18 jeltoqsan. Tulǵalar týǵan kún

ASTANA. QazAqparat – Búgin, ıaǵnı 18 jeltoqsan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

78 jyl buryn(1944) memleket jáne qoǵam qaıratkeri, Qazaqstan Respýblıkasy Parlament Senaty janyndaǵy senatorlar keńesiniń múshesi Oralbaı Ábdikárimuly ÁBDІKÁRІMOV dúnıege keldi.

Qaraǵandy oblysy Nura aýdanynda týǵan. Qaraǵandy memlekettik ýnıversıtetin, Almaty joǵary partııa mektebin bitirgen. Qaraǵandy qalalyq halyqtyq baqylaý komıtetinde, partııa organdarynda, respýblıkalyq basqarý organdarynda memlekettik qyzmette bolyp, Prezıdent Apparaty basshysynyń orynbasary – uıymdastyrý-baqylaý bóliminiń meńgerýshisi, Qazaqstan Respýblıkasy Prezıdenti Ákimshiliginiń basshysy, Qazaqstan Respýblıkasy Joǵary tártiptik keńesiniń tóraǵasy, sybaılas jemqorlyqpen kúres jónindegi Memlekettik komıssııanyń tóraǵasy, Qazaqstan Respýblıkasynyń Memlekettik hatshysy, Qazaqstan Respýblıkasy Prezıdentiniń keńesshisi bolyp qyzmet istegen. Qazaqstan Respýblıkasy Joǵarǵy Keńesiniń on ekinshi shaqyrylymynyń depýtaty. 1999 jylǵy qarashada Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamentiniń ekinshi shaqyrylymynda Senat depýtaty bolyp taǵaıyndalǵan. Qazaqstan Respýblıkasy Parlamenti Senatynyń Tóraǵasy bolyp saılanǵan. «Nur Otan» partııasynyń Sybaılas jemqorlyqpen kúres jónindegi qoǵamdyq keńesi tóraǵasynyń orynbasary.

II dárejeli «Barys» (2001), І dárejeli «Barys» (2009) TMD PAA-nyń «Sodrýjestvo» ordenderimen, medaldarmen marapattalǵan.

69 jyl buryn (1953) «Ulttyq ǵylymı-tehnıkalyq ortalyq» AQ prezıdenti Ádil Júnisuly YBYRAEV dúnıege keldi.

Óskemen qalasynda týǵan. M. Lomonosov atyndaǵy Máskeý memlekettik ýnıversıtetin, Almaty saıasattaný jáne basqarý ınstıtýtyn bitirgen.

QazTAG-tyń (qazirgi «QazAqparat» halyqaralyq aqparat agenttigi) redaktory, aǵa redaktory, shyǵarýshy redaktordyń orynbasary qyzmetterin atqarǵan. 1982-1988 jyldary – «Lenınskaıa smena» gazeti bas redaktorynyń orynbasary. 1988-1990 jyldary – Qazaq KSR Mınıstrler Keńesi tóraǵasynyń keńesshisi, kómekshisi. 1991-1993 jyldary – Qazaqstan Respýblıkasy Prezıdenti jáne Mınıstrler Kabıneti apparatynyń bólim meńgerýshisiniń orynbasary, Qazaqstan Respýblıkasy Prezıdentiniń baspasóz qyzmeti jetekshisiniń orynbasary. 1993-1994 jyldary – Qazaqstan Respýblıkasy Prezıdenti jáne Mınıstrler Kabıneti apparaty ishki saıasat bóliminiń meńgerýshisi. 1994-1995 jyldary – Qazaqstan Respýblıkasy Mınıstrler Kabıneti Іs basqarmasynyń bólim meńgerýshisi. 1997-2002 jyldary – Almaty qalasy ákiminiń orynbasary. 2003-2004 jyldary – Qazaqstandaǵy Reseıdiń «Izvestııa», «Komsomolskaıa pravda» jáne «Trýd» basylymdary Menedjment, marketıng jáne jarnama departamentiniń dırektory. 2004 jyldan Qazaqstan Respýblıkasy Mádenıet, aqparat jáne sport mınıstrliginiń Almaty qalasyndaǵy ókildiginiń jetekshisi, 2005 jyldan «Atameken» odaǵy Almaty fılıalynyń atqarýshy dırektory bolǵan. 2008-2013 jyldary – «Karavan» respýblıkalyq gazetiniń bas redaktory. 2013-2016 jyldary – «Ulttyq ǵylymı-tehnıkalyq ortalyq» AQ prezıdenti.

2016 jyldyń jeltoqsan aıynan beri qazirgi qyzmetinde.

67 jyl buryn (1955) tanymal qoǵam qaıratkeri, dıplomat Almaz Násireddınuly HAMZAEVdúnıege keldi.

Taraz qalasynda týǵan. 1977 jyly Almaty qalasyndaǵy shet tilderi pedogogıkalyq ınstıtýtyn bitirgen, aǵylshyn tiliniń muǵalimi. 1990 jyly KSRO SІM Dıplomatııalyq akademııasyn bitirgen.

AQSh, Ulybrıtanııa, Italııa, Grekııa, Malta, San-Marıno jáne Belgııa sııaqty kóptegen memleketterde Qazaqstannyń Tótenshe jáne Ókiletti Elshisi, Elshiniń keńesshisi sııaqty jaýapty qyzmetter atqarǵan. 2012 jyldyń 28 qarashasynan bastap – Qazaqstannyń Lıýksembýrgtegi Tótenshe jáne Ókiletti Elshisi, sonymen qatar NATO jáne Eýropalyq Odaqtaǵy Qazaqstan Respýblıkasy ókildiginiń basshysy. 2018 jyldan bastap – Qazaqstan Respýblıkasy Syrtqy ister mınıstrliginiń erekshe tapsyrmalar jónindegi Elshisi.

Medaldary men alǵys hattary: «Qurmet» (2008); «Astana» (1998), «Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2002), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006), «Astananyń 10 jyldyǵy» (2008). QR Prezıdentiniń alǵys hatymen (2005, 2010), syrtqy saıasatqa qosqan úlesi úshin «Názir Tórequlov» medalimen, «Altyn barys» ordenimen marapattalǵan.

58 jyl buryn (1964) - Qazaqstannyń Italııa Respýblıkasyndaǵy, Malta Respýblıkasyndaǵy, San-Marıno Respýblıkasyndaǵy Tótenshe jáne Ókiletti Elshisi Erbolat Násenuly SEMBAEV dúnıege keldi.

Shyǵys Qazaqstan oblysynda týǵan. Qazaq ulttyq tehnıkalyq ýnıversıtetin, (1987); Mılan qalasyndaǵy Enrıko Matteı orta mektebin (1996) bitirgen.

Jumys tájirıbesi: kópjaqty yntymaqtastyq bóliminde, EQYU departamentinde jáne Eýropa departamentinde ártúrli laýazymdarda jumys istedi (1998-2001); Qazaqstan Respýblıkasynyń Italııa Respýblıkasyndaǵy Elshiliginiń birinshi hatshysy, keńesshisi, keńesshisi-elshisi (2001-2009); Syrtqy ister mınıstrligi Kópjaqty yntymaqtastyq departamentiniń dırektory (2013-2015); Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi (2016-2017); Qazaqstan Respýblıkasynyń Belgııadaǵy Elshiliginiń Mınıstrdiń keńesshisi, Eýropalyq Odaqtaǵy ókildigi basshysynyń orynbasary (2018-2021).

Qazirgi qyzmetin 2021 jyldan beri atqaryp keledi.

50 jyl buryn (1972) Qazaqstan Respýblıkasynyń Premer-mınıstri Álıhan Ashanuly SMAIYLOV dúnıege keldi.

Almaty qalasynda týǵan. 1994 jyly Ál-Farabı atyndaǵy Qazaq memlekettik ulttyq ýnıversıtetin qoldanbaly matematıka mamandyǵy boıynsha bitirdi. 1996 jyly Qazaqstan Respýblıkasy Prezıdenti janyndaǵy Qazaq menedjment, ekonomıka jáne boljaý ınstıtýtyn tamamdap, memlekettik basqarý magıstri dárejesin alǵan.

1993-1995 jyldary – «A-Invest» ınvestıtsııalyq-jekeshelendirý qorynyń bas mamany. 1996-1998 jyldary – Qazaqstan Respýblıkasy Ulttyq statıstıka agenttiginiń basqarma bastyǵynyń orynbasary, basqarma bastyǵy. 1998 jylǵy naýryz ben sáýir aralyǵynda – Qazaqstan Respýblıkasy Statıstıkalyq josparlaý jáne reformalar agenttiginiń Statıstıka jáne taldaý komıteti tóraǵasynyń orynbasary. 1998-1999 jyldary – Qazaqstan Respýblıkasy Prezıdenti Ákimshiliginde bas sarapshy, sektor meńgerýshisi, memlekettik ınspektor. 1999-2003 jyldary – Qazaqstan Respýblıkasy Statıstıtka agenttiginiń tóraǵasy. 2003 jylǵy aqpan men shilde aralyǵynda – Qazaqstan Respýblıkasy Syrtqy ister vıtse-mınıstri. 2003-2006 jyldary – «Eksporttyq kredıtter men ınvestıtsııalardy saqtandyrý jónindegi memlekettik saqtandyrý kompanııasy» AQ basqarmasynyń tóraǵasy. 2006-2007 jyldary – Qazaqstan Respýblıkasy Qarjy vıtse-mınıstri. 2007-2008 jyldary – «QazAgro» Ulttyq holdıngi» AQ prezıdenti. 2008-2009 jyldary – Qazaqstan Respýblıkasy Qarjy vıtse-mınıstri. 2009-2014 jyldary – Qazaqstan Respýblıkasy Statıstıka agenttiginiń tóraǵasy. 2014-2015 jyldary – Qazaqstan Respýblıkasy Ulttyq ekonomıka mınıstrliginiń Statıstıka komıtetiniń tóraǵasy. 2015 jylǵy jeltoqsanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi bolyp taǵaıyndaldy. 2019-2020 jyldary – Qazaqstan Respýblıkasy Premer-mınıstriniń birinshi orynbasary – Qazaqstan Respýblıkasynyń Qarjy mınıstri. Qazaqstan Respýblıkasy Premer-Mınıstriniń birinshi orynbasary (2020-2022).

Qazirgi qyzmetin 2022 jyldyń qańtarynan beri atqaryp keledi.

«Qurmet» ordenimen, «Eren eńbegi úshin», «Qazaqstan táýelsizdigine 10 jyl», «Qazaqstan Konstıtýtsııasyna 10 jyl», «Astanaǵa 10 jyl» medaldarymen marapattalǵan. «1 rangty keńesshi» dıplomatııalyq rangy bar.

47 jyl buryn (1975) Qazaqstan Respýblıkasy Saýda jáne ıntegratsııa mınıstliginiń apparat basshysy Asqar Ábdiǵalıuly BEGMANOV dúnıege keldi.

Almaty qalasynda dúnıege kelgen. Qazaq memlekettik zań ýnıversıtetin, Halyqaralyq mamandyqtar ınstıtýtyn, A. Myrzahmetov atyndaǵy Kókshetaý ýnıversıtetin támamdaǵan.

Eńbek jolyn 1997 jyly Almaty qalasy Túrksib aýdany prokýrorynyń quqyqtyq statıstıka jáne aqparat jónindegi kómekshisi bolyp bastady. 1999-2000 jyldary Almaty oblystyq ádilet basqarmasynda (Taldyqorǵan q.) jumys istedi. 2001-2003 jj. – Almaty qalasy Áýezov aýdandyq prokýrorynyń kómekshisi, aǵa kómekshisi. 2003-2007 jj. jeke menshik uıymdarda jumys istedi. 2007-2008 jj. – «QazMunaıGaz Saýda úıi» AQ Sharttar monıtorıngi jáne quqyqtyq qamtamasyz etý departamentiniń bas zańdy keńesshisi. 2008-2009 jj. – QR Mádenıet jáne aqparat mınıstrligi Ákimshilik jumys jáne halyqaralyq yntymaqtastyq departamenti Kadr jumysy basqarmasynyń bastyǵy. 2009-2010 jj. – QR Premer-Mınstriniń Keńsesi uıymdastyrý jumysy jáne aýmaqtyq damý bóliminiń bas ınspektory. 2010-2012 jj. – SQO Esil aýdanynyń ákimi. 2012-2013 jj. – SQO ákimi apparatynyń basshysy. 2013-2014 jj. – QR Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory. 2014 j. – QR Kólik jáne kommýnıkatsııa mınıstrligi Kóliktik baqylaý komıteti tóraǵasynyń orynbasary. 2014-2015 jj. – QR Investıtsııalar jáne damý mınıstrligi Avtomobıl joldary komıteti tóraǵasynyń orynbasary. 2015-2018 jj. – SQO Maǵjan Jumabaev aýdanynyń ákimi. 2020-2021 jj. – Taldyqorǵan qalasy ákiminiń orynbasary. 2021-2022 jj. QR Básekelestikti qorǵaý jáne damytý agenttiginde departament dırektory boldy.

Qazirgi qyzmetin 2022 jyldyń qyrkúıek aıynan beri atqaryp keledi.

45 jyl buryn (1977) telejúrgizýshi, prodıýser, medıa-menedjer, tanymal jýrnalıst Láıla Sultanqyzy SEŃGІRBEKOVA dúnıege keldi.

Shymkent qalasynda týǵan. Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan.

Eńbek jolyn 1999 jyly «Shahar» telearnasynyń prodıýseri bolyp bastap, «Hit TV»arnasynda dırektor, «Qazaqstan» RTRK AQ prodıýser laýazymdarymen jalǵastyrdy. «KazMedia Mobile» JShS bas dırektory, «Kıno+Serıal» baspasynyń bas redaktory. 2017 jylǵa deıin «Qazaqstan» ulttyq arnasyndaǵy «Áıel baqyty» tok-shoýynyń avtory jáne júrgizýshisi, «Balapan» telearnasynyń dırektory boldy. «Jibek Joly» telearnasyndaǵy «Suhbat. Láılá Sultanqyzymen» baǵdarlamasynyń avtory ári júrgizýshisi.