18 qańtar. Tulǵalar týǵan kún
Búgin, 18 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1963) Pavlodar oblysy jer qatynastary basqarmasynyń basshysy Murat Qabyljaparuly HAMITOV dúnıege keldi.
Pavlodar qalasynda dúnıege keldi. R.Rýdenko atyndaǵy Eńbek Qyzyl Tý Ordeniniń Sverdlov zań ınstıtýtyn, Qazaqstan ınnovatsııalyq ýnıversıtetin bitirgen.
Eńbek jolyn 1983 jyly Pavlodar oblystyq atqarý komıtetiniń Іshki ister qyzmetinen bastaǵan. 1990-2018 jyldary Pavlodar oblysynyń prokýratýrasynda jumys istedi. 2018 jyldan bastap óńirdiń memlekettik organdarynda túrli basshylyq qyzmetter atqardy. Pavlodar oblysy jer qatynastary basqarmasynyń Memlekettik qyzmet kórsetý jáne quqyqtyq jumys bóliminiń basshysy bolyp jumys istedi.
Qazirgi qyzmetin 2023 jyldyń qańtar aıynan beri atqaryp keledi.
49 jyl buryn (1975) Almaty qalasy Qoǵamdyq densaýlyq saqtaý basqarmasynyń basshysy Iran Maratuly ShAMETEKOV dúnıege keldi.
2000 jyly Aqtóbe memlekettik medıtsına akademııasyn «Emdeý isi» mamandyǵy boıynsha, 2001 jyly Batys Qazaqstan medıtsına akademııasynyń ınternatýrasyn «Hırýrgııa» mamandyǵy boıynsha, 2006 jyly D.A.Qonaev atyndaǵy ýnıversıtetti «Quqyqtaný» mamandyǵy boıynsha bitirgen. 2014 jyly «Qoǵamdyq densaýlyq saqtaý» mamandyǵy boıynsha Doktor (PhD) ǵylymı dárejesin alǵan.
Eńbek joly: 2001 jyly Baıqońyr qalalyq aýrýhanasynyń qabyldaý bólimshesiniń hırýrg dárigeri, 2004-2005 jyldary Astana qalasy UǴMO-nyń hırýrg dárigeri, 2005-2006 jyldary QR DSM joǵary mamandandyrylǵan hırýrgııalyq medıtsınalyq kómekti uıymdastyrý jáne patsıentterdi shetelge emdelýge jiberý máseleleri jónindegi konsýltanty, 2006-2007 jyldary QR DSM Bilim, ǵylym jáne halyqaralyq yntymaqtastyq departamenti Bilim jáne ǵylym basqarmasy, Medıtsınalyq jáne farmatsevtıkalyq kadrlardy daıarlaýdy josparlaý jáne monıtorıngi bóliminiń jetekshi mamany, 2007 jyly QR DSM Bilim, ǵylym jáne adamı resýrstar departamentiniń Ǵylym jáne jańa tehnologııalar bóliminiń jetekshi mamany bolyp qyzmet atqardy. 2007-2008 jyldary Áleýmettik normatıvter jáne múgedekterdi ońaltý departamenti Múgedekterdi ońaltý jáne medıtsınalyq-áleýmettik saraptama basqarmasynyń medıtsınalyq-áleýmettik saraptama ádisnamasy bóliminiń bas mamany, 2008 jyly Ǵylym jáne adamı resýrstar departamenti Adamı resýrstardy damytý basqarmasynyń birinshi sanatty sarapshysy, 2009-2011 jyldary Densaýlyq saqtaýdy damytý jáne strategııa departamenti Halyqaralyq yntymaqtastyq jáne ınnovatsııalyq jobalar basqarmasynyń bas sarapshysy, 2011 jyly Astana qalasy Densaýlyq saqtaý basqarmasy basshysynyń orynbasary, 2011-2012 jyldary Jambyl oblysy boıynsha Komıtet Departamenti dırektorynyń mindetterin atqarýshy bolyp jumys istedi. 2012-2013 jyldary Jambyl oblysy boıynsha Komıtet Departamentiniń dırektory, 2013-2014 jyldary Qyzylorda oblysy Densaýlyq saqtaý basqarmasynyń basshysy, 2014 jyly «QazMÚBÝ» AQ óńirler boıynsha dırektory, 2014 jyly «QazMÚBÝ» AQ uıymdastyrý jumysy jónindegi prorektory, 2015-2016 jyldary DSDRO Densaýlyq saqtaý menedjmenti ortalyǵy basshynyń mindetterin atqarýshy qyzmetinde boldy.
2016-2019 jyldary Astana qalasy ShJQ «№3 qalalyq emhana» KMK bas dárigeri, 2019-2022 jyldary Nur-Sultan qalasy ShJQ «№3 kópbeıindi qalalyq balalar aýrýhanasy» KMK dırektory bolyp jumys istedi.
Qazirgi qyzmetin 2022 jyldyń 20 maýsymynan bastap atqaryp keledi.
45 jyl buryn (1979) Qazaqstan Respýblıkasynyń qarjy vıtse-mınıstri Erjan Erikuly BІRJANOV dúnıege keldi.
Soltústik Qazaqstan oblysynda týǵan.
Eńbek jolyn 1999 jyly Soltústik Qazaqstan oblysy boıynsha Salyq komıtetiniń jergilikti salyqtar sektorynyń aǵa salyq ınspektory bolyp bastady. 1999-2004 jyldary SQO boıynsha Salyq komıtetinde jumys istedi. 2004-2014 jyldary QR Qarjy mınıstrliginiń qurylymynda basshylyq laýazymdardy atqardy. 2014 jyly QR Prezıdenti Ákimshiliginiń Áleýmettik-ekonomıkalyq monıtorıng bóliminiń sarapshysy, 2014-2017 jyldary QR Qarjy mınıstrliginiń Memlekettik kirister komıtetiniń Damý jáne jańǵyrtý departamentiniń dırektory bolyp jumys istedi. 2017 jyly «Qazımpeks» respýblıkalyq ortalyǵy» aktsıonerlik qoǵamynyń basqarma tóraǵasynyń orynbasary, 2017-2018 jyldary QR Ulttyq qaýipsizdik komıteti departamentiniń basshysy qyzmetinde boldy. 2018-2020 jyldary «QR Ulttyq qaýipsizdik komıtetiniń memlekettik tehnıkalyq qyzmeti» respýblıkalyq memlekettik kásipornynyń dırektory bolyp jumys istedi. 2020-2021 jyldary QR Ulttyq qaýipsizdik komıteti Shekara qyzmetiniń jumysyn baqylaý jáne úılestirý departamentiniń basshysy laýazymyn atqardy. 2021-2022 jyldary QR eńbek jáne halyqty áleýmettik qorǵaý vıtse-mınıstri boldy.
Qazirgi qyzmetin 2022 jyldyń shildesinen beri atqaryp keledi.
43 jyl buryn (1981) QR Bas kólik prokýrorynyń birinshi orynbasary Sáken Sansyzbaıuly JORABEKOV dúnıege keldi.
Jambyl oblysynda (qazirgi – Taraz) týǵan. 2002 jyly Qazaq gýmanıtarlyq zań ýnıversıtetin quqyqtaný mamandyǵy boıynsha támamdaǵan.
Eńbek joly: Prokýratýra organdaryndaǵy qyzmetin 2002 jyly Oral qalasy prokýrorynyń kómekshisi laýazymynan bastaǵan. Ár ýaqyttarda Batys Qazaqstan, Jambyl, Qostanaı oblystarynyń prokýratýralarynda jáne Bas prokýratýrada qyzmet atqarǵan. Soltústik Qazaqstan oblysy prokýrorynyń orynbasary bolyp qyzmet atqarǵan.
39 jyl buryn (1985) «Qazaqstan turǵyn úı kompanııasy» AQ basqarma tóraǵasynyń orynbasary Altaı Shoqanuly KÚZDІBAEV dúnıege keldi.
Almaty qalasynda týǵan. 2005 jyly M.V.Lomonosov atyndaǵy Máskeý memlekettik ýnıversıtetin «Halyqaralyq ekonomıka» mamandyǵy boıynsha bitirgen. 2007 jyly M.V. Lomonosov atyndaǵy MMÝ-de Menedjment magıstri dárejesin aldy.
Eńbek joly: 2008-2009 jyldary «Qazaqstan Halyq Banki» AQ Halyqaralyq enshiles uıymdardy damytý departamentiniń bas mamany, 2009-2012 jyldary «Birinshi nesıelik bıýro» JShS Qarjylyq josparlaý jáne qyzmetterdi damytý bóliminiń basshysy, 2012-2013 jyldary «Memlekettik nesıelik bıýro» AQ Basqarma tóraǵasynyń orynbasary qyzmetinde boldy. 2013 jyly «Báıterek development» AQ-nyń Basqarýshy dırektory – Basqarma múshesi bolyp taǵaıyndaldy. 2015-2020 jyldary «Báıterek development» AQ Basqarma Tóraǵasynyń orynbasary bolyp qyzmet atqarǵan.
Qazirgi qyzmetinde 2020 jylǵy tamyzdan bastap.
37 jyl buryn (1987) qazaqstandyq ánshi jáne aktrısa, Qazaqstannyń eńbek sińirgen qaıratkeri (2015) Janar Asylbekqyzy DUǴALOVA dúnıege keldi.
Qyzylorda qalasynda dúnıege kelgen.
Úsh jasqa tolǵanǵa deıin Tallınde turdy, sodan keıin otbasymen Pavlodarǵa qaıta oraldy. Bes jasynda anasynyń talaby boıynsha Oqýshylar saraıynyń estradalyq stýdııasynyń úıirmesine bardy. Alty jasynda ol «Ánshi balapan» oblystyq vokaldyq baıqaýynda jeńiske jetip, keıin respýblıkalyq baıqaýda da jeńdi. On jasynda «Aınalaıyn» balalar baıqaýynda Roza Rymbaevamen dýet bolyp shyrqady. Keıin kóptegen ulttyq jáne halyqaralyq vokaldyq baıqaýlarǵa qatysyp, 70-ten astam marapattardyń ıegeri boldy.
Qazaq lıtseıi men fortepıano synyby boıynsha mýzyka mektebin bitirgen. Almaty mýzykalyq kolledjine oqýǵa tústi. 2004 jyldan bastap GITIS-te oqydy, ony qyzyl dıplommen bitirdi. 2011 jyly «Kokteıl dlıa zvezdy 2» qazaqstandyq melodramalyq fılminde oınady. 2012-2014 jyldary «KeshYou» qazaq qyzdar pop-tobynyń quramynda án shyrqady.
2014 jyldyń qarasha aıynda Janar Duǵalova «Іzin kórem» («Vıjý ıh sled») ánimen Tıýrkvıdenıe-2014 halyqaralyq mýzykalyq baıqaýyna qatysty. Ol 225 upaı jınap, fınalda jeńiske jetti. 2015 jylǵy 3 jeltoqsandaǵy jarlyqpen oǵan Qazaqstan Respýblıkasynyń Eńbek sińirgen qaıratkeri ataǵy berildi.
