16 sáýir. Tulǵalar týǵan kún
Búgin, 16 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
74 jyl buryn (1951) EAEO-ǵa múshe memleketterdiń Qarjy qyzmetteri konsýltatıvtik komıtetiniń múshesi Erserik Dámenuly SIYRBAEV dúnıege keldi.
Shyǵys Qazaqstan oblysynda týǵan. 1974 jyly Omby temirjol kóligi ınstıtýtyn «elektr mehanıgi» mamandyǵy boıynsha, 1987 jyly Almaty halyq sharýashylyǵy ınstıtýtyn «ekonomıst» mamandyǵy boıynsha támamdaǵan.
Eńbek jolyn 1968 jyly Shar stantsııasynda depo frezershisi retinde bastaǵan. 1974 jyly «Kazjeldorproekt» ınstıtýtynyń ınjeneri, 1975-1988 jyldary KSRO Memlekettik banki Qazaq respýblıkalyq kontorynda ınjener, bólim meńgerýshisi bolǵan. 1988-2011 jyldary «Qazaqstannyń halyq jınaq banki» AQ basqarma tóraǵasynyń orynbasary, 2011-2012 jyldary «Qazposhta» AQ basqarma tóraǵasynyń keńesshisi, 2012-2013 jyldary ekinshi deńgeıli birqatar bankte basshylyq qyzmetter atqarǵan. 2013-2023 jyldary QR bank ombýdsmeni laýazymynda boldy.
«Qazaqstan Respýblıkasynyń táýelsizdigine 10 jyl», «Astananyń 10 jyldyǵy» medaldarimen marapattalǵan.
66 jyl buryn (1959) tanymal ánshi, kompozıtor, Qazaqstan Jastar odaǵy syılyǵynyń laýreaty, Qazaqstannyń eńbek sińirgen ártisi Marat OMAROV dúnıege keldi.
Ońtústik Qazaqstan oblysynda týǵan. Ál-Farabı atyndaǵy Mádenı-aǵartý ınstıtýtyn bitirgen.
Shymkent oblystyq fılarmonııasynda «Aýylym — ánim» ansambliniń ánshisi, Qazaq televızııasynyń mýzykalyq redaktory qyzmetterin atqarǵan. 2001 jyldan Astana qalasynda Prezıdent orkestrinde jáne fılarmonııada qyzmet etken. Ol «Naýryz» shyǵarmashylyq qoryn, «Balalardy damytý» qoryn ashqan. 2000 jyly Los-Andjeles qalasyndaǵy FIDOF Álemdik kompozıtorlar qaýymdastyǵynyń múshesi bolyp qabyldandy. Ánshiniń oryndaýynda «Anashym», «Áke armany», «Qyz syny», «Syńarym», «Ánshi balapan», «Qoshtasqym kelmeıdi», «Arman qala — Astana», «Mekke-Mádıne», «Naýryz», t. b. ánder bar.
Qazaqstan kompozıtorlar odaǵynyń múshesi, Respýblıkalyq «Jiger-87», Halyqaralyq «Ystyqkól-89», «Buqara-90» festıvalderiniń, Sh. Qaldaıaqov atyndaǵy respýblıkalyq baıqaýdyń, «Azııa daýysy-95», «Altyn dısk-97» (Ystanbul), Frantsııadaǵy «Dostyq ánderi» festıvalderiniń, «Kaır-2003» (Mysyr) halyqaralyq baıqaýynyń laýreaty.
56 jyl buryn (1969) Qazaqstan Respýblıkasy Qarýly Kúshteri Áskerı-teńiz kúshteriniń bas qolbasshysy Serik Jaqsyǵalıuly BORAMBAEV dúnıege keldi.
Pavlodar qalasynda dúnıege kelgen. 1990 jyly Kıev joǵary saıası áskerı-teńiz ýchılışesin, 2007 jyly RF QM áskerı ýnıversıtetin, 2010 jyly RF QM áskerı ýnıversıtetiniń Adıýnktýrasyn (syrttaı), 2015 jyly Ulttyq qorǵanys ýnıversıteti janyndaǵy akademııalyq kýrstaryn bitirgen. PhD doktory ǵylymı ataǵy bar.
Eńbek joly: 1990-1992 jyldary Qyzyl týly Kaspıı flotılııasynyń áskerı bólimderinde áskerı qyzmet atqardy. 1992-2004 jyldary jergilikti áskerı basqarý organdarynda áskerı qyzmet atqardy. 2004-2005 jyldary ınstıtýt bastyǵynyń tárbıe jáne áleýmettik-quqyqtyq jumystar jónindegi orynbasary — QR QM Áskerı-teńiz ınstıtýtynyń tárbıe jáne áleýmettik-quqyqtyq jumystar bóliminiń bastyǵy, 2005-2007 jyldary RF QM áskerı bóliminiń tyńdaýshysy boldy. 2007-2008 jyldary «Batys» óńirlik qolbasshylyǵy áskerleri qolbasshysy basqarmasynyń aǵa ofıtseri», 2008-2011 jyldary ınstıtýt bastyǵynyń tárbıe jáne áleýmettik-quqyqtyq jumystar jónindegi orynbasary, ınstıtýt bastyǵynyń orynbasary — Áskerı-teńiz ınstıtýty shtabynyń bastyǵy, 2011-2013 jyldary 29011 áskerı bóliminiń komandıri — QR QK Áskerı-teńiz kúshteri bas qolbasshysynyń orynbasary, 2013-2014 jyldary QR QK Áskerı-teńiz kúshteri bas qolbasshysynyń birinshi orynbasary — Bas shtab bastyǵy, 2014-2015 jyldary UQÝ janyndaǵy BShF AK tyńdaýshysy boldy. 2015-2016 jyldary Áskerı-teńiz kúshteri bas qolbasshysynyń orynbasary (tárbıe jáne ıdeologııalyq jumystar boıynsha) — QR QK Áskerı-teńiz kúshteri bas qolbasshysynyń basqarmasy tárbıe jáne ıdeologııalyq jumystar bóliminiń bastyǵy, 2016-2019 jyldary QR QM Aqparat jáne kommýnıkatsııa departamentiniń bastyǵy, 2019 jyly QR QK Bas shtabynyń tárbıe jáne ıdeologııalyq jumystar departamentiniń bastyǵy, 2019-2022 jyldary Bas shtab bastyǵynyń orynbasary — QR QK Bas shtaby Tárbıe jáne ıdeologııalyq jumystar departamentiniń bastyǵy, 2022-2023 jyldary QR Qorǵanys mınıstrligi Tárbıe jáne ıdeologııalyq jumys departamentiniń bastyǵy bolyp qyzmet atqarǵan. 2023-2024 jyldary aýmaqtyq qorǵanys departamentiniń bastyǵy — QR QK Bas shtaby bastyǵynyń orynbasary laýazymyn atqardy.
Qazirgi qyzmetin 2024 jyldyń maýsym aıynan beri atqaryp keledi.
ІІ dárejeli «Aıbyn» ordenimen marapattalǵan.
51 jyl buryn (1974) Qazaqstan Respýblıkasy Parlamenti Senatynyń depýtaty Darhan Qýandyquly QYDYRÁLІ dúnıege keldi.
Ońtústik Qazaqstan oblysynyń Túlkibas aýdanynda dúnıege kelgen. 1991-1992 jyldary Ál-Farabı atyndaǵy QazUÝ-de, 1992-1996 jyldary jáne Túrkııanyń Marmara, 1996-1997 jyldary Dokýz Eılúl, 1997-1998 jyldary Egeı, 1998-2001 jyldary Ystanbul ýnıversıtetterinde bilim alǵan. 2001 jyly Ystanbul ýnıversıtetinde doktorlyq dıssertatsııa qorǵap, «fılosofııa doktory» ǵylymı dárejesin ıelengen, 2010 jyly Abaı atyndaǵy QazUPÝ-da doktorlyq dıssertatsııa qorǵap, tarıh ǵylymdarynyń doktory atanǵan. Tarıh ǵylymdarynyń doktory, QR UǴA-nyń korrespendent-múshesi.
Eńbek joly: 2001-2005 jyldary Q.A. ıAsaýı atyndaǵy Halyqaralyq qazaq-túrik ýnıversıtetinde aǵa ǵylymı qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymı qyzmetker, 2005-2006 jyldary L. N. Gýmılev atyndaǵy Eýrazııa ulttyq ýnıversıtetinde dotsent, aǵa ǵylymı qyzmetker, 2006-2007 jyldary QR Prezıdenttik mádenıet ortalyǵynda dırektordyń orynbasary, 2007-2008 jyldary QR Bilim jáne ǵylym mınıstriniń keńesshisi qyzmetin atqarǵan. 2008-2009 jyldary QR Prezıdenti Ákimshiliginde sarapshy, sektor meńgerýshisi, 2009-2012 jyldary QR Prezıdenti Baspasóz hatshysynyń orynbasary, 2012-2014 jyldary Túrki keńesi Bas hatshysynyń orynbasary bolyp qyzmet atqardy. 2014 jyldan bastap Halyqaralyq Túrki akademııasynyń prezıdenti. 2015 jylǵy maýsymnan Túrki álemi Ulttyq ǵylym akademııalar odaǵy hatshylyǵynyń basshysy qyzmetin qosa atqarady jáne atalǵan odaqtyń uıymdastyrýshysy bolyp sanalady. 2015 jyly ıÝNESKO-nyń Parıjdegi shtab-páterinde «Qorqyt murasy jáne Túrki álemi» atty halyqaralyq mádenı sharany, 2016 jyly Nıý-Iork qalasyndaǵy Birikken Ulttar uıymynyń shtab-páterinde «2030 Jospary úshin Jibek joly boıyndaǵy jańa sınergııa» atty halyqaralyq sımpozıýmdy uıymdastyrdy. 2016-2022 jyldary «Egemen Qazaqstan» respýblıkalyq gazeti» AQ Basqarma tóraǵasy boldy. 2018 jyly Halyqaralyq Túrki akademııasynyń prezıdenti bolyp ekinshi merzimge taǵaıyndaldy. 2022-2023 jyldary QR Aqparat jáne qoǵamdyq damý mınıstri laýazymyn atqarǵan.
Qazirgi qyzmetin 2023 jyldyń qyrkúıeginen beri atqaryp keledi.
51 jyl buryn (1974) Jambyl oblysy prokýrorynyń birinshi orynbasary Qanat Esirkepuly MAMAEV dúnıege keldi.
Ońtústik Qazaqstan (qazirgi Túrkistan) oblysynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen.
Eńbek jolyn 1996 jyly Ońtústik Qazaqstan oblysy Kentaý qalasy prokýratýrasynda stajer bolyp bastaǵan. 1997-2008 jyldary Ońtústik Qazaqstan oblysynyń prokýratýra organdarynda birqatar laýazymdy atqardy. 2008-2010 jyldary Ońtústik Qazaqstan oblysy Saryaǵash aýdanynyń prokýrory, 2010-2011 jyldary Almaty qalasy Alataý aýdanynyń prokýrory, 2011-2016 jyldary Almaty qalasy Almaly aýdanynyń prokýrory, 2016-2017 jyldary Almaty qalasy Medeý aýdanynyń prokýrory, 2017-2019 jyldary Almaty qalasy prokýrorynyń orynbasary, 2019 jyly Qostanaı oblysy prokýrorynyń orynbasary boldy. 2019-2020 jyldary Aqmola oblysy prokýrorynyń birinshi orynbasary laýazymyn atqardy.
Qazirgi qyzmetinde 2020 jyldyń aqpan aıynan bastap.
50 jyl buryn (1975) Qaraǵandy qalasy prokýrorynyń birinshi orynbasary Erjan Sákenuly BERDІBEKOV dúnıege keldi.
Qazirgi Túrkistan oblysynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen.
Prokýratýra organdaryndaǵy eńbek jolyn 1996 jyly Mańǵystaý oblysy Aqtaý qalasy prokýrorynyń kómekshisi laýazymynan bastady. Mańǵystaý oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory, Mańǵystaý oblysy prokýrorynyń aǵa kómekshisi, Mańǵystaý oblysy prokýratýrasynyń ekonomıkalyq saladaǵy zańdylyqty qadaǵalaý bóliminiń bastyǵy, Mańǵystaý oblysy Qaraqııa aýdanynyń prokýrory, Mańǵystaý oblysy prokýrorynyń orynbasary, Qazaqstan Respýblıkasy Bas Prokýrorynyń Apparaty Hatshylyǵynyń Bas prokýrorynyń aǵa kómekshisi, Astana qalasy «Saryarqa» aýdanynyń prokýrory qyzmetterin atqarǵan. Ońtústik Qazaqstan oblysy prokýrorynyń birinshi orynbasary boldy. 2019-2022 jyldary Astanada qala prokýrorynyń orynbasary, 2022-2024 jyldary Astana qalasy prokýrorynyń birinshi orynbasary laýazymyn atqarǵan.
Qazirgi qyzmetin 2024 jyldyń qyrkúıek aıynan bastap atqaryp jatyr.