18 shilde. Týǵan kún ıeleri

NUR-SULTAN. QazAqparat - QazAqparat 18 shildege arnalǵan «Týǵan kún ıeleri» kúntizbesin usynady.

ESІMDER

78 jyl buryn (1944-2020) qazaqtan shyqqan tuńǵysh kásibı dırıjer áıel Raısa Qudaıbergenqyzy SADYQOVA dúnıege keldi.

Almaty oblysynyń týmasy. Almaty mýzyka kolledjin, Almaty konservatorııasyn (Qurmanǵazy atyndaǵy Qazaq ulttyq konservatorııasy), N.Rımskıı-Korsakov atyndaǵy Sankt-Peterbýrg konservatorııasyn bitirgen.

1964-1975 jyldary qazaq ulttyq aspaptyq orkestriniń ártisi bolyp jumys istedi. Uzaq jyldar boıy Abaı atyndaǵy Qazaq memlekettik akademııalyq opera jáne balet teatrynyń dırıjeri boldy.

61 jyl buryn (1961-1999) akter, Qazaqstan Memlekettik syılyǵynyń laýreaty Saǵı Asanáliuly ÁShІMOV dúnıege keldi.

Almaty qalasynda týǵan. Almaty teatr jáne kıno ınstıtýtyn bitirgen.

Kınodaǵy eń alǵashqy róli – «Óz dánińdi ósir» fılmindegi Qalam. Keıin «Mazasyz balalardaǵy» ákim, «Oılanýǵa bir aıdaǵy» Arystan, «Qaraly sulýdaǵy» qyzmetshi, «Aısulý jaıly ańyzdaǵy» Táýekel han, 4 serııaly «Shoqan Ýálıhanov» telefılmindegi Shoqan, qazaqtyń tuńǵysh kópserııaly «Toǵysqan taǵdyrlar» telefılmindegi Temir Sabyrovtyń rólderin somdaǵan.

55 jyl buryn (1967) Qazaqstan Respýblıkasy Parlamenti Májilisiniń VII shaqyrylymynyń depýtaty, Zańnama jáne sot-quqyqtyq reforma komıtetiniń múshesi Berik Aıdarbekuly BEKJANOV dúnıege keldi.

Shymkent qalasynda týǵan. 1992 jyly ál-Farabı atyndaǵy Qazaq ulttyq ýnıversıtetin zańger mamandyǵy boıynsha támamdaǵan.

Eńbek joly: Óz mamandaǵy boıynsha eńbek jolyn 1992 jyly Ońtústik Qazaqstan oblysy, Alǵabas, Bógen aýdandary prokýratýrasynyń tálimgeri, odan keıin, Ordabasy aýdany prokýrorynyń kómekshisi qyzmetterinen bastaǵan. 1995 jyldyń qańtar aıynan 1996 jyldyń jeltoqsan aıy aralyǵynda Ordabasy aýdandyq prokýratýrasynyń tergeýshisi, onan soń Qazaqstan Respýblıkasy Tergeý Komıtetiniń Ońtýstik Qazaqstan oblysy, Ordabasy aýdandyk bólimshesiniń tergeýshisi bolyp qyzmet atqarǵan. 1996 jyldyń maýsym aıymen 1999 jyldyń maýsym aıy aralyǵynda Ońtýstik Qazaqstan oblystyq sotynyń bas maman – keńesshisi bolyp qyzmet etken. Qazaqstan Respýblıkasy Prezıdentiniń 1999 jyldyń 09 maýsymyndaǵy №152 sandy Jarlyǵymen B.A.Bekjanov Ońtústik Qazaqstan oblysy, Sozaq aýdandyq sotynyń sýdıasy bolyp taǵaıyndalǵan. Qazaqstan Respýblıkasy Ádilet Mınıstrliginiń 1999 jylǵy 09 qyrkúıektegi №495 sandy buıryǵymen Shymkent kalalyq sotynyń sýdıasy qyzmetine aýystyrylǵan. 1999 jyldyń 9 qyrkúıektegi Ońtústik Qazaqstan Ádilet basqarmasy bastyǵynyń №169 - K§3 buıryǵymen Shymkent qalasy Abaı sot ýchaskesiniń sýdıasy bolyp bólingen. Qazaqstan Respýblıkasy Prezıdentiniń 2001 jylǵy 11 qyrkúıektegi №680 sandy Jarlyǵymen B.A.Bekjanov Shymkent kalasy №2 sotynyk sýdıasy bolyp eseptelingen. Qazaqstan Respýblıkasy Prezıdentiniń 2003 jylǵy 05 qarashadaǵy №1224 sandy Jarlyǵymen B.A. Bekjanov Ońtústik Qazaqstan oblysy, Túrkistan qalalyq sotynyń tóraǵasy bolyp taǵaıyndalǵan. 01.09.2005 jyldyń 01 qyrkúıegindegi Qazaqstan Respýblıkasy Joǵarǵy Soty janyndaǵy sot ákimshiligi jónindegi Komıtet tóraǵasynyń buıryǵymen B.A.Bekjanov Ońtústik Qazaqstan oblysy sottar ákimshisi bolyp taǵaıyndalǵan.

2007 jyldyń 02 qyrkúıeginen Qazaqstan Respýblıkasy Parlamenti Májilisiniń depýtaty.

Sot tóreligin júzege asyrýdaǵy joǵarǵy kórsetkishteri úshin 2004 jyly Qazaqstan Respýblıkasy Táýelsizdigi kúnine oraı Ońtústik Qazaqstan oblystyq sotynyń tóraǵasynyń qurmet gramotasymen marapattalǵan. Qazaqstan Respýblıkasy Prezıdentiniń 2005 jylǵy 28 tamyzdaǵy jarlyǵymen Konstıtýtsııanyń 10 jyldyǵyna oraı «Qazaqstan Respýblıkasynyń Konstıtýtsııasyna 10 jyl» medalimen marapattalǵan.

2021 jyldyń qańtarynan bastap qazirgi qyzmetinde.

52 jyl buryn (1970) Qazaqstan Respýblıkasy Ortalyq saılaý komıteti apparatynyń jetekshisi Álııa Qaıratqyzy ǴALYMOVA dúnıege keldi.

Pavlodar qalasynda týǵan. 1987-1992 jyldary Ál-Farabı atyndaǵy Qazaq Ulttyq ýnıversıtetiniń tarıh fakýltetinde Saıası-áleýmettik pánder oqytýshysy mamandyǵy boıynsha bilim alǵan. Tarıh ǵylymdarynyń kandıdaty.

1992-1994 jyldary Pavlodar qalasyndaǵy Qazaq-German tehnıkalyq bıznes kolledjinde tarıh pániniń muǵalimi, 1995-2003 jyldary S. Toraıǵyrov atyndaǵy Pavlodar memlekettik ýnıversıtetiniń muǵalimi, 2000-2003 jyldary L.N. Gýmılev atyndaǵy Eýrazııa ulttyq ýnıversıtetiniń muǵalimi, 2003-2008 Qazaqstan Respýblıkasy Prezıdenti Ákimshiliginde bas sarapshy, bólim meńgerýshisi, áleýmettik-saıası bólimi basshysynyń orynbasary, 2008-2010 Qazaqstan Respýblıkasy Prezıdenti Ákimshiliginiń Іshki saıasat bólimi meńgerýshisiniń orynbasary, 2010-2012 jyldary Pavlodar oblysy ákiminiń orynbasary, 2012-2015 jyldary Qazaqstan Respýblıkasy Bilim jáne ǵylym mınıstrliginiń Jaýapty hatshysy bolyp qyzmet etti. Qazaqstan Respýblıkasy Parlamenti Májilisiniń depýtaty (2015-2016). «Nur Otan» partııasy Tóraǵasy Birinshi orynbasarynyń keńesshisi (02.2016 - 11.2016). QR Qoǵamdyq damý mınıstrligi Azamattyq qoǵam isteri komıtetiniń tóraǵasy (2016-2019). 2019-2020 jyldary – QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy.

2020 jyldan bastap qazirgi qyzmetinde.

Marapattary: «Qurmet» ordeni, «QR Táýelsizdigine 20 jyl» mereıtoılyq medali, «Qazaqstan halqy Assambleıasyna 20 jyl» mereıtoılyq medali.

50 jyl buryn (1972) Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Dana Ómirbaıqyzy NURJІGІTOVA dúnıege keldi.

1995 jyly Qurmanǵazy atyndaǵy Qazaq ulttyq konservatorııasyn támamdaǵan.

Eńbek jolyn 1994 jyly Abaı atyndaǵy Almaty memlekettik ýnıversıtetinde kontsertmeıster qyzmetinen bastaǵan. 1996 jyly – K. Baıseıitova atyndaǵy Respýblıkalyq kolledjde kontsertmeıstor. 1997 jyly – «Habar» AQ jańalyqtar baǵdarlamasynyń júrgizýshisi. 2002 jyly «Habar» AQ prodıýseri qyzmetinen ketti. 2002 jyly «Qazaqstan» RTRK» AQ-da qyzmetin bastady. 2002 -2013 jyldar aralyǵynda – «Habar» AQ-da redaktor, jańalyqtar jáne ózge de baǵdarlamalardyń júrgizýshisi, prodıýser. 2013 jyly – «TV Fresh» JShS redaktory 2015 jyly – «Qazaqstan» RTRK» AQ júrgizýshisi.

2019 jyly QR Prezıdentiniń jarlyǵymen VI shaqyrylymdaǵy QR Parlamenti Senatynyń depýtaty bolyp taǵaıyndaldy.

2020 jyly Qurmet ordenimen marapattaldy. Medıa salasynda vedomstvolyq jáne ózge de marapattary bar.

46 jyl buryn (1976) «El» prodıýserlik ortalyǵynyń bas dırektory Aıgúl Edilqyzy BEISENBAEVA dúnıege kelgen.

Jambyl oblysynda týǵan. Qazaq memlekettik ulttyq ýnıversıtetin shyǵystaný mamandyǵy boıynsha bitirgen.

Birqatar mýzykalyq jáne etnografııalyq jobalardyń avtory, «Qyzyl Alma» halyqaralyq syılyǵynyń ıegeri.

35 jyl buryn (1987) Almaty qalasy ákimi apparatynyń basshysy Asat Bolatuly NURPEIІSOV dúnıege keldi.

2010 jyly Pragadaǵy Nıý-Iork ýnıversıtetin «ekonomıka jáne menedjment» mamandyǵy boıynsha, 2012 jyly Eýropalyq bıznes mektebin bitirgen, MSc Global Banking and Finance «Halyqaralyq bank isi jáne qarjy» magıstri.

Prezıdenttik jastar kadrlyq rezerviniń múshesi.

2012-2015 jyldary KPMG Tax and Advisory menedjment konsaltınginde jumys istegen. 2015-2016 jyldary – Memlekettik basqarý júıesin damytý departamentiniń basqarma basshysy, Qazaqstan Respýblıkasy Ulttyq ekonomıka mınıstriniń keńesshisi. 2016-2017 jyldary – «Báıterek» UBH» AQ Korporatıvtik qarjy departamentiniń dırektory. 2018-2019 jyldary – Qazaqstan Respýblıkasy Premer-Mınıstri Keńsesi Jobalyq basqarý ortalyǵynyń bas ınspektory, meńgerýshiniń orynbasary, meńgerýshiniń mindetin atqarýshy. 2019-2022 jyldary – Qazaqstan Respýblıkasy Ulttyq Banki Tóraǵasy apparatynyń basshysy.

2022 jylǵy 16 aqpannan bastap Almaty qalasy ákimi apparatynyń basshysy bolyp taǵaıyndaldy.