18 shilde. Tulǵalar týǵan kún
Búgin, 18 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
54 jyl buryn (1970) Qazaqstan Respýblıkasy Ortalyq saılaý komıssııasynyń apparat jetekshisi Álııa Qaıratqyzy ǴALYMOVA dúnıege keldi.
Pavlodar qalasynda týǵan. 1987-1992 jyldary Ál-Farabı atyndaǵy Qazaq Ulttyq ýnıversıtetiniń tarıh fakýltetinde Saıası-áleýmettik pánder oqytýshysy mamandyǵy boıynsha bilim alǵan. Tarıh ǵylymdarynyń kandıdaty.
Eńbek joly: 1992-1994 jyldary Pavlodar qalasyndaǵy Qazaq-German tehnıkalyq bıznes kolledjinde tarıh pániniń muǵalimi, 1995-2003 jyldary S. Toraıǵyrov atyndaǵy Pavlodar memlekettik ýnıversıtetiniń muǵalimi, 2000-2003 jyldary L.N. Gýmılev atyndaǵy Eýrazııa ulttyq ýnıversıtetiniń muǵalimi, 2003-2008 QR Prezıdenti Ákimshiliginde bas sarapshy, bólim meńgerýshisi, áleýmettik-saıası bólimi basshysynyń orynbasary, 2008-2010 QR Prezıdenti Ákimshiliginiń Іshki saıasat bólimi meńgerýshisiniń orynbasary, 2010-2012 jyldary Pavlodar oblysy ákiminiń orynbasary, 2012-2015 jyldary QR Bilim jáne ǵylym mınıstrliginiń Jaýapty hatshysy bolyp qyzmet etti. 2015-2016 jyldary QR Parlamenti Májilisiniń depýtaty, 2016 jyly «Nur Otan» partııasy Tóraǵasy Birinshi orynbasarynyń keńesshisi qyzmetinde boldy. 2016-2019 jyldary QR Qoǵamdyq damý mınıstrligi Azamattyq qoǵam isteri komıtetiniń tóraıymy, 2019-2020 jyldary QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraıymy laýazymyn atqarǵan.
2020 jyldan bastap qazirgi qyzmetinde.
«Qurmet» ordenimen, «QR Táýelsizdigine 20 jyl», «Qazaqstan halqy Assambleıasyna 20 jyl» mereıtoılyq medaldarimen marapattalǵan.
37 jyl buryn (1987) Qazaqstan Respýblıkasy Prezıdentiniń Іs basqarýshysy Asat Bolatuly NURPEIІSOV dúnıege keldi.
2010 jyly Pragadaǵy Nıý-Iork ýnıversıtetin «ekonomıka jáne menedjment» mamandyǵy boıynsha, 2012 jyly Eýropalyq bıznes mektebin bitirgen, MSc Global Banking and Finance «Halyqaralyq bank isi jáne qarjy» magıstri.
Eńbek joly: 2012-2015 jyldary KPMG Tax and Advisory menedjment konsaltınginde jumys istegen. 2015-2016 jyldary Memlekettik basqarý júıesin damytý departamentiniń basqarma basshysy, QR Ulttyq ekonomıka mınıstriniń keńesshisi, 2016-2017 jyldary «Báıterek» UBH» AQ Korporatıvtik qarjy departamentiniń dırektory, 2018-2019 jyldary QR Premer-Mınıstri Keńsesi Jobalyq basqarý ortalyǵynyń bas ınspektory, meńgerýshiniń orynbasary, meńgerýshiniń mindetin atqarýshy, 2019-2022 jyldary QR Ulttyq Banki Tóraǵasy apparatynyń basshysy laýazymyn atqarǵan. 2022-2023 jyldary Almaty qalasy ákimi apparatynyń basshysy, 2023-2024 jyldary QR Prezıdenti Іs basqarýshysynyń orynbasary bolyp qyzmet etti.
Qazirgi qyzmetin 2024 jylǵy aqpannan bastap atqaryp keledi.
80 jyl buryn (1944-2020) qazaqtan shyqqan tuńǵysh kásibı dırıjer áıel Raısa Qudaıbergenqyzy SADYQOVA dúnıege keldi.
Almaty oblysynyń týmasy. Almaty mýzyka kolledjin, Almaty konservatorııasyn (Qurmanǵazy atyndaǵy Qazaq ulttyq konservatorııasy), N.Rımskıı-Korsakov atyndaǵy Sankt-Peterbýrg konservatorııasyn bitirgen.
1964-1975 jyldary qazaq ulttyq aspaptyq orkestriniń ártisi bolyp jumys istedi. Uzaq jyldar boıy Abaı atyndaǵy Qazaq memlekettik akademııalyq opera jáne balet teatrynyń dırıjeri boldy.
63 jyl buryn (1961-1999) akter, Qazaqstan Memlekettik syılyǵynyń laýreaty Saǵı Asanáliuly ÁShІMOV dúnıege keldi.
Almaty qalasynda týǵan. Almaty teatr jáne kıno ınstıtýtyn bitirgen.
Kınodaǵy eń alǵashqy róli – «Óz dánińdi ósir» fılmindegi Qalam. Keıin «Mazasyz balalardaǵy» ákim, «Oılanýǵa bir aıdaǵy» Arystan, «Qaraly sulýdaǵy» qyzmetshi, «Aısulý jaıly ańyzdaǵy» Táýekel han, 4 serııaly «Shoqan Ýálıhanov» telefılmindegi Shoqan, qazaqtyń tuńǵysh kópserııaly «Toǵysqan taǵdyrlar» telefılmindegi Temir Sabyrovtyń rólderin somdaǵan.
