18 tamyz. Tulǵalar týǵan kún

ASTANA. KAZINFORM - Búgin, 18 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

77 jyl buryn(1947) «Integratsııa-Astana» JShS Bas dırektory Vladımır Karlovıch GARTMAN dúnıege keldi.

Aqmola oblysy Shortandy aýdanynyń Aǵanas aýylynda týǵan. 1971 jyly Tselınograd aýylsharýshylyq ınstıtýtyn «ınjener-mehanık» mamandyǵy boıynsha, 1988 jyly Almaty joǵary partııa mektebin «saıasattanýshy» mamandyǵy boıynsha bitirgen.

Eńbek joly: 1971-1976 jyldary «Oktıabr» keńsharynda ınjener, tseh bastyǵy, 1976-1984 jyldary «Ýrıýpınskıı» keńsharynyń dırektory, 1984-1985 jyldary Shortandy aýdandyq atqarý komıtetiniń tóraǵasy, 1985-1988 jyldary Shortandy aýdandyq partııa komıtetiniń birinshi hatshysy, 1988-1989 jyldary Qazaqstan Kompartııasy Ortalyq Komıtetiniń ınspektory, 1989-1992 jyldary Oral oblystyq atqarý komıtetiniń tóraǵasy, 1992-1997 jyldary apparat basshysy, Soltústik Qazaqstan oblysynyń ákimi, 1997-1998 jyldary Aqmola oblysynyń ákimi.

Qazirgi qyzmetinde 1998 jyldyń jeltoqsanynan.

76 jyl buryn (1948) tarıh ǵylymdarynyń doktory, professor, Qazaqstan Repýblıkasy Áleýmettik ǵylymdar akademııasynyń akademıgi Mámbet Quljabaıuly QOIGELDIEV dúnıege keldi.

Jambyl oblysy, Shý aýdanynyń Tóle bı aýylynda dúnıege kelgen. Qyrǵyz memlekettik ýnıversıtetin, keıin ál-Farabı atyndaǵy Qazaq ulttyq ýnıversıtetiniń aspırantýrasyn bitirgen.

Eńbek joly: 1968-1971 jyldary aýyl mektebinde muǵalim, Jambyl oblystyq muraǵatynyń ǵylymı qyzmetkeri, 1971-1989 jyldary Qazaq memlekettik ýnıversıtetiniń (qazirgi ál-Farabı atyndaǵy Qazaq ulttyq ýnıversıteti) dotsenti, 1989-1991 jyldary Qazaqstan Kompartııasy Ortalyq komıteti janyndaǵy Partııa tarıhy ınstıtýtynyń aǵa ǵylymı qyzmetkeri, 1991-2001 jyldary ál-Farabı atyndaǵy Qazaq ulttyq ýnıversıteti Qazaqstannyń jańa tarıhy kafedrasynyń meńgerýshisi, atalǵan ýnıversıtet janyndaǵy Biliktilikti arttyrý ınstıtýtynyń dırektory, tarıh fakýltetiniń dekany, 2002-2006 jyldary QR BǴM Sh.Ýálıhanov atyndaǵy Tarıh jáne etnologııa ınstıtýtynyń dırektory qyzmetin atqarǵan. 2004 jyly Abaı atyndaǵy Qazaq ulttyq pedagogıkalyq ýnıversıtetiniń Qazaqstannyń jańa jáne qazirgi zamanǵy tarıhy kafedrasynyń meńgerýshisi, Qazaqstan tarıhshylary qaýymdastyǵynyń prezıdenti; «Mádenı mura» memlekettik baǵdarlamasynyń tarıh jáne etnografııa bóliminiń meńgerýshisi.

Otan tarıhynyń jańa zaman kezeńi boıynsha maman, pedagog-ǵalym, 400-den astam qazaq ult-azattyq qozǵalysy, ulttyq saıası basqarýshy top, saıası repressııa tarıhyna arnalǵan 400-den astam jarııalynym avtory. Vena qalasynyń halyqaralyq ýnıversıtetiniń Qurmetti professory (Aýstrııa, 2007), Halyqaralyq Sokrat («Socrates international Award» Oksford, Ulybrıtanııa, 2007) jáne Halyqaralyq Beıbitshilk syılyqtarynyń ıegeri, Qyzylorda memlekettik ýnıvrsıtetiniń Qurmetti professory.

Álıhan Bókeıhan, Mustafa Shoqaı jáne basqa da qaıratkerlerdiń eńbekterin daıyndap, basyp shyǵardy. «Otan tarıhy» jýrnalynyń bas redaktory, «Aqıqat», «Qazaq tarıhy», «DA» jáne t.b. jýrnaldardyń redaktsııalyq alqasynyń múshes boldy. Qazaqstan atynan halyqaralyq ǵylymı forýmdarǵa (Iran, Japonııa, Túrkııa) qatysty.

56 jyl buryn (1968) Qazaqstan Respýblıkasynyń Belarýs Respýblıkasyndaǵy Elshiliginiń áskerı attashesi Ularbek Tashyqululy ÁBІKEEV dúnıege keldi.

Talas oblysynda týǵan. 1990 jyly ınjenerlik áskerler marshaly A.Proshlıakov atyndaǵy Túmen joǵary áskerı komandalyq ınjenerlik ýchılışesin «Qurlyqtaǵy áskerlerdiń urys qımyldaryn ınjenerlik qamtamasyz etýdi uıymdastyrý» biliktiligi boıynsha, 2000 jyly Qazaqstan Respýblıkasy Qarýly Kúshteriniń Áskerı akademııasyn Motoatqyshtar bólimderin jáne quramalaryn jaýyngerlik qoldaný biliktiligi boıynsha, 2006 jyly A.Baıtursynov atyndaǵy Qostanaı memlekettik ýnıversıtetin «Quqyqtaný» mamandyǵy boıynsha, 2010 jyly Reseı Federatsııasy Qarýly Kúshteri Bas shtabynyń Áskerı akademııasyn «Memlekettiń áskerı qaýipsizdigi» biliktiligi boıynsha, 2015 jyly Belarýs Respýblıkasy Qarýly Kúshteriniń Áskerı akademııasyn «Memlekettik jáne áskerı basqarý organdary» biliktiligi boıynsha bitirgen.

Eńbek joly: 1990 jyly Vladıkavkazdaǵy 27981 áskerı bóliminiń vzvod komandıri, 1990-1992 jyldary Túrikmen KSR ıAngadja kentindegi 46103 áskerı bóliminiń qutqarý jumystaryn qamtamasyz etý rotasynyń komandıri, 1992-1993 jyldary QR Іshki ister mınıstrligi Almaty qalasyndaǵy 7552 áskerı bóliminiń vzvod komandıri, 1993 jyly QR Іshki ister mınıstrligi Almaty qalasyndaǵy 7552 áskerı bóliminiń rota komandıri boldy. 1993 jyly QR Іshki ister mınıstrligi Almaty qalasyndaǵy 7552 áskerı bólimi shtab bastyǵynyń jaýyngerlik daıarlyq jónindegi aǵa kómekshisi, 1993-1994 jyldary QR Іshki ister mınıstrligi Almaty qalasyndaǵy 7552 áskerı bóliminiń avtomobıl rotasynyń komandıri, 1994 jyly QR Іshki ister mınıstrligi Almaty qalasyndaǵy 5449 áskerı bóliminiń 1-patrýldik batalonynda shtab bastyǵy - komandırdiń orynbasary qyzmetin atqarǵan. 1994-1996 jyldary QR Іshki ister mınıstrligi Almaty qalasyndaǵy 5449 áskerı bóliminiń 1-patrýldik batalonynyń komandıri, 1996-1997 jyldary Almaty qalasyndaǵy 5572 áskerı bóliminiń shtab bastyǵy, 1997-1998 jyldary QR Іshki ister mınıstrligi 5516 áskerı bóliminiń komandıri, Temirtaý, Qaraǵandy ​​oblysy, 2000-2002 jyldary QR Іshki ister mınıstrligi Іshki áskerleriniń Shymkent qalasy, 6506 áskerı bólimi shtab bastyǵy - komandırdiń orynbasary, 2002-2003 jyldary QR Іshki ister mınıstrligi Almaty qalasyndaǵy 5571 áskerı bóliminiń komandıri, 2003-2004 jyldary QR Іshki ister mınıstrligi Іshki áskerleriniń 6697 áskerı bóliminiń komandıri, Qostanaı qalasy, 2004-2005 jyldary QR Іshki ister mınıstrligi Іshki áskerler komıteti Astana qalasy boıynsha jaýyngerlik daıarlyq departamenti arnaıy maqsattaǵy bólimshesiniń jaýyngerlik-ádistemelik daıarlyǵy bóliminiń bastyǵy, 2005-2008 jyldary Almaty oblysy Uzynaǵash aýylyndaǵy QR Tótenshe jaǵdaılar mınıstrligi 942 jeke azamattyq qorǵanys polkiniń polk komandıri, 2008-2009 jyldary Almaty oblysy Qarakemir aýylyndaǵy QR Іshki ister mınıstrligi Іshki áskerleriniń 6654 áskerı bólimi komandıriniń orynbasary, 2009-2013 jyldary QR Іshki ister mınıstrligi Іshki áskerler komıtetiniń Astana qalasy boıynsha Bas shtaby bastyǵynyń birinshi orynbasary, 2015-2016 jyldary QR Ulttyq ulany «Shyǵys» óńirlik qolbasshylyǵy qolbasshysynyń birinshi orynbasary – Shyǵys Qazaqstan oblysy Óskemen qalasy shtabynyń bastyǵy, 2016-2019 jyldary QR Ulttyq ulany «Ortalyq» óńirlik qolbasshylyǵy qolbasshysynyń birinshi orynbasary – Qaraǵandy ​​qalasy shtabynyń bastyǵy, 2019-2020 jyldary ınspektsııalyq-taldaý basqarmasynyń bastyǵy – QR Ulttyq ulany Bas qolbasshylyǵy Áskerı keńesiniń hatshysy laýazymyn atqarǵan. 2020 jyly QR Tótenshe jaǵdaılar mınıstrligi Azamattyq qorǵanys jáne áskerı bólimder komıteti tóraǵasynyń orynbasary qyzmetin atqarǵan.

49 jyl buryn (1975) Qazaqstan Respýblıkasy Strategııalyq josparlaý jáne reformalar agenttiginiń apparat basshysy Jomart Amangeldiuly ÁBIESOV dúnıege keldi.

Aqtóbe oblysynda dúnıege kelgen. Qazaq memlekettik basqarý akademııasyn, Qazaq memlekettik zań akademııasyn bitirgen. Garvard ýnıversıtetiniń Dj. Kennedı atyndaǵy memlekettik basqarý mektebimen birlesken Lı Kýan ıÝ atyndaǵy memlekettik saıasat mektebiniń magıstri.

Eńbek jolyn 2000 jyly QR Energetıka, ındýstrııa jáne saýda mınıstrliginiń «Rezerv» RMK bas mamany bolyp bastaǵan. Ár jyldary QR Kólik jáne kommýnıkatsııa mınıstrliginde, QR Úkimeti jáne QR Ulttyq Banki janyndaǵy «Ulttyq taldaý ortalyǵynda», QR Ekonomıkalyq damý jáne saýda mınıstrliginde jumys istedi.

2002 jyldan bastap QR Prezıdent Ákimshiliginiń Júıelik zertteýler ortalyǵynyń sektor meńgerýshisi, bas ınspektory, basshy orynbasary, Memlekettik baqylaý jáne uıymdastyrý jumysy bóliminiń bas ınspektory, Memlekettik baqylaý jáne uıymdastyrý-kadr jumysy bólimi meńgerýshisiniń orynbasary, kadr saıasaty bóliminiń meńgerýshisi laýazymdarynda qyzmet etti.

2008 jyly «Samuryq-Qazyna» UÁQ» AQ basqarýshy dırektory, 2011-2014 jyldary «Qazaqstandyq memlekettik-jeke menshik áriptestik ortalyǵy» AQ basqarma tóraǵasy, 2014-2015 jyldary «QR Ulttyq Bankiniń Banknot fabrıkasy» RMK dırektorynyń birinshi orynbasary qyzmetterin atqardy. 2016-2019 jyldary «Astana» HQO basqarýshysynyń keńesshisi, «Qazposhta» AQ transformatsııa jónindegi basqarýshy dırektory, «Kaspıı ÁKK» AQ Basqarma tóraǵasy, Strategııalyq bastamalar ortalyǵynyń basqarýshy seriktesi boldy. 2019-2023 jyldary QR Prezıdenti Ákimshiliginiń Memlekettik basqarý bólimi meńgerýshisiniń orynbasary, memlekettik ınspektory, Memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary, Memlekettik basqarý bólimi meńgerýshisiniń orynbasary laýazymdaryn atqardy.

Qazirgi qyzmetin 2024 jylǵy qańtardan bastap atqarýda.

Ekonomıka ǵylymdarynyń kandıdaty, «Qurmet» ordenimen marapattalǵan.

47 jyl buryn (1977) Aýyl sharýashylyǵy mınıstrliginiń Jer resýrstaryn basqarý komıtetiniń tóraǵasy Murat Barıtuly TEMІRJANOV dúnıege kelgen.

Aqmola oblysy Býrabaı aýdany Naýryzbaı batyr aýylynda týǵan. Sh. Ýálıhanov atyndaǵy Kókshetaý ýnıversıtetin bitirgen, AÓK salalaryndaǵy ınjener-ekonomıst; Qazaq gýmanıtarlyq zań ýnıversıteti, zańger bakalavry.

1998-2000 jyldary Kókshetaý qalasy boıynsha Salyq komıteti jeke tulǵalar bóliminiń salyq ınspektory, 2000-2001 jyldary Aqmola oblysy boıynsha Salyq komıteti aýdıt bóliminiń bas salyq ınspektory, 2001 jyly Aqmola oblysy Zerendi aýdany boıynsha Salyq komıteti tóraǵasy orynbasarynyń mindetin atqarýshy, 2001-2006 jyldary «Ramýt» JShS qarjylyq dırektory, 2008-2011 jyldary «Baımyrza-Agro» JShS bas dırektory bolyp jumys atqardy. 2008-2013 jyldary «Ramýt korporatsııasy» JShS qarjylyq dırektory, bas dırektory, 2013-2014 jyldary QR Prezıdenti Ákimshiliginiń Qaýipsizdik Keńesiniń Ahýaldyq ortalyǵynyń Astana qalasyndaǵy konsýltanti, 2014-2016 jyldary «AgroInterTech» JShS bas dırektory, 2012-2013 jyldary besinshi saılanǵan Aqmola oblystyq máslıhatynyń depýtaty, Ekonomıka jáne bıýdjet máseleleri jónindegi turaqty komıssııanyń tóraǵasy, Aqmola oblysy «Nur Otan» HDP Saıası keńesi Bıýrosynyń múshesi boldy. 2015-2016 jyldary besinshi saılanǵan Aqmola oblystyq máslıhatynyń depýtaty, Depýtattyq ádep, zańdylyq, ekologııa jáne tabıǵat paıdalaný máseleleri jónindegi turaqty komıssııanyń múshesi. FMB NZM Qamqorshylyq keńesiniń tóraǵasy Kókshetaý qalasy, Sh. Ýálıhanov atyndaǵy ýnıversıtettiń Qamqorshylyq keńesiniń múshesi, Aqmola oblysy boıynsha «Atameken» UKP Óńirlik keńesiniń múshesi boldy. 2016-2021 jyldary QR Parlamenti Májilisiniń VI shaqyrylymynyń depýtaty, Agrarlyq máseleler komıtetiniń múshesi.

2021 jyldan bastap qazirgi qyzmetinde.

«Qurmet» ordenimen (2009), «Qazaqstan Respýblıkasynyń táýelsizdigine 20 jyl», «QR máslıhatyna 20 jyl» medaldarymen, «Aýyl sharýashylyǵy salasynyń úzdigi», «Qazaqstan polıtsııasyna 20 jyl» tósbelgilerimen marapattalǵan.

35 jyl buryn (1989)Seısmıkalyq qaýipsizdik jáne jumyldyrý daıyndyǵy basqarmasy basshysynyń orynbasary Sultan Saıatuly ORAZBAEV dúnıege keldi.

Almaty oblysy Alakól aýdanynda dúnıege kelgen. 2011 jyly І.Jansúgirov atyndaǵy Jetisý memlekettik ýnıversıtetin ekologııa mamandyǵy boıynsha, 2012 jyly І.Jansúgirov atyndaǵy Jetisý memlekettik ýnıversıtetin memlekettik jáne jergilikti basqarý mamandyǵy boıynsha, 2021jyly D.A. Qonaev atyndaǵy Eýrazııalyq zań akademııasyn quqyqtaný mamandyǵy boıynsha bitirgen.

Eńbek joly: 2014-2015 jyldary Taldyqorǵan qalasy «Jumyldyrý daıyndyǵy jáne aýmaqtyq qorǵanys basqarmasy» KMM-niń áskerı esepke alý jáne rezervke alý jónindegi mamany, 2015-2017 jyldary Taldyqorǵan qalasy «Jumyldyrý daıyndyǵy jáne aýmaqtyq qorǵanys basqarmasy» KMM áskerı esepke alý jáne rezervke alý bóliminiń bastyǵy, 2017-2022 jyldary Taldyqorǵan qalasy ákimi apparatynyń jumyldyrý daıyndyǵy jáne aýmaqtyq qorǵanys bóliminiń bas mamany qyzmetin atqarǵan. 2022 jyly QR Ulttyq ekonomıka mınıstrligi Jumyldyrý daıyndyǵy departamentiniń Jumyldyrý daıyndyǵy jáne qorǵanys júıesin damytý departamentiniń sarapshysy bolyp jumys istedi. 2022-2024 jyldary Almaty qalasy ákimi apparatynyń jumyldyrý daıyndyǵy jáne azamattyq qorǵaý bóliminiń basshysy qyzmetin atqarǵan.

Qazirgi laýazymyn 2024 jyldyń maýsymynan bastap atqaryp keledi.