17 naýryz. Tulǵalar týǵan kún
Búgin, 17 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
55 jyl buryn (1970) Aqmola oblysy Egindikól aýdany ákiminiń orynbasary Erik Qýantaıuly JIENBEKOV dúnıege keldi.
Qaraǵandy oblysy Jańaarqa aýdany Karl Marks atyndaǵy aýylda týǵan. E.Bóketov atyndaǵy Qaraǵandy memlekettik ýnıversıtetin «Ekonomıst» jáne «Quqyqtaný» mamandyqtary boıynsha bitirgen.
Eńbek jolyn 1992 jyly Jezqazǵan oblysy boıynsha Memlekettik salyq ınspektory qyzmetinen bastady. 1998 jylǵa deıin Jezqazǵan oblysynyń salyq júıesinde túrli laýazymdarda jumys istedi. 1998 jyldan bastap Qaraǵandy oblysy Jezqazǵan qalasy boıynsha Salyq komıtetiniń tóraǵasy qyzmetin atqardy.
Ár jyldary Qaraǵandy jáne Mańǵystaý oblystary boıynsha Salyq komıtetinde (departamentinde) basshylyq qyzmetter atqardy.
2009-2010 jyldary Qaraǵandy oblysy Saran qalasynyń ákimi qyzmetin atqardy. 2015-2017 jyldary QR Ulttyq ekonomıka mınıstrligi tutynýshylardyń quqyqtaryn qorǵaý Komıtetiniń «Ulttyq saraptama ortalyǵy» ShJQ RMK ishki aýdıt qyzmetiniń basshysy qyzmetin atqardy. 2023-2024 jyldary Tselınograd aýdany ákiminiń orynbasary boldy.
54 jyl (1971) Qazaqstan Respýblıkasy Qarýly kúshteri joǵary qolbasshylyǵynyń ókili, general-maıor Nurlan Musaqanuly QAShAǴANOV dúnıege kelgen.
Jambyl oblysynyń Mıhaılovka aýylynda dúnıege keldi 1993 jyly Almaty qalasynyń Joǵary jalpy áskerı komandalyq ýchılışeni támamdady.
2001 jyly QR QK Áskerı akademııasyn bitirdi. 2011 jyly Belarýs Respýblıkasy Áskerı akademııasynyń Bas shtab fakýltetin támamdady.
Ofıtserlik qyzmetin Respýblıkalyq ulanda vzvod komandıri retinde bastady.1993-1999 jyldary Respýblıkalyq ulanda túrli ofıtserlik laýazymdarda qyzmet etti.
1999-2001 jyldary QR Qarýly Kúshteriniń Áskerı akademııasynyń tyńdaýshysy, 2001-2003 jyldary QR Respýblıkalyq ulan polk komandıriniń orynbasary, 2003-2004 jyldary QR QM ShBK Jedel josparlaý departamentiniń aǵa ofıtseri, 2004-2005 jyldary motoatqysh dıvızııasy motoatqysh polkynyń komandıri — shtab bastyǵy, 2005 jyly motoatqysh dıvızııasy motoatqysh polkynyń komandıri, 2005-2009 jyldary mehanıkalandyrylǵan brıgada komandıri, 2009-2011 jyldary Belarýs Respýblıkasy Áskerı akademııasy BSh fakýltetiniń tyńdaýshysy, 2011-2013 jyldary motoatqysh brıgadasynyń komandıri, 2013 jyly Aeroutqyr áskerleri qolbasshysynyń birinshi orynbasary — Aeroutqyr áskerleri shtabynyń bastyǵy, 2013-2016 jyldary «Astana» óńirlik qolbasshylyǵy qolbasshysynyń birinshi orynbasary — óńirlik qolbasshylyq áskerler qolbasshysy basqarmasy shtabynyń bastyǵy bolyp qyzmet atqarǵan. 2016-2019 jyldary «Shyǵys» óńirlik qolbasshylyǵy áskerleriniń qolbasshysy, 2019-2021 jyldary Qarýly kúshter bas shtabynyń jaýyngerlik ázirlik departamentiniń bastyǵy qyzmetinde bolǵan.
III deńgeıli «Aıbyn» ordenimen, mereıtoılyq medaldarmen jáne eńbek sińirgen jyldary úshin medaldarymen marapattaldy.
49 jyl buryn (1976) mamandandyrylǵan aýdanaralyq ekonomıkalyq sotynyń sýdıasy Berik Seıitjanuly KÁRІM dúnıege keldi.
Shymkent qalasynda týǵan. Qaraǵandydaǵy ІІM-niń joǵarǵy mektebin bitirgen.
Eńbek jolyn 1997 jyldan quqyq qorǵaý organdarynda tergeý salasynda bastaǵan. Sot júıesindegi qyzmetin 2007 jyly Shymkent qalasy Eńbekshi aýdandyq sotynyń sýdıasy bolyp bastaǵan. 2013-2018 jyldary Tólebı aýdandyq sotynyń tóraǵasy, 2018-2024 jyldary Shymkent garnızony áskerı sotynyń tóraǵasy boldy.
Qazirgi qyzmetin 2024 jyldyń sáýir aıynan beeri atqaryp keledi.
35 jyl buryn (1990) qazaqstandyq dırıjer, dombyrashy, kúıshi, «Daryn» memlekettik jastar syılyǵynyń laýreaty, Qurmanǵazy atyndaǵy Qazaq memlekettik akademııalyq halyq aspaptar orkestriniń bas dırıjeri Abylaı Janbolatuly TІLEPBERGENOV dúnıege keldi.
Mańǵystaý oblysynyń Aqtaý qalasynda týǵan. 2010 jyly Mańǵystaý óner kolledjiniń halyq aspaptar bólimin, 2014 jyly Qurmanǵazy atyndaǵy Qazaq ulttyq konservatorııasyn, 2016 jyly sol oqý ornynda magıstratýrany bitirdi.
Dombyra nomınatsııasy boıynsha respýblıkalyq jáne halyqaralyq baıqaýlardyń birneshe dúrkin jeńimpazy, konservatorııanyń mádenı is-sharalarynyń belsendi qatysýshysy, kontserttik toppen Qazaqstandy jáne alys shetelderge: Germanııa, Frantsııa, Chehoslovakııa, Iordanııa, Birikken Arab Ámirlikteri jáne TMD elderine saıahattaǵan. Abylaı Tilepbergenniń repertýarynda halyq jáne qazirgi zaman kompozıtorlary Qurmanǵazy, Dına, Dáýletkereı, Súgir, Táttimbet, Tilendıev, Ahmedııarov jáne basqa da kóptegen orys jáne shetel klassıkteriniń shyǵarmalary bar.
Qazirgi qyzmetin 2018 jyldyń qazan aıynan beri atqaryp keledi.
103 jyl buryn (1921-2011) qazaqtan shyqqan tuńǵysh kásibı kınorejısser áıel, Qazaq KSR-iniń eńbek sińirgen óner qaıratkeri Darıǵa Baıjumanqyzy TІNÁLINA dúnıege kelgen.
Aqmola oblysy Vıshnevka aýdanynda (qazirgi Arshaly aýdany) týǵan. Almaty teatr ýchılışesin, Búkilodaqtyq memleketik kınematografıster ınstıtýtynyń rejısserlik fakýltetin bitirgen.
Eńbek jolyn akterlikten bastaǵan ol «Aq roza», «Abaı ánderi», «Jambyl», «Romantıkter», «Úkimet múshesi», «Alyp týraly án» kórkem fılmderindegi epızodtarda oınady. 1953 jyldan bastap rejısser retinde jumys istep, «Qazaqstan keńistiginde» atty ǵylymı-tanymdyq fılmdi túsirdi.
1954-1958 jyldary «Mosfılm» stýdııasynyń rejısseri bolyp, «Saltanat», «Ilıa Mýromets», «Erekshe tapsyrma», «Alystaǵy taýda» atty kórkem fılmderdiń túsirilýine qatysty.
1964 jyldan «Qazaqfılm» stýdııasynyń rejısseri retinde «Qorytpa», «Ázil-shyny aralas», «Ǵasyrlar pernesi», t. b. kórkem jáne hronıkalyq-derekti fılmderdiń qoıylýyna uıytqy boldy.
2009 jyly «Ekran sheberi» ataǵyna ıe boldy. «Cherno-beloe kıno» atty monografııalyq kitaptyń avtory.
87 jyl buryn (1938-2011) fılologııa ǵylymynyń doktory, professor, Qazaqstan Respýblıkasy bilim berý isiniń úzdigi Myrzataı SERǴALIULY SERǴALIEV dúnıege kelgen.
Soltústik Qazaqstan oblysynyń Shal aqyn aýdanynda týǵan. Qazaq memlekettik ýnıversıtetiniń fılologııa fakýltetin bitirgen.
1987-1992 jyldary Qazaq KSR Ǵylym akademııasy Til bilimi ınstıtýtynyń kishi ǵylymı qyzmetkeri, Qazaq memlekettik ýnıversıteti fılologııa kafedrasynyń aǵa oqytýshysy, meńgerýshisi, fılologııa fakýltetiniń dekany bolǵan.
Merzimdi jáne ádebı baspasóz betterinde, sondaı-aq «Ýaqyt jáne qalamger», «Sózstan», «Sóz óneri», «Jazýshy jáne sóz mádenıeti», «M.Áýezovtiń qazaq tilin damytýdaǵy róli», «Muhtar murasy», «S.Muqanovtyń ádebı-mádenı murasy jáne qazirgi zaman. II tom», t. b. ujymdyq jınaqtarda qazirgi ádebı protseske, kórkem ádebı tilge qatysty maqalalary men baıandamalary jaryq kórgen.
Kórkem aýdarma salasynda ıA.Kamaldyń, K.Vırhtyń, M.Zárábtyń, K.Dýgaldyń, B.Balajdyń, Á.Qadyrovtyń, V.Kojevnıkovtyń, V.Latsıstyń áńgimelerin qazaq tiline aýdarǵan.