18 qarasha. Tulǵalar týǵan kún
Búgin, 18 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
74 jyl buryn (1951) memleket jáne qoǵam qaıratkeri, Astana qalasy Ardagerler keńesiniń tóraǵasy, Astana qalasynyń qurmetti azamaty Sansyzbaı Seıitjanuly ESІLOV dúnıege keldi.
Aqmola oblysynda týǵan. 1979 jyly Tselınograd ınjenerlik-qurylys ınstıtýtyn bitirgen, ınjener-qurylysshy. 1988 jyly Almaty joǵary partııa mektebin bitirgen, qoǵamdyq pánder muǵalimi.
Eńbek joly:1970-1975 jyldary Astrahan oblysy Jaltyr stantsııasynda slesar, tehnık, aǵa jol sheberi, 1975-1986 jyldary Astrahan aýdandyq partııa komıtetiniń nusqaýshysy, uıymdastyrý bóliminiń meńgerýshisi, Tselınograd oblysy Teńiz aýdandyq partııa komıtetiniń hatshysy, 1988-1991 jyldary Tselınograd oblystyq partııa komıteti bólim meńgerýshisiniń orynbasary, 1991-1992 jyldary Aqmola aýmaqtyq memlekettik múlik komıteti tóraǵasynyń orynbasary, 1992-1993 jyldary Memlekettik múlikti basqarý jónindegi Aqmola aýmaqtyq komıtetiniń tóraǵasy, 1993-1995 jyldary Aqmola oblystyq ákimshiligi basshysynyń orynbasary, 1996-1997 jyldary QR Memlekettik múlikti basqarý jónindegi memlekettik komıteti tóraǵasynyń orynbasary, 1997 jyly Aqmola oblysy ákimi apparatynyń basshysy, 1997-2000 jyldary Astana qalasy ákiminiń orynbasary qyzmetin atqardy. 2001-2007 jyldary Astana qalasy ákiminiń birinshi orynbasary boldy. «Nur Otan» HDP partııalyq tizimi boıynsha IV saılanǵan QR Parlamenti Májilisiniń depýtattyǵyna kandıdat, 2007-2011 jyldary IV shaqyrylymdaǵy QR Parlamenti Májilisiniń depýtaty, 2012-2016 jyldary Astana qalasy máslıhatynyń hatshysy, Astana qalasy Qoǵamdyq keńesiniń tóraǵasy qyzmetin atqardy.
«Qurmet», ІІ dárejeli «Dostyq», ІІІ dárejeli «Barys» medaldarymen marapattalǵan.
62 jyl buryn (1963) Qazaqstan Respýblıkasy Parlamenti Májilisiniń depýtaty Dáýlet Bolatuly TURLYHANOV dúnıege keldi.
Shyǵys Qazaqstan oblysy Jarma aýdany Georgıevka aýylynda týǵan. Qazaq fızkýltýra ınstıtýtyn (1988), Qazaq memlekettik Sport jáne týrızm akademııasyn (1999), ál-Farabı atyndaǵy Qazaq memlekettik ýnıversıtetin (2005), І.Jansúgirov atyndaǵy Jetisý memlekettik ýnıversıtetin (2010) bitirgen.
1986-1991 jyldary Qazaq KSR Mınıstrler Keńesi janyndaǵy Dene shynyqtyrý jáne sport komıtetiniń dene shynyqtyrý nusqaýshysy, 1992-1994 jyldary «Dáýlet» kásibı sport klýbynyń prezıdenti, 1994 jyly QR Joǵarǵy Keńesiniń depýtaty, quqyqtyq reforma, zańdylyq jáne quqyqtyq tártip komıtetiniń múshesi, 1994-1995 jyldary QR Joǵarǵy Keńesiniń depýtaty, quqyqtyq reforma, zańdylyq jáne quqyqtyq tártip jónindegi komıtettiń qoǵamdyq birlestiktermen jáne baspasózben baılanys jónindegi kishi komıtetiniń tóraǵasy, 1995-1996 jyldary grek-rım kúresinen QR quramasynyń bas bapkeri, 1995-1996 jyldary І saılanǵan QR Parlamenti Májilisiniń depýtaty, Ekologııa jáne tabıǵatty paıdalaný máseleleri jónindegi turaqty komıtettiń múshesi, 1999-2000 jyldary ІІ saılanǵan QR Parlamenti Májilisiniń depýtaty, Ekologııa jáne tabıǵatty paıdalaný máseleleri jónindegi komıtettiń tóraǵasy boldy.
2000-2004 jyldary QR Týrızm jáne sport agenttiginiń tóraǵasy, 2004-2006 jyldary QR Mádenıet, aqparat jáne sport mınıstrligi Sport isteri komıtetiniń tóraǵasy, 2006-2010 jyldary «DANAKE» korporatsııasy» JShS prezıdenti, 2010-2012 jyldary «Samuryq-Qazyna-Astana» korporatıvtik qorynyń bas dırektory, 2012-2013 jyldary «DANAKE» korporatsııasy» JShS prezıdenti, 2006-2023 jyldary «SemAZ» JShS dırektorlar keńesiniń tóraǵasy boldy. 2023 jyldan bastap – VIII saılanǵan QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi.
«Parasat» (2016), ІІІ dárejeli «Barys» (18.03.2022) ordenderimen marapattalǵan.
60 jyl buryn (1965) Respýblıkalyq kásibı áskerılengen apattyq-qutqarý qyzmeti Shyǵys Qazaqstan oblysy fılıalynyń bas dırektory Vladımır Robertovıch BEKKER dúnıege keldi.
ShQO Úrjar aýdany Blagodatnoe aýylynda týǵan. 1997 jyly Qazaqstan Respýblıkasy Іshki ister mınıstrligi Almaty joǵary tehnıkalyq ýchılışesin «Órt qaýipsizdigi» mamandyǵy boıynsha aıaqtady. 2005 jyly Shyǵys Qazaqstan óńirlik ýnıversıtetin «Zańtaný» mamandyǵy boıynsha aıaqtady.
1983 -1985 jyldary KSRO Qarýly Kúshterinde qyzmet ótkerdi. Memlekettik órtke qarsy qyzmet organdarynda 1986 jylǵy qazannan bastap qyzmet etti. 1988-1991 jyl aralyǵynda memlekettik órtke qarsy qyzmet organdarynda orta jáne aǵa basshylyq quramda, 1991-2008 jyldary basshylyq laýazymdardy atqardy. 2008 jylǵy qazannan bastap QR TJM Órtke qarsy qyzmet komıteti tóraǵasynyń orynbasary. 2014 jylǵy qazannan bastap QR Іshki ister mınıstrligi Tótenshe jaǵdaılar komıteti tóraǵasynyń orynbasary. 2016-2020 jyldary QR Іshki ister mınıstrligi Tótenshe jaǵdaılar komıtetiniń tóraǵasy.
2022 jyldyń sáýir aıynan bastap qazirgi qyzmetinde.
ІІ dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl» merekelik medalimen, І, ІІ, ІІІ dárejeli «Órtke qarsy qyzmet organdaryndaǵy minsiz qyzmet úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Tótenshe jaǵdaılar organdarynyń ardageri» medaldarymen, «Tótenshe jaǵdaılar organdarynyń qurmetti qyzmetkeri» tósbelgisimen marapattaldy.
41 jyl buryn (1984) Pavlodar qalasynyń ákimshilik quqyq buzýshylyq ister jónindegi mamandandyrylǵan sotynyń tóraǵasy Nurjan Álibekuly OMAROV dúnıege keldi.
Aqmola oblysynda týǵan. Toraıǵyrov atyndaǵy Pavlodar memlekettik ýnıversıtetin bitirgen (2007).
Eńbek joly: 2008 jyly «Pavlodar oblysy boıynsha Sottar ákimshisi» MM Aqsý aýmaqtyq bóliminiń sot prıstavy, 2008 jyly «Pavlodar oblysy boıynsha Sottar ákimshisi» MM Pavlodar aýmaqtyq bóliminiń sot prıstavy, 2009 jyly Aqmola oblystyq sotynyń jetekshi mamany, 2009-2010 jyldary Pavlodar oblystyq sotynyń jetekshi mamany, 2010-2011 jyldary Pavlodar oblystyq sotynyń bas mamany, 2011-2013 jyldary «Pavlodar oblystyq sotynyń keńsesi» MM baqylaý jáne qujat aınalymy bólimi bas maman – sot otyrysynyń hatshysy, 2013-2014 jyldary «Pavlodar oblystyq sotynyń keńsesi» MM Ýspen aýdandyq sotynyń keńse meńgerýshisi, 2014 jyly «Pavlodar oblystyq sotynyń keńsesi» MM Baqylaý jáne qujat aınalymy bólimi bas maman – sot otyrysynyń hatshysy, 2014-2021 jyldary Pavlodar oblysy Ekibastuz qalalyq sotynyń sýdıasy bolyp qyzmet atqarǵan.
2021 jyldyń mamyr aıynan bastap qazirgi qyzmetinde.