17 jastaǵy qazaqstandyq tennısshi Túrkııadaǵy jarystyń fınalyna shyqty

ASTANA. QazAqparat - Qazaqstandyq, 17 jastaǵy Arýjan Saǵyndyqova Antalııada (Túrkııa) ótip jatqan ITF W25 týrnıriniń fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Arýjan qytaılyq ıÝ-ıÝn Lımen birge jartylaı fınalda qazaqstandyqtar Janel Rústemova - Sandýǵash Kenjebaevamen sheberlik baıqasty.

Arýjan men Lı aıqyn basymdyq tanytty - 6:1, 6:3.

Erteń qazaqstandyq-qytaılyq reseılikter, apaly-sińlili Zolotarevalarmen bas júldeni sarapqa salady.

Arýjan jekeleı synda shırek fınalǵa deıin jetip, tartysty matchta serbııalyq Natalııa Senıchke jol berdi - 6:3, 1:6, 5:7.

Eske sala keteıik, budan buryn qazaqstandyq tennısshilerdiń Túrkııadaǵy týrnırdiń jartylaı fınalyna shyqqanyn jazǵan bolatynbyz.