18 jylda alǵash ret rekordtyq maqta ónimi jınaldy - AShM

ASTANA. KAZINFORM – Sońǵy 18 jylda elimizde alǵash ret rekordtyq maqta ónimi jınaldy. Bul týraly jyl qorytyndysyna oraı BAQ ókilderimen kezdesken Aýyl sharýashylyǵy mınıstri Aıdarbek Saparov aıtty.

- 2025 jyly kartoptyń jalpy ónimi 2,9 mıllıon tonnaǵa jetti, al maqta ónimi shamamen 430 myń tonnany qurady. Bul – sońǵy 18 jyldaǵy eń joǵary kórsetkish. Mundaı kórsetkishke sýǵarýdyń dástúrli ádisinen tamshylatyp sýǵarýǵa kóshýdiń arqasynda jettik. 2025 jyly alǵash ret tamshylatyp sýǵarylatyn maqta alańy 50 myń gektar boldy. Bul rette daqyl boıynsha ortasha ónimdilik gektaryna 30 tsentnerge, keıbir sharýashylyqtarda gektaryna 60 tsentnerge artty, - dedi Aıdarbek Saparov.

Mınıstr dereginshe, burshaq daqyldarynan 1,1 mln tonnadan astam rekordtyq ónimi alyndy. Onyń ishinde jasymyq – 842 myń, burshaq – 222 myń, noqat – 22 myń tonnany qurady. Maıly daqyldardyń ónimi 4,8 mln tonnaǵa jetti.

- Memleket basshysynyń tapsyrmasy boıynsha qolǵa alynǵan ártaraptandyrý jumystaryn odan ári jalǵastyramyz. Bul aýyspaly egisti durys uıymdastyrýǵa, topyraq qunarlylyǵyn saqtaýǵa jáne fermerler úshin táýekelderdi azaıtýǵa múmkindik beredi, - dedi ol.

Elimiz 2024-2026 jyldary rekordtyq astyq eksporttaǵan edi.