18 aqpan. Tulǵalar týǵan kún
Búgin, 18 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

62 jyl buryn (1963) Sh.Ýálıhanov atyndaǵy Kókshetaý memlekettik ýnıversıtetiniń rektory Marat Qadyruly SYRLYBAEV dúnıege keldi.

Jambyl oblysynyń Moıynqum aýdanynda qyzmetkerler otbasynda týǵan. Almaty qalasyndaǵy jalpy bilim beretin orta mektepti úzdik aıaqtaǵan soń, 1980 jyly S.M.Kırov atyndaǵy Qazaq memlekettik ýnıversıtetiniń tarıh fakýltetine oqýǵa túsken. Qazaq memlekettik Basqarý akademııasy janyndaǵy Naryq ınstıtýtynda «Bank isi» mamandyǵy boıynsha joǵary bilim alǵan. Qazaq Ulttyq agrarlyq ýnıversıtetinde zańger biliktiligin alǵan.
Eńbek jolyn 1985 jyly A.S.Pýshkın atyndaǵy Oral pedagogıkalyq ınstıtýtynyń KSRO tarıhy kafedrasynyń oqytýshysy qyzmetinen bastaǵan. 1992 jyly ál-Farabı atyndaǵy Qazaq Ulttyq ýnıversıtetiniń Tarıh kafedrasynda oqytýshy bolyp qyzmet etken. 1995-1996 jyldary Ortalyq Azııa yntymaqtastyq jáne damý bankiniń Dúnıejúzilik qarjy ınstıtýttary jáne olardyń qyzmetin taldaý bóliminiń mamany bolyp jumys istegen. 1996-1998 jyldary QR memlekettik múlikti basqarý jónindegi memlekettik komıtetiniń memleket qatysatyn sharýashylyq seriktestikteri jáne AQ bas basqarmasynyń orynbasary, 1998-2001 jyldary «Kitap álemi» AQ-nyń vıtse-prezıdenti, 2001 jyly ál-Farabı atyndaǵy Qazaq ulttyq ýnıversıtetiniń Óndiristik-sharýashylyq jáne jalpy máseleler jónindegi prorektorynyń orynbasary, 2002-2006 jyldary Qazaq Ulttyq agrarlyq ýnıversıtetinde oqý-sharýashylyq basqarmasynyń basshysy, 2006-2008 jyldary Qazaq Ulttyq agrarlyq ýnıversıtetiniń ekonomıkalyq máseleler jónindegi prorektory qyzmetinde boldy. 2008-2009 jyldary QR Indýstrııa jáne saýda mınıstrliginiń Іshki aýdıt basqarmasynyń basshysy, 2009-2010 jyldary QR Indýstrııa jáne saýda mınıstrligi Strategııalyq josparlaý jáne taldaý Departamentiniń Strategııalyq josparlaý basqarmasynyń basshysy, 2010 jyly «Mal ónimderi korporatsııasy» AQ Qarjy máseleleri jónindegi basqarma tóraǵasynyń orynbasary qyzmetin atqardy.
2010-2011 jyldary L.N.Gýmılev atyndaǵy Eýrazııa ulttyq ýnıversıtetinde Qarjy-ekonomıkalyq qyzmet jetekshisi boldy. 2011-2018 jyldary L.N.Gýmılev atyndaǵy Eýrazııa ulttyq ýnıversıtetiniń Qarjy-sharýashylyq máseleleri jónindegi prorektory qyzmetin atqaryp keldi.
2018 jyldyń mamyrynan Sh.Ýálıhanov atyndaǵy Kókshetaý memlekettik ýnıversıtetiniń rektory qyzmetine taǵaıyndaldy.
51 jyl buryn (1974) Qazaqstan Respýblıkasy Joǵarǵy sotynyń sýdıasy Aıdyn Maratuly NURBEKOV dúnıege kelgen.

Óskemende týǵan. 1996 jyly Ál-Farabı atyndaǵy Qazaq memlekettik ýnıversıtetin bitirgen, zańger.
Eńbek joly: 1995-1996 jyldary Almaty qalalyq sotynyń konsýltanty, jetekshi konsýltanty, 1996-1997 jyldary Taldyqorǵan garnızony áskerı soty tóraǵasynyń kómekshisi, QR Ádilet mınıstrligi áskerı sottar basqarmasynyń ınspektor-keńesshisi, 1997-2000 jyldary QR Áskerı soty tóraǵasynyń kómekshisi, 2000-2004 jyldary Almaty qalasy Áýezov aýdandyq sotynyń sýdıasy, 2004-2007 jyldary Almaty qalalyq sotynyń sýdıasy, 2007-2010 jyldary QR Áskerı sotynyń qylmystyq ister jónindegi alqasynyń tóraǵasy, 2010-2015 jyldary QR Áskerı soty kassatsııalyq sot alqasynyń tóraǵasy bolyp qyzmet atqardy.
Qazirgi laýazymyn 2015 jyldyń jeltoqsanynan beri atqaryp keledi.
46 jyl buryn (1979) Shyǵys Qazaqstan oblysy Tarbaǵataı aýdanynyń ákimi Darhan Shompaıuly JÓRGEKBAEV dúnıege keldi.

Shyǵys Qazaqstan oblysy Tarbaǵataı aýdany Aqjar aýylynda dúnıege kelgen. Shyǵys Qazaqstan memlekettik ýnıversıtetin «Qazaqstan tarıhy» mamandyǵy, Almaty ekonomıka jáne statıstıka akademııasyn «Qarjy» mamandyǵy boıynsha támamdaǵan.
Eńbek jolyn 2003 jyly ShQO statıstıka departamentiniń bas mamany bolyp bastady. 2005-2011 jyldary Tarbaǵataı aýdandyq statıstıka basqarmasynyń basshysy bolǵan.2011-2015 jyldary aralyǵynda Ulan aýdandyq statıstıka basqarmasynyń basshysy laýazymyn atqardy. 2015-2019 jyldary Aıagóz aýdany ákiminiń orynbasary bolyp eńbek etti. 2019-2021 jyldary Ulan aýdany ákiminiń orynbasary qyzmetin atqarǵan. 2021-2022 jyldary Semeı qalasy ákiminiń orynbasary boldy.
Qazirgi qyzmetin 2022 jyldyń tamyz aıynan bastap atqaryp keledi.
46 jyl buryn (1979) «Atameken» Qazaqstan Respýblıkasynyń Ulttyq kásipkerler palatasy Basqarma tóraǵasynyń orynbasary, Basqarma múshesi Erbol Lesbekuly ÓSTEMІROV dúnıege keldi.

Shymkent qalasynda týǵan. Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha, M.Saparbaev atyndaǵy Ońtústik Qazaqstan gýmanıtarlyq ýnıversıtetin «Qarjy» mamandyǵy boıynsha bitirgen.
Eńbek joly: 2000-2002 jyldary Qaraǵandy oblysy Shet aýdany prokýrorynyń kómekshisi, 2002-2004 jyldary Qaraǵandy oblysy prokýratýrasynyń memlekettik organdar qyzmetindegi zańdylyqty qadaǵalaý basqarmasynyń prokýrory, 2004-2007 jyldary Qaraǵandy oblysy Aqtoǵaı aýdany prokýrorynyń orynbasary, 2007 jyly Sátbaev qalasy prokýrorynyń orynbasary, 2008-2010 jyldary Shymkent qalasy Eńbekshi aýdany prokýrorynyń kómekshisi, 2010-2013 jyldary Ońtústik Qazaqstan oblysy prokýratýrasy 1-basqarmasynyń bólim prokýrory, prokýror, aǵa prokýrory bolyp qyzmet atqarǵan. 2013 jyly «As To ı K» JShS dırektorynyń quqyqtyq máseleler jónindegi orynbasary, 2013-2014 jyldary «Atameken» QR UKP Qoǵamdyq monıtorıng departamentiniń 2-sanattaǵy sarapshysy, 2014-2015 jyldary Atameken» Qoǵamdyq monıtorıng jáne ákimshilik kedergilermen jumys departamenti dırektorynyń orynbasary, 2015-2017 jyldary «Atameken» UKP Qoǵamdyq monıtorıng jáne ákimshilik kedergilermen jumys departamentiniń dırektory, 2017-2020 jyldary «Atameken» UKP Qoǵamdyq monıtorıng jáne ákimshilik kedergilermen jumys departamentiniń dırektory-Basqarýshy dırektory, 2020 jyly «Atameken» QR UKP basqarma tóraǵasynyń orynbasary, 2020-2021 jyldary «Atameken» QR UKP basqarma tóraǵasynyń keńesshisi laýazymyn atqardy.
Qazirgi qyzmetin 2021 jyldyń qazan aıynan beri atqaryp keledi.
«Atameken» QR UKP-nyń «Іsine adaldyǵy úshin» ІІІ dárejeli medalimen, «QR Konstıtýtsııasyna 20 jyl» mereıtoılyq medalimen, «Atameken» QR UKP Qurmet gramotasymen, QR Bas prokýrory atynan «Prokýratýra úzdigi» medalimen marapattalǵan.
45 jyl buryn (1980) Atyraý oblysy Inder aýdanynyń ákimi Serik Baǵytjanuly NSANBAEV dúnıege keldi.

Atyraý oblysynda týǵan. H.Dosmuhamedov atyndaǵy Atyraý memlekettik ýnıversıtetin «quqyqtaný» mamandyǵy boıynsha bitirgen.
Eńbek joly: 2003-2008 jyldary Atyraý qalasy ákiminiń apparaty memlekettik-quqyqtyq jáne áskerı jumyldyrý jumys bóliminiń bas mamany, 2008-2017 jyldary Atyraý qalalyq ákimi apparaty memlekettik-quqyqtyq jumys bóliminiń basshysy, 2017-2022 jyldary Atyraý qalasy ákimi apparatynyń basshysy laýazymyn atqardy. 2022-2024 jyldary Atyraý qalasy ákiminiń kommýnaldyq máseleler jónindegi orynbasary laýazymynda boldy.
Qazirgi qyzmetin 2024 jyldyń jeltoqsanynan beri atqaryp jatyr.
39 jyl buryn (1986) Táýelsiz dırektorlar qaýymdastyǵynyń (QID) ı Institute of Directors (IoD) Chartered Director-y Elnar Rýslanuly ADAIBEKOV dúnıege keldi.

Almaty qalasynda dúnıege kelgen. KIMEP ýnıversıtetinde oqyǵan, King’s College London Kompıýterlik tehnologııalar mamandyǵy boıynsha bitirdi.
Eńbek joly: 2008-2009 jyldary «Nurbank» AQ ınvestıtsııalyq bankıng basqarmasynyń jobalyq menedjeri bolyp qyzmet atqarǵan. 2009-2010 jyldary «Nur-Trans» AQ táýekelder bóliminiń bastyǵy, 2010 jyly The Rompetrol Group táýekel-menedjeri, 2012-2015 jyldary Rompetrol Gas SRL Bas dırektorynyń orynbasary boldy. 2015 jyly «Transtelekom» AQ Dırektorlar keńesiniń sheshimine sáıkes «Transtelekom» AQ korporatıvtik basqarý jáne quqyqtyq máseleler jónindegi vıtse-prezıdenti bolyp saılandy. 2017 jylǵy 20 qańtardan bastap Qoǵamnyń Dırektorlar keńesiniń sheshimine sáıkes Damý jáne quqyqtyq máseleler jónindegi vıtse-prezıdent – Qoǵam Basqarmasynyń múshesi bolyp saılandy. 2019 jyldyń 1 shildesinen bastap Qoǵamnyń Dırektorlar keńesiniń sheshimine sáıkes ol Basqarma Tóraǵasynyń uıymdyq damý jónindegi orynbasary – Qoǵam Basqarmasynyń múshesi bolyp saılandy. 2020-2023 jyldary «Transtelekom» AQ Basqarma tóraǵasy boldy.
87 jyl buryn (1938-2020) Qazaqstan Respýblıkasynyń memleket jáne qoǵam qaıratkeri, QR Ulttyq ǵylym akademııasynyń akademıgi, Nıý-Iork Ǵylym akademııasynyń múshesi, Pákistan ǴA múshesi Kenjeǵalı Ábenuly SAǴADIEV dúnıege kelgen.

Qostanaı oblysynyń Jangeldın aýdanynda týǵan. 1960 jyly Qazaq memlekettik ýnıversıtetin bitirgen.
Eńbek joly: 1960-1963 jyldary Qazaq memlekettik ýnıversıtetinde assıstent, aǵa oqytýshy, 1963-1966 jyldary Máskeý halyq sharýashylyǵy ınstıtýtynyń aspıranty, 1966 jyldan Almaty halyq sharýashylyǵy ınstıtýtynda ǵylymı-pedagogıkalyq jáne basshylyq qyzmetter atqardy. 1982-1990 jyldary Tselınograd aýyl sharýashylyǵy ınstıtýtynyń rektory, 1990-1994 jyldary Qazaq memlekettik ekonomıkalyq ýnıversıtetiniń (1993 jyldan Qazaq memlekettik basqarý akademııasy) rektory, 1994-1996 jyldary QR UǴA prezıdenti, 1996-2004 jyldary Qazaq memlekettik agrarlyq ýnıversıtetiniń, Halyqaralyq bıznes ýnıversıtetiniń rektory boldy. 2004-2007 jyldary QR Parlamenti Májilisiniń depýtaty, 2007-2011 jyldary «Nur Otan» HDP tizimi boıynsha QR Parlamenti Májilisi 4-shi shaqyrylym depýtaty, Ekologııa máseleleri jáne tabıǵat paıdalaný komıtetiniń múshesi, 2010 jyldan «Atameken» Qazaqstan ulttyq kásipkerler palatasy prezıdıýmynyń múshesi.
QR UǴA akademıgi, Nıý-Iork Ǵylym akademııasynyń múshesi, QR JM ǴA jáne JM HǴA akademıgi, Pákistan ǴA múshesi (2002). Qazaqstannyń eńbek sińirgen ǵylym jáne tehnıka qaıratkeri (2003). «Eńbek Qyzyl Tý» (1971), «Halyqtar Dostastyǵy» (1987), «Parasat» (2005), II dárejeli «Barys», «Qurmet belgisi» ordenderimen, birneshe medalmen marapattalǵan. Kembrıdj ómirbaıan ortalyǵynyń «Jyl adamy-1992» ataǵyn alǵan.