álı», «Aqyn taǵdyry», «Kreml saqshysy», «Ajaldy jeńgen alyptar», «Batyrlar dastany», «Ýborşıtsa», «Berlın kóshesinde», «Ispanııa», «Qarańǵy túnde», «Reın jaǵasynda» poemalarynyń, «Bizdiń Sáýle», «Qosh aman bol», «Bátımanyń haty», «Kút meni», «Súıgen jarǵa» taǵy basqa ánge arnalǵan óleńderiniń, Ybyraı Jaqaev ómirin beıneleıtin «Qyran tuǵyrdan ushady», Qazan tóńkerisiniń qarsańyndaǵy aýyl ómirin sýretteıtin «Aqmonshaq» (O.Bodyqovpen birge), «Qarbalasta» povesteri men romandarynyń, «Jyr kúmbezi» atty tarıhı romannyń avtory.
«Eki zań», «Saılaý», «Aldar Kóse», «Bir semıa» atty pesalary bar. S.Aınıdiń «Quldar» romanyn qazaqshaǵa aýdardy.
Qazan tóńkerisi, І dárejeli Otan soǵysy, úsh ret Eńbek Qyzyl Tý ordenderimen jáne medaldarmen marapattalǵan.