17 tamyz. QazAqparat kúntizbesi
ESTE QALAR OQIǴALAR
1947 jyly Shyǵys Qazaqstannyń ákimshilik, ónerkásip jáne mádenıet ortalyǵy Óskemen qalasynda Qazaqstannyń bas jobalyq ınstıtýty «Kazgıprotsvetmet» quryldy.
2000 jyly Almatydaǵy Ortalyq kontsert zalyna kompozıtor, Qazaqstannyń halyq ártisi Shámshi Qaldaıaqovtyń (1930-1992) esimi berildi.
2006 jyly Qazaqstan Respýblıkasynyń aýmaǵynda «Dúnıejúzindegi dinder», «Dinı ǵımarattar» atty eki poshta markasy aınalymǵa engizildi.
2009 jyly Aqmola oblysyna qarasty Zerendi aýdanyndaǵy Qazaqstan aýyly janyndaǵy «Han súıegi» tóbesinde Ýálı han (1741-1820) kesenesi boı kóterdi.
2010 jyly Almatyda Sháken Aımanov atyndaǵy «Qazaqfılm» AQ ónimi «Júk 001» shytyrman oqıǵaly fılminiń túsirilimi bastaldy. 8 serııaly fılmniń rejısseri – Igor Vovnıanko, prodıýseri – Qanat Tórebaı. Fılmge Ivar Kalnynsh, Doshan Joljaqsynov, Nurjaman Yhtymbaev, Tuńǵyshbaı Jamanqulov, Lında Nıgmatýllına sekildi tanymal akterlar shaqyryldy.
2011 jyly TMD Atqarýshy komıteti men EýrAzEQ jáne astanalar men iri qalalar halyqaralyq assambleıasy uıymdastyrǵan baıqaýdyń nátıjesi boıynsha TMD men EýrAzEQ úzdik qalasy bolyp Shymkent tanyldy. Assambleıaǵa TMD-nyń 9 eliniń 58 qalasy kiredi, onyń ishinde qazaqstandyq eki qala - Astana men Shymkent bar. Shymkent qala turǵyndaryn aýlalar, kireberister, dálizder men kópqabatty úılerdiń ishki alańqaılaryn abattandyrý, qoqystardy jınaý jáne jylytý maýsymyna daıyndyǵyna tartýdy uıymdastyrýǵa baılanysty osyndaı marapatty aldy.
2012 jyly Sıngapýrde Qazaqstan Respýblıkasynyń elshisi Erlan Baýdarbek-Qojataev men Tývalý syrtqy ister mınıstri Apısaı Lelemııa ózara túsinistik memorandýmyna qol qoıdy. Qujat eki eldiń halyqaralyq uıymdar aıasyndaǵy tyǵyz yntymaqtastyǵyna negiz qalady.
2013 jyly Dúnıejúzilik densaýlyq saqtaý uıymy (DDSU) Eýropalyq óńirlik bıýrosynyń hatymenQRDensaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń «Masǵut Aıqymbaev atyndaǵy Qazaq karantındik jáne zoonozdy juqpalar ǵylymı ortalyǵy» RMKK DDSU-nyń oba aýrýy boıynsha yntymaqtasýshy ortalyǵy bolyp taǵaıyndaldy.
2018 jyly qazaqstandyq jas geologtar komandasy Taılandta ótken IESO- 2018, Halyqaralyq Jer týraly ǵylymı olımpıadaǵa qatysty. Oǵan álemniń 40-tan astam elinen jas geologtar baq synady. Qazaqstan qorjynyna 2 altyn medaldi Kamıla Qajen, kúmisti Aqnazar Qajymurat, 2 qola júldeni Ómirzaq Asylbek pen taǵy bir qolany Islam Aıtýǵanov saldy.
2018 jyly 18 jastaǵy kókshetaýlyq veloshabandoz Andreı Chýgaı Qazaqstan velosportynyń tarıhynda alǵash ret keırın jarysynda jasóspirimder arasyndaǵy trekte velosporttan Álem chempıonatynyń medalin jeńip aldy.
2019 jyly Qazaqstan quramasynyń shabýylshysy Bulbul Qartanbaeva el tarıhyndaǵy alǵash ret Áıelder ulttyq hokkeı lıgasynda (NWHL) óner kórsetetin boldy. Bulbul elimizde «Barys» júıesindegi «Tomırıs» jáne almatylyq «Aısulý» sapynda oınady. Ol Qazaqstan quramasynda 2011 jyldan beri óner kórsetip keledi. 5 ret álem chempıonatyna qatysty.
2020 jyly Ulttyq bank nomınaldary 10, 20, 50, 100, 200 jáne 500 teńgelik altynnan jáne nomınaldary 1, 2, 5 jáne 10 teńgelik kúmisten «Altyn barys» jáne «Kúmis barys» ınvestıtsııalyq monetalaryn aınalymǵa shyǵardy.
2021 jyly Qazaqstan astanasy C40 Women4Climate tálimgerlik baǵdarlamasyna qatysatyn álemdegi 17-i, al TMD men Ortalyq Azııadaǵy alǵashqy qala boldy.
«Nur-Sultan qalasynyń Women4Climate tálimgerlik baǵdarlamasyna qatysyp jatqanyna qýanyshtymyz. Ortalyq Azııanyń eń jyldam damyp kele jatqan qalalarynyń biri – Nur-Sultan ekonomıkalyq ósýdi ınklıýzıvti klımattyq árekettermen nyǵaıtý múmkindigine ıe. Mundaı úlken qalanyń názik jandylardy klımat salasyndaǵy josparǵa engizip, múmkindik beretini qýantady» dedi C40 Cities jahandyq kóshbasshylyǵynyń jetekshisi Djeın Lýmýmba.
2021 jyly bokstan Tokıo-2020 Olımpıadasynyń júldegerlerin Boks federatsııasy bergen aqshalaı syıaqylaryn qaıyrymdylyqqa jumsady.
2021 jyly Qasym-Jomart Toqaev Seýlde Abaı Qunanbaıulyna qoıylǵan bıýsttiń ashylý rásimine qatysty. Memleket basshysy Seýldaǵy Kıber ýnıversıtettiń aýmaǵynda ashylǵan uly Abaı bıýstiniń ashylýyna zor mán berip, onyń Qazaqstan men Koreıa Respýblıkasynyń dostyǵyn nyǵaıta túsetinin atap ótti.
2022 jyly «Ganýn» baspasynda jazýshy, qazaq ádebıetindegi detektıv janrynyń negizin qalaýshy Kemel Toqaevtyń «Nochnoı vystrel» atty povester jınaǵy jaryq kórdi.
