18 sáýir. Tulǵalar týǵan kún
Búgin, 18 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1959) Qazaqstan Respýblıkasy Parlamenti Senatynyń depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Sultan Myrzabekuly DÚISEMBINOV dúnıege keldi.
Taldyqorǵan oblysy Gvardııa aýdany Bostan aýylynda týǵan. 1980 jyly Almaty arhıtektýra-qurylys ınstıtýtyn «qurylys-ınjeneri», 1992 jyly Qazaq memlekettik ekonomıkalyq ýnıversıtetin «ekonomıst», 2019 jyly І. Jansúgirov atyndaǵy Jetisý memlekettik ýnıversıtetin «zańger» mamandyqtary boıynsha bitirdi.
Eńbek jolyn 1980 jyly Almaty qalasyndaǵy «Kazkolhozspetsstroı» tresinde bastaǵan. 1982-1991 jyldary Taldyqorǵan aýdanaralyq saýda bazasy qurylys brıgadasynyń proraby, ınjenerlik-tehnıkalyq qyzmeti boıynsha dırektorynyń orynbasary qyzmetterin atqardy. 1991-1996 jyldary aralyǵynda Taldyqorǵan qalasyndaǵy «Qablan» jan-jaqty saýda-qurylys kásipornynyń dırektory. 1996-1998 jyldary aralyǵynda Taldyqorǵan oblystyq ákimshiligi janyndaǵy oblystyq ekonomıkalyq kelisimdi retteý qory dırektorynyń orynbasary. 1998-2001 jyldary aralyǵynda Almaty oblysy Eskeldi aýdany ákiminiń orynbasary, birinshi orynbasary boldy. 2001-2011 jyldary aralyǵynda Eskeldi aýdanynyń ákimi. 2011-2015 jyldary aralyǵynda Qaratal aýdanynyń ákimi.
2015-2017 jyldary aralyǵynda Almaty oblysy ákimi apparatynyń basshysy qyzmet atqardy. 2017-2020 jyldary Almaty oblystyq máslıhatynyń hatshysy.
Qazirgi qyzmetinde 2020 jyldyń tamyz aıynan beri.
63 jyl buryn (1962) Freedom QJ League prezıdenti Rohýs Rohýsovıch ShOH dúnıege keldi.
Eńbek joly: 1985-1988 jyldary kásibı fýtbolshy retindegi mansaby, 1991-1993 jyldary «Dnepr» FK bapker-selektory, «Rotor» FK jattyqtyrýshysy, 1993-1995 jyldary «Rotor» FK komandasynyń jetekshisi, 1995-2004 jyldary «Rotor» FK bas dırektory, atqarýshy dırektory, 2004-2005 jyldary TsSKA FK tehnıkalyq dırektory, 2005-2007 jyldary «Rostov» FK bas dırektory, 2008-2009 jyldary «Volgograd» FK vıtse-prezıdenti, 2010 jyly «Rotor» FK sport dırektory, 2011 jyly «Oral» FK sport dırektory, 2011-2015 jyldary «Rotor» FK vıtse-prezıdenti, 2012-2020 jyldary Volgograd oblysy fýtbol federatsııasynyń prezıdenti, 2015-2017 jyldary «Oral» FK sport dırektory, 2014-2022 jyldary Reseı fýtbol odaǵynyń Atqarý komıtetiniń múshesi, 2019-2022 jyldary RFU Grassroots fýtbol komıtetiniń tóraǵasy, 2022-2023 jyldary Qazaqstan Kásipqoı fýtbol lıgasynyń prezıdenti, 2023 jyly Qazaqstan Jastar fýtbol lıgasynyń prezıdenti, 2023-2025 jyldary Qazaqstan fýtbol federatsııasynyń vıtse-prezıdenti boldy.
62 jyl buryn (1963) Qaraǵandy oblystyq sotynyń tóraǵasy Erden Raýanuly ÁRІPOV dúnıege keldi.
Eńbek jolyn 1986 jyly burynǵy Jezqazǵan oblystyq atqarý komıtetiniń notarıat boıynsha Ádilet bóliminiń aǵa keńesshisi laýazymynan bastaǵan. 1991-1992 jyldary Jezqazǵan oblystyq halyq depýtattar Keńesiniń aǵa keńesshisi bolǵan. 1992-2000 jyldary deıin Qaraǵandy oblysy Jezqazǵan qalalyq sotynyń sýdıasy. 2000-2008 jyldary Qaraǵandy oblysy Balqash qalalyq sotynyń tóraǵasy. 2008-2010 jyldary Qaraǵandy qalasy Qazybek bı aýdanynyń № 2 aýdandyq sotynyń tóraǵasy. 2010-2012 jyldary Almaty qalalyq sotynyń kassatsııalyq sot alqasynyń tóraǵasy. 2012-2015 jyldary Qaraǵandy oblystyq sotynyń qylmystyq ister jónindegi apellıatsııalyq sot alqasynyń tóraǵasy. 2015-2022 jyldary QR Joǵarǵy sotynyń sýdıasy.
Qazirgi qyzmetinde 2022 jyldyń naýryz aıynan.
48 jyl buryn (1977) Qazaqstan Respýblıkasy Densaýlyq saqtaý vıtse-mınıstri Tımýr Muratuly MURATOV dúnıege keldi.
Shyǵys Qazaqstan oblysynda týǵan. Semeı memlekettik medıtsına akademııasyn «Emdeý isi» mamandyǵy boıynsha, Eýrazııa gýmanıtarlyq ınstıtýtyn «Quqyqtaný bakalavry» mamandyǵy boıynsha, Qazaqstan medıtsına ýnıversıtetin «Qoǵamdyq densaýlyq saqtaýdyń joǵary mektebi» mamandyǵy boıynsha bitirgen. Qoǵamdyq densaýlyq saqtaý magıstri akademııalyq dárejesi bar.
Eńbek joly: 2001 jyly № 6 Qalalyq emhananyń ýrolog dárigeri bolyp qyzmet atqardy. 2001-2002 jyldary «Aq Nıet» saýyqtyrý ortalyǵy» jaýapkershiligi shekteýli seriktestiginiń ýrolog dárigeri, 2002 jyly № 6 Qalalyq emhananyń ýrolog dárigeri, 2002-2003 jyldary «Aq Nıet» saýyqtyrý ortalyǵy» jaýapkershiligi shekteýli seriktestiginiń ýrolog dárigeri, 2003-2004 jyldary QR Qorǵanys mınıstrliginiń Bas áskerı emhanasy hırýrgııa bólimshesiniń ýrolog dárigeri, 2004-2010 jyldary «Ulttyq ǵylymı medıtsınalyq ortalyǵy» respýblıkalyq memlekettik mekemesi Ýrologııa bólimshesiniń dárigeri, 2010-2012 jyldary «№ 2 qalalyq aýrýhana» memlekettik kommýnaldyq qazynalyq kásiporynnyń ýrologııa bólimshesiniń meńgerýshisi, 2012-2015 jyldary «№ 2 qalalyq aýrýhana» memlekettik kommýnaldyq qazynalyq kásiporyny bas dárigerdiń medıtsınalyq qyzmet jónindegi orynbasary bolyp qyzmet atqarǵan. 2015-2017 jyldary № 2 Aqmola oblystyq aýrýhanasynyń bas dárigeri, 2016-2017 jyldary «Ulttyq ǵylymı medıtsınalyq ortalyq» Aktsıonerlik qoǵamynyń jalpy aýrýhanalyq personaldyń ýrolog dárigeri (qosa atqarylatyn jumys), 2017-2018 jyldary Astana qalasy Densaýlyq saqtaý basqarmasy basshysynyń orynbasary, 2018-2019 jyldary «Qalalyq jedel medıtsınalyq járdem stantsııasy» sharýashylyq júrgizý quqyǵyndaǵy memlekettik kommýnaldyq kásiporynnyń Bas dárigeri, 2019-2020 jyldary «Qazaqstan Respýblıkasy Prezıdenti Іs Basqarmasy Medıtsınalyq ortalyǵynyń aýrýhanasy» Respýblıkalyq memlekettik mekemesi dırektorynyń birinshi orynbasary, 2020-2023 jyldary Astana qalasynyń Qoǵamdyq densaýlyq saqtaý basqarmasynyń basshysy laýazymyn atqardy. 2023-2024 jyldary QR Densaýlyq saqtaý mınıstrligi «Ulttyq shuǵyl medıtsınany úılestirý ortalyǵy» sharýashylyq júrgizý quqyǵyndaǵy respýblıkalyq memlekettik mekemesiniń Basqarma tóraǵasy boldy.
Qazirgi laýazymyna 2024 jylǵy qazanda bolyp taǵaıyndaldy.
«Astana 20 jyl»; «Eren eńbegi úshin» medaldarimen marapattalǵan.
46 jyl buryn (1979) Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Dáýren Áskerbekuly ABAEV dúnıege keldi.
Almaty oblysynda týǵan. 2001 jyly ál-Farabı atyndaǵy Qazaq ulttyq ýnıversıtetin úzdik bitirgen.
Eńbek joly: 2001-2003 jyldary QR Syrtqy ister mınıstrliginde referent, attashe, úshinshi hatshy, 2003 jyly QR Ázerbaıjandaǵy Elshiliginde úshinshi hatshy, 2003-2007 jyldary Nıderlandy Koroldigindegi QR isteri boıynsha ýaqytsha senimdi ókili, ekinshi hatshy, 2007 jyly QR Syrtqy ister mınıstrliginiń baspasóz qyzmetinde bólim bastyǵy, 2007-2008 jyldary QR Prezıdenti Protokolynyń bas sarapshysy, konsýltanty, 2008-2009 jyldary QR Prezıdentiniń baspasóz hatshysynyń orynbasary, 2009 jyly QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumystary bóliminiń memlekettik ınspektory, 2011-2016 jyldary QR Prezıdentiniń baspasóz hatshysy, keńesshisi, 2016-2019 jyldary QR Aqparat jáne kommýnıkatsııalar mınıstri, 2019-2020 jyldary QR Aqparat jáne qoǵamdyq damý mınıstri. 2020-2022 jyldary QR Prezıdenti Ákimshiligi Basshysynyń birinshi orynbasary, Qazaqstan Respýblıkasy Mádenıet jáne Sport mınıstri qyzmetterin atqardy.
2023 jyldyń shilde aıynan bastap qazirgi qyzmetinde.
«Parasat» jáne «Kurmet» ordenderimen, merekelik medaldarmen marapattalǵan.