17 jeltoqsan. Tulǵalar týǵan kún
Búgin, 17 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
70 jyl buryn (1953) «Azyq-túlik kelisimshart korporatsııasy» UK» Qoǵamdyq keńesiniń tóraǵasy Qadyrhan Mahmutuly OTAROV dúnıege keldi.
Aqtóbe oblysy Shalqar aýdanynyń Bershegir kentinde týǵan. Batys Qazaqstan aýyl sharýashylyǵy ınstıtýtyn bitirgen. Aýylsharýashylyǵy ǵylymynyń kandıdaty.
Eńbek jolyn 1975 jyly Aqtóbe oblysy «Hlebodarovskıı» keńsharynyń zootehnık-selektsıoneri bolyp bastady. Bas zootehnık laýazymynan bastap oblystyq aýyl sharýashylyǵy basqarmasynyń bastyǵy laýazymyna deıingi eńbek jolyn ótti. 1994 jylǵy mamyrda QR Aýyl sharýashylyǵy vıtse-mınıstri bolyp taǵaıyndaldy. 1999 jylǵy qarashadan bastap Aqmola oblysy ákiminiń orynbasary, birinshi orynbasary qyzmetterin atqardy. Keıin QR jer resýrstaryn basqarý agenttiginiń tóraǵasy, QR Óńirlik damý mınıstrligi jer resýrstaryn basqarý komıtetiniń tóraǵasy qyzmetterin atqardy. 2014 jylǵy maýsym aıynan bastap Aqmola oblysy ákiminiń orynbasary bolyp qyzmet atqarady. 2014-2019 jyldary – Aqmola oblysy ákiminiń birinshi orynbasary qyzmetinde boldy. 2019-2020 jyldary QR Agroónerkásip keshenin damytý máseleleri jónindegi Qoǵamdyq keńes tóraǵasy qyzmetinde. «Qansonar» ańshylar jáne ań sharýashylyǵy sýbektileri qoǵamdyq birlestikteri respýblıkalyq qaýymdastyǵynyń bas dırektory.
«Qurmet» (2001), «Parasat» (2006), ІІІ dárejeli «Barys» (2011) ordendermen, medaldarmen marapattalǵan.
69 jyl buryn (1954) pedagogıka ǵylymynyń doktory, Joǵary mektep ǵylymdary Halyqaralyq Akademııasynyń akademıgi, Qazaq sport jáne týrızm akademııasynyń prezıdenti Qaırat Haırollauly ZAKIRЬıANOV dúnıege keldi.
Shyǵys Qazaqstan oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen. 1993-1995 jyldary – Shyǵys Qazaqstan memlekettik ýnıversıtetiniń rektory, oblys ákiminiń orynbasary. 1995-1998 jyldary – QR Prezıdenti Ákimshiligi ishki saıasat bóliminiń sektor meńgerýshisi bolǵan. Qazirgi qyzmetinde 1998 jyldan. AQSh-taǵy Illınoıs ýnıversıtetiniń qurmetti professory. Qazaqstan ýnıversıtetteri Ulttyq sport odaǵynyń prezıdenti, Eýropa men Azııadaǵy sport joǵarǵy oqý oryndary qaýymdastyǵynyń birinshi vıtse-prezıdenti.
57 jyl buryn (1966) VIII saılanǵan Qazaqstan Respýblıkasy Parlamenti Májilisiniń Qarjy jáne bıýdjet komıtetiniń múshesi Dáýlet Erlanuly STAMBEKOV dúnıege keldi.
Almaty qalasynda dúnıege keldi. Almaty sáýlet-qurylys ınstıtýtyn «ınjener-ekonomıst» mamandyǵy boıynsha bitirdi (1991).
Eńbek joly: 1991-1992 jyldary Almaty qor bırjasynyń brokeri, 1992-1997 jyldary "Anar" halyqaralyq saýda úıi AQ dırektory (1992-1997); 1997-2000 jyldary "ALA Data Systems ltd" JShS Bas dırektory; 2000-2001 jyldary RMK qyzmetkeri munaı-gaz ónerkásibiniń bas dıspetcherlik basqarmasy (2000-2001); 2001 jyly Energetıka jáne mıneraldyq resýrstar Mınıstrligi Bas dırektorynyń birinshi orynbasary; 2001-2003 jyldary "ALA Data Systems ltd" JShS Bas dırektory (2001-2003); 2003-2004 jyldary "Qaztransoıl" JAQ Korporatıvtik damý departamentiniń dırektory (2003-2004); 2004 jyly "ALA Data Systems ltd" JShS Bas dırektory; "Alacard Petroltech"JShS prezıdenti; 2013-2014 jyldary Almaty óńirlik kásipkerler palatasynyń dırektory; 2015-2018 jyldary Almaty Kásipkerler palatasy Óńirlik keńesiniń tóraǵasy qyzmetterin atqardy.
Qazirgi qyzmetin 2023 jylǵy naýryzdan beri atqaryp keledi.
48 jyl buryn (1975) Qazaqstan Respýblıkasynyń Taıland Koroldigindegi Tótenshe jáne Ókiletti Elshisi Arman Asqaruly ISETOV dúnıege keldi.
Qostanaı oblysynda týǵan. Ál-Farabı atyndaǵy Qazaq memlekettik ýnıversıtetin bitirgen.
Eńbek qyzmeti: 1998-2004 jyldary QR SІM Sharttyq-quqyqtyq basqarma referenti, Halyqaralyq-quqyqtyq departamenti dırektorynyń orynbasary; 2004-2012 jyldary Nıý-Iorktegi BUU janyndaǵy QR Turaqty ókildiginiń qyzmetkeri; 2012-2018 jyldary QR SІM Halyqaralyq-quqyqtyq departamentiniń dırektory; 2018-2022 jyldary Nıý-Iorktegi BUU janyndaǵy QR Turaqty ókiliniń birinshi orynbasary bolyp qyzmet atqardy.
Qazirgi qyzmetinde 2022 jylǵy sáýirden bastap.
44 jyl buryn (1979) Qazaqstan Respýblıkasy Qaýipsizdik Keńesi hatshysynyń orynbasary Nurjan Qajymuratuly QAJYAQBAROV dúnıege keldi.
Almaty qalasynda týǵan. 2000 jyly Qazaq memlekettik basqarý akademııasyn, 2020 jyly RF SІM Dıplomatııalyq akademııasynyń magıstratýrasyn bitirgen.
1999-2000 jyldary – respýblıkalyq arnaıy fızıka-matematıkalyq mektep-ınternattyń olımpıadalyq rezervti daıarlaý boıynsha matematıka muǵalimi. 2000-2002 jyldary – QR Syrtqy ister mınıstrligi Ekonomıkalyq saıasat departamentiniń referenti, attashesi. 2002 jyly – Qazaqstan SІM-niń Investıtsııa jónindegi komıtetiniń úshinshi hatshysy. 2002-2004 jyldary – Qazaqstan SІM-niń TMD isteri jónindegi komıtetiniń úshinshi hatshysy, ekinshi hatshysy. 2004-2006 jyldary – QR Premer-Mınıstriniń Keńsesi Syrtqy baılanystar bóliminiń sarapshysy qyzmetterin atqardy. 2006-2016 jyldary QR Prezıdentiniń Ákimshiligi Syrtqy saıasat ortalyǵynyń bas sarapshysy, konsýltanty, sektor meńgerýshisi, osy ortalyq meńgerýshisiniń orynbasary. 2016-2017 jyldary Qazaqstan SІM-niń TMD departamentiniń dırektory. 2017-2022 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshi-ýákili.
2022 jylǵy 28 sáýirde QR Qaýipsizdik Keńesi Hatshysynyń orynbasary bolyp taǵaıyndaldy.
42 jyl buryn (1981) «Ulttyq testileý ortalyǵy» respýblıkalyq memlekettik qazynashylyq kásiporyn dırektory Rýslan Toqtarbekuly EMELBAEV dúnıege keldi.
Shyǵys Qazaqstan oblysynda dúnıege kelgen. 2007 jyly E. Bóketov atyndaǵy Qaraǵandy memlekettik ýnıversıtetin «Tarıh» mamandyǵy boıynsha bitirgen. 2018 jyly Abaı atyndaǵy Qazaq ulttyq pedagogıkalyq ýnıversıtetin magıstratýrasyn «Tarıh» mamandyǵy boıynsha bitirgen. Pedagogıkalyq ǵylymdar magıstri.
Eńbek joly: 2007-2010 jyldary «Qazaqstan tarıhy» pániniń muǵalimi; 2010-2015 jyldary UBT-ǵa daıyndyq boıynsha Oqý ortalyǵynyń dırektory; 2015-2016 jyldary Test tapsyrmalaryn qalyptastyrýdy uıymdastyrý bóliminiń basshysy, «DOSTYK» ortalyǵy; 2016-2019 jyldary Qoǵammen baılanys jónindegi dırektor, «Education Consulting»; 2019-2021 jyldary Jobalardy basqarý jónindegi dırektor, «EduCon» JShS; 2021 jyly – QR Bilim jáne ǵylym mınıstrliginiń «Ulttyq testileý ortalyǵy» RMQK dırektorynyń mindetin atqarýshy.
Qazirgi qyzmetine 2021 jylǵy 22 qazannan bastap kiristi.
QR Bilim jáne ǵylym mınıstriniń Qurmet gramotasymen (2019) jáne basqa da alǵys hattarmen marapattalǵan.
129 jyl buryn (1894-1938) qazaq til bilimi kóshbasshylarynyń biri, ǵalym-pedagog, ádisker, ádebıetshi, synshy, tarıhshy, aýdarmashy, qoǵam qaıratkeri Teljan ShONANULY dúnıege keldi.
Aqtóbe oblysy Yrǵyz aýdanynda týǵan. Eki synyptyq Yrǵyz orys-qazaq ýchılışesin, Orynbor qyrǵyz (qazaq) muǵalimder ınstıtýtyn, Abaı atyndaǵy Qazaq ulttyq pedagogıkalyq ınstıtýtyn bitirgen.
1917 jyly Alashorda úkimetiniń A. Baıtursynov basshylyq etken Oqý komıssııasyna saılanǵan. Muǵalim, Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti), Abaı atyndaǵy Qazaq ulttyq pedagogıkalyq ýnıversıtetiniń oqytýshysy, dotsenti qyzmetterin atqarǵan. 30-dan astam oqýlyqtyń avtory. «Jańalyq», «Saýattan», «Kolhoz aýyly», «Oqý quraly» (A. Baıtursynovpen birge), «Til damytý», «Qazaq tiliniń oqý quraly», t.b. latyn árpi, tatar, uıǵyr, túrik tilderi jaıly zertteý eńbekteri bar. «Qazaq jer máselesiniń tarıhy» (1926) atty Tashkentte basylǵan kitabynda qazaq jerin otarlaýdyń 200 jyldyq tarıhy taldanǵan. 1994 jyly Aqtóbede qurylǵan T. Shonanuly atyndaǵy qaıyrymdylyq qory ǵalym murasyn izdestirýmen, zertteýmen aınalysady.
