17 qyrkúıek. Tulǵalar týǵan kún
ESІMDER
Atyraý oblysynda týǵan. Almaty zań ınstıtýtyn bitirgen.
Eńbek jolyn Qazaq KSR Memlekettik qaýipsizdik komıtetinde tergeýshi bolyp bastaǵan. 1964-1973 jyldary - Qazaqstan Ǵylym akademııasy Fılosofııa jáne quqyq ınstıtýtynyń kishi, aǵa ǵylymı qyzmetkeri. 1973-1987 jyldary - SSSR Іshki ister mınıstrligi Qaraǵandy, Omby joǵary mılıtsııa mektepteriniń zerthana, kafedra bastyǵy. 1987-1995 jyldary - Qazaq memlekettik ýnıversıteti krımınalıstıka kafedrasynyń, qylmystyq quqyq kafedrasynyń meńgerýshisi, zań fakýltetiniń dekany. Qazirgi qyzmetinde 1995 jyldan bastap isteıdi. Negizgi ǵylymı eńbekteri krımınalıstıkaǵa arnalǵan. 150-den astam ǵylymı eńbegi jáne oqýlyqtary bar.
83 jyl buryn (1939) ulttyq qaýipsizdik organdarynyń ardageri, otstavkadaǵy general-polkovnık Sát Besimbaıuly TOQPAQBAEV dúnıege keldi.
Almaty oblysy Іle aýdanynyń QazTsIK aýylynda týǵan. 1963 jyly S.M. Kırov atyndaǵy Qazaq memlekettik ýnıversıtetiniń zań fakýltetin zańger mamandyǵy boıynsha, SSSR MQK №302 Mınsk mektebin, 1971 jyly SSSR Joǵary dıplomatııalyq mektebin támamdaǵan. General-polkovnık.
1991 jylǵa deıin KOKP múshesi. 1956 jyldan - Almaty oblysy Іle aýdanynyń «Komsomol» ujymsharynda jumysshy. 1957 jyldan - Almaty oblysyndaǵy Boraldaı kirpish zaýytynyń vagonshy-jumyskeri. 1958 jyldan - S.M. Kırov atyndaǵy Qazaq memlekettik ýnıversıtetiniń stýdenti. 1963 jyldyń shilde aıynan -Almaty oblystyq prokýratýrasynyń tergeýshisi. 1963 jyldyń qyrkúıek aıynan - SSSR MQK №302 Mınsk mektebiniń kýrsanty; SSSR MQK kadrlyq ofıtseri, jedel ókilden QazKSR MQK Basqarmasynyń bastyǵy laýazymyna deıingi qyzmet jolyn ótken. 1991 jyldyń qarasha aıynan - Almaty qalasy jáne Almaty oblysy boıynsha QR MQK Basqarmasynyń bastyǵy. 1993 jyldyń maýsym aıynan - QR UQK tóraǵasynyń birinshi orynbasary. 1993 jyldyń jeltoqsan aıynan - QR UQK tóraǵasy. 1995 jyldyń qarasha aıynan - QR Prezıdenti Kúzet qyzmetiniń bastyǵy - QR Respýblıkalyq gvardııasynyń qolbasshysy mindetin atqarýshy. 1997 jyldyń naýryz aıynan - QR Respýblıkalyq gvardııasynyń qolbasshysy. 1999 jyldyń qazan aıynan QR qorǵanys mınıstri. 2001 jyldyń jeltoqsan aıynan QR Prezıdentiniń keńesshisi - Sybaılas jemqorlyqqa qarsy kúres jáne QR memlekettik qyzmetkerleriniń qyzmetti jónindegi komıssııanyń tóraǵasy - QR Prezıdeti janyndaǵy Azamattyq máseleleri jónindegi komıssııanyn tóraǵasy. QR Qaýipsizdik keńesiniń múshesi (2002 jylǵa deıin). 2007-2011 jyldary - QR Parlamenti Májilisi 4-shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi boldy.
«Dańq» (1997), «Barys» (2008) ordenderimen; 14 medalmen marapattalǵan. «Jyldyń áskerı adamy» nomınatsııasy boıynsha Jyl adamy (Altyn Adam) (2000, 2001). Otstavkadaǵy general-polkovnık І dárejeli «Barys» ordenimen (2019 jyl) marapattaldy.
78 jyl buryn (1944) memleket jáne qoǵam qaıratkeri, Qazaqstan Respýblıkasy Ulttyq bankiniń birinshi tóraǵasy, qazaqstandyq qarjyger, bankır, ekonomıst Ǵalym Baınazaruly BAINAZAROV dúnıege keldi.
Torǵaı oblysy Jangeldın aýdanynda týǵan. 1969 j. AHShI-dy bitirgen, ekonomıst.
Eńbek joly: 1969-76 jj. - Memlekettik banki Torǵaı bólimshesiniń nesıe ınspektory, basqarýshysy. 1976-85 jj. - Memlekettik banki Arqalyq qalalyq basqarmasynyń bastyǵy. 1985-87 jj. - SSSR Memlekettik bankiniń Qazaq respýblıkalyq keńsesiniń basqarma bastyǵynyń orynbasary, bastyǵy. 1987-92 jj. - Qazagroónerkásip banki tóraǵasynyń 1-shi orynbasary. 1992-93 jj. - QR Ulttyq bankiniń Basqarma tóraǵasy. 1994-95 jj. - QR Premer-mınıstriniń keńesshisi. 1995-96 jj. - QR Prezıdenti Ákimshiliginiń ekonomıkalyq saıasat bóliminiń keńesshisi. 1996-98 jj. - «Qazposhtabank» JAQ sheteldik ınvestıtsııalar departamentiniń dırektory. 1997-98 jj. - «ATREM» qarjy-ınvestıtsııalyq kompanııasynyń bas dırektory. 1998-2002 jj. - Qazaqstan saqtandyrýshylary odaǵynyń tóraǵasy. 1999-2002 jj. - «Halyqtyq jınaqtaýshy zeınetaqy qory» JAQ prezıdenti. 2000-02 jj. - QR Kólik quraldarynyń júrgizýshileri odaǵynyń Ortalyq keńesiá tóraǵasynyń keńesshisi. 2002-2004 jyldary QR Parlamenti Májilisiniń depýtaty, 2005-2007 jyldary QR Parlamenti Májilisi tóraǵasy hatshylyǵynyń meńgerýshisi boldy.
«Parasat» ordenimen, (2005); «Memlekettik bank úzdigi» belgisimen, gramotalarmen marapattalǵan.
54 jyl buryn (1968) Qazaqstan Respýblıkasy ulttyq ekonomıka birinshi vıtse-mınıstri Tımýr Mekeshuly JAQSYLYQOV dúnıege kelgen.
Shyǵys Qazaqstan oblysynda týǵan. 1993 jyly M.V. Lomonosov atyndaǵy MMÝ «Tarıh» mamandyǵy boıynsha bitirgen. 1997 jyly – Strasbýrg saıası zertteýler ınstıtýtynyń (Frantsııa) magıstratýrasyn Eýropalyq zertteýler salasynyń magıstri dárejesi berilip, bitirgen. 2003 jyly Qazaq ekonomıka jáne qarjy ınstıtýtyn «Ekonomıka» mamandyǵy boıynsha bitirgen.
Eńbek jolyn 1993 jyly Semeı bıznes jáne kásipkerlik ınstıtýtynyń atqarýshy dırektory laýazymynan bastaǵan; Qazaqstan Respýblıkasy Strategııalyq josparlaý jáne reformalar jónindegi agenttiginiń bas mamany, bólim basshysy (1997-1998); Qazaqstan Respýblıkasynyń Prezıdenti Ákimshiliginiń Taldaý jáne strategııalyq zertteýler sektorynyń meńgerýshisi (1998-1999); Qazaqstan Respýblıkasynyń Qaýipsizdik Keńesi Taldaý ortalyǵynyń sektor meńgerýshisi (1999-2002); Qazaqstan Respýblıkasynyń Prezıdenti Ákimshiliginiń Júıelik zertteýler ortalyǵy jetekshisiniń orynbasary (2002-2003); Qazaqstan Respýblıkasy Indýstrııa jáne saýda mınıstrliginiń DSU-ǵa kirý jónindegi departamentiniń dırektory laýazymyn atqarǵan, Jenevadaǵy Dúnıejúzilik saýda uıymy máseleleri jónindegi ókilder tobyn basqarǵan (2003-2005); «MTZO» AQ atqarýshy dırektory (2005-2006); Qazaqstan Respýblıkasy Ekonomıka jáne bıýdjettik josparlaý mınıstrliginiń «Ekonomıkalyq zertteýler ortalyǵy» RMK dırektorynyń mindetin atqarýshy (2006); «Elordany turaqty damytý ortalyǵy» MQK, JShS dırektory (2006-2007); Astana qalasy ákimdiginde Ekonomıka jáne bıýdjettik josparlaý departamentiniń dırektory, Astana qalasy ákiminiń orynbasary (2007-2009); Qazaqstan Respýblıkasynyń ındýstrııa jáne saýda vıtse-mınıstri (2009-2010); Qazaqstan Respýblıkasy Indýstrııa jáne jańa tehnologııalar mınıstrliginiń Investıtsııalar komıtetiniń tóraǵasy (2010); «Qazaqstannyń ınvestıtsııalyq qory» AQ Basqarma tóraǵasy (2010-2012); Qazaqstan Respýblıkasynyń ekonomıkalyq damý jáne saýda vıtse-mınıstri (2012-2014); Qazaqstan Respýblıkasynyń ulttyq ekonomıka vıtse-mınıstri (2014-2017) boldy. Eýrazııalyq ekonomıkalyq komıssııa alqasynyń Qazaqstan Respýblıkasy atynan múshesi (2017 jyldan bastap), EEK Ekonomıka jáne qarjy saıasaty mınıstri (2017-2018), Qazaqstan Respýblıkasy Prezıdentiniń kómekshisi (2018). Eýrazııalyq ekonomıkalyq komıssııanyń ekonomıka jáne qarjy saıasaty jónindegi mınıstri (2019-2021).
Qazirgi qyzmetinde 2021 jyldyń aqpan aıynan bastap.
54 jyl buryn (1968) Qazaqstan Respýblıkasynyń memlekettik qaıratkeri Asyljan Sarybaıuly MAMYTBEKOV dúnıege keldi.
Ońtústik Qazaqstan oblysynyń Shymkent qalasynda dúnıege kelgen. Ál-Farabı atyndaǵy Qazaq memlekettik ýnıversıtetin jáne Qazaq Memlekettik Basqarý akademııasyn támamdaǵan.
Eńbek joly:1998-1999 jyldary - Qostanaı oblysynyń jer resýrstaryn basqarý jónindegi komıteti tóraǵasynyń orynbasary. 1999 jyldary - Qostanaı oblystyq qarjy basqarmasy bastyǵynyń orynbasary. 1999-2000 jyldary - Qostanaı oblystyq Qarjy departamenti dırektorynyń orynbasary. 2000-2003 jyldary - Qazaqstan Respýblıkasy Qarjy mınıstrligi Qostanaı oblystyq Qazynashylyq basqarmasynyń bastyǵy. 2003-2004 jyldary - Qostanaı oblysy ákiminiń orynbasary. 2004-2006 jyldary - Astana qalasy ákiminiń orynbasary. 2006-2007 jyldary - Ońtústik Qazaqstan oblysy ákiminiń orynbasary. 2007-2008 jyldary - Qazaqstan Respýblıkasy Premer-Mınıstri Keńsesi Basshysynyń orynbasary. 2008-2011 jyldary - «QazAgro» ulttyq basqarýshy holdıngi» AQ Basqarma Tóraǵasy. 2011 jyldyń sáýirinen 2016 jyldyń mamyryna deıin Qazaqstan Respýblıkasynyń Aýyl sharýashylyǵy mınıstri bolǵan. 2018 jyly – Qazaqstan Respýblıkasy Aýyl sharýashylyǵy mınıstrliginiń jaýapty hatshysy boldy. 2018 jyldan bastap Qazaqstan Respýblıkasy Et odaǵy basqarmasynyń tóraǵasy.
«Qurmet» (2008), «Parasat» (2015) ordenderimen, medaldarmen marapattalǵan.
49 jyl buryn (1973) Qazaqstan Respýblıkasynyń Latvııa Respýblıkasyndaǵy Tótenshe jáne Ókiletti Elshisi Tımýr Vladımırovıch PІRІMBETOV dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetin bitirgen (1996 j.).
Dıplomatııalyq qyzmetin 1997 jyly Syrtqy ister mınıstrliginiń Eýropa jáne Amerıka departamentinde referenti qyzmetinen bastap, sodan keıin attashe jáne úshinshi hatshy bolyp jumys istedi. 1999-2004 jyldary Qazaqstan Respýblıkasynyń Ispanııa Koroldigindegi Elshiliginiń úshinshi hatshysy, ekinshi hatshysy qyzmetterin atqardy. 2004 jyldan bastap 2018 jylǵa deıin Qazaqstan Respýblıkasy Prezıdenti Ákimshiliginde aǵa sarapshy, bas ınspektor, sektor meńgerýshisi qyzmetterin atqardy. 2009 jyldan bastap 2018 jyldyń naýryzyna deıin - Qazaqstan Respýblıkasy Prezıdent Protokoly bastyǵynyń orynbasary boldy. Qazaqstannyń Latvııadaǵy Elshisi bolyp taǵaıyndalǵanǵa deıin Qazaqstannyń Reseıdegi Elshiliginiń keńesshi-ýákili bolyp jumys istedi.
II synypty Tótenshe jáne Ókiletti Ýákil dıplomatııalyq dárejesi bar. Ispan jáne aǵylshyn tilderin meńgergen.
Qazirgi qyzmetinde – 2019 jyldyń qarasha aıynan beri.
47 jyl buryn (1975) Qazaqstan Respýblıkasy Parlamenti Májilisiniń VII shaqyrylym depýtaty, Zańnama jáne sot-quqyqtyq reforma komıtetiniń múshesi Erlan Valerevıch SMAILOV dúnıege keldi.
Qaraǵandy oblysy Jezqazǵan qalasynda týǵan. 1997 jyly Qazaq ulttyq tehnıkalyq ýnıversıtetin «ınjener-metallýrg» mamandyǵy boıynsha bitirgen.
Eńbek joly: 1997-2001 jyldary – «Qazaqmys» korporatsııasynyń Jezqazǵan mys balqytý zaýyty Balqytý tsehy Elektr peshi bólimshesiniń balqytýshysy, aýysym sheberi jáne aǵa óndiristik sheberi. 2001-2003 jyldary –jeke óndiristik kompanııalarda Bas metallýrgtyń basshylyq pozıtsııasynda boldy. 2003-2006 jyldary zertteý, analıtıka jáne konsaltıng salasynda, zertteýshi, taldaýshy, jobalar men kompanııalar basshysy pozıtsııalarynda jumys isteıdi. 2006-2009 jyldary –National Business iskerlik jýrnalynyń taldaýshysy, jobalar jetekshisi, bas redaktorynyń orynbasary. 2009-2013 jyldary – Saıası sheshimder ınstıtýtynyń uıymdastyrý jobalaryn damytý jónindegi dırektory. Joba avtory, jetekshisi, KIPR (Saıası sheshimder ınstıtýtynyń klýby) moderatory. 2015-2018 jyldary – «FınTeh» Qazaqstan qaýymdastyǵy» ZTB-nyń atqarýshy dırektory. 2017-2021 jyldary – Almaty Qoǵamdyq keńesiniń múshesi. 2013-2021 jyldary – dara kásipker, «Kıpr» analıtıkalyq tobynyń jetekshisi.
Qazirgi qyzmetinde 2021 jyldyń qańtar aıynan bastap.
37 jyl buryn (1985) Qurmanǵazy atyndaǵy Qazaq ulttyq konservatorııasynyń rektory Arman Ádilhanuly JÚDEBAEV dúnıege keldi.
Almaty oblysy Qapshaǵaı qalasynda dúnıege kelgen. Ahmet Jubanov atyndaǵy daryndaǵy balalarǵa arnalǵan mýzykalyq orta mektep ınternatynyń túlegi. 2004 jyly Qurmanǵazy atyndaǵy Qazaq ulttyq konservatorııasynyń halyq mýzyka fakýltetiniń dombyra mamandyǵy boıynsha jáne 2005 jyly qosymsha dırıjerlaý mamandyqtaryna oqýǵa túsip, úzdik bitirgen. 2009 jyly Qurmanǵazy atyndaǵy Qazaq ulttyq konservatorııasynyń magıstratýra ǵylymı-pedagogıkalyq baǵytynda 6M040500-dırıjerleý mamandyǵy boıynsha konkýrs negizinde memlekettik grantqa ıe bolyp, 2011 jyly Ónertaný magıstri akademııalyq dárejesin alady.
2009-2013 jyldar aralyǵynda atalmysh oqý ornynda oqytýshy qyzmetimen qatar, stýdenttik ult aspaptary orkestriniń kórkemdik jetekshisi jáne bas dırıjeri qyzmetin atqarady. 2013 jyldyń kyrkúıeginen bastap Qurmanǵazy atyndaǵy Qazaq memlekettik akademııalyq halyq aspaptary orkestriniń bas dırıjeri qyzmetin atqarǵan. «Daryn» Memlekettik jastar syılyǵynyń ıegeri.
Qazirgi qyzmetin 2018 jyldyń maýsym aıynan beri atqaryp keledi.
