16 mamyr. Tulǵalar týǵan kún
Búgin, 16 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
76 jyl buryn (1949) Qazaqstan Respýblıkasynyń memleket qaıratkeri Vladımır Karpovıch BOJKO dúnıege keldi.
Almaty qalasynda týǵan. Qazaq polıtehnıkalyq ınstıtýtyn, Mınsk qalasyndaǵy SSSR Memlekettik qaýipsizdik komıteti Joǵary kýrsyn bitirgen.
1976-1989 jyldary Qazaq KSR Memlekettik qaýipsizdik komıtetiniń jedel ýákili, aǵa jedel ýákili, 2-shi basqarma bólimshesiniń bastyǵy, 3-shi basqarma bastyǵy, 1989-1991 jyldary Qazaq SSR Memlekettik qaýipsizdik komıtetiniń Tselınograd oblysy boıynsha basqarma bastyǵynyń orynbasary, 1991-1994 jyldary QR Ulttyq qaýipsizdik komıtetiniń Kókshetaý, Shyǵys Qazaqstan oblystary boıynsha basqarmasynyń bastyǵy. 1994-1997 jyldary QR Ulttyq qaýipsizdik komıteti Bas ekonomıkalyq qaýipsizdik basqarmasynyń bastyǵy, 1999-2001 jyldary «Jetson Trading LTD» fırmasynyń vıtse-prezıdenti jáne QR ókildiginiń dırektory. 2001-2007 jyldary Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary, orynbasary. 2007-2014 jyldary QR tótenshe jaǵdaılar mınıstri. 2014-2016 jyldary QR Іshki ister mınıstriniń orynbasary. 2016-2011 jyldary QR Parlamenti Májilisiniń VI shaqyrylymynyń depýtaty, QR Parlamenti Májilisi Tóraǵasynyń orynbasary.
I jáne ІІ dárejeli «Aıbyn» ordenderimen, «Astanaǵa 10 jyl» mereıtoılyq medalimen marapattalǵan.
76 jyl buryn (1949) qazaqstandyq teatr jáne kıno rejısseri, Qazaqstan Respýblıkasy eńbegi sińgen óner qaıratkeri Igor Marksovıch GONOPOLЬSKII dúnıege keldi.
Qyzylordada týǵan. 1971 jyly S. M. Kırov atyndaǵy Qazaq memlekettik ýnıversıtetiniń jýrnalıstıka fakýltetin, 1978 jyly Lenıngrad memlekettik teatr, mýzyka jáne televıdenıe ınstıtýtynyń rejısserlyq fakýltetin bitirgen.
«Pervaıa stantsııa» (1980), «Ne pomnıý» (1982), «Nochnoı hleb» (1982), «Gazoopasnye raboty» (1983), «Golýboe zoloto» (1984), «O pokoınıkah ploho ne govorıat» (1987), «Posleslovıe» (1989), «Den pervyı» (1990), «Se lıa vı» (1991), «Eızenshteın v Alma-Ate (1941-1944)» (1998), «Stolıtsy Velıkoı stepı» (1998), «Chıstota tsveta» (1999), «Istorııa býdýşego» (2001) jáne t. b. derekti fılmderdiń rejısseri.
Gonopolskııdiń fılmderi halyqaralyq jáne aımaqtyq festıvalderde (Mıýnhen, San-Sebastıano, Sıngapýr, Máskeý, Sankt-Peterbýrg, Almaty, Ekaterınbýrg, t. b.) usynylyp, KSRO halyq sharýashylyǵy jetistikteri kórmesiniń túrli syılyqtary, dıplomdary, sertıfıkattarymen marapattaldy.
55 jyl buryn (1970) «Samuryq-Energo» AQ Basqarma tóraǵasy Qaırat Berikuly MAQSUTOV dúnıege keldi.
1991 jyly Qaztutynýodaǵy Qaraǵandy kooperatıvtik ınstıtýtyn, 2019 jyly Almaty energetıka jáne kommýnıkatsııa ýnıversıtetin bitirgen.
Eńbek joly: 1997-1999 jyldary Erkin ekonomıkalyq aımaqtyń Ákimshilik keńesi tóraǵasynyń orynbasary, Qarajal qalasy ákiminiń orynbasary, 1999-2004 jyldary Alfa-Bank» AQ EB Qaraǵandy fılıaly dırektorynyń orynbasary, dırektory, 2004-2008 jyldary Gephaestus taý-ken ónerkásibi holdınginiń ekonomıka jónindegi vıtse-prezıdenti, 2008-2009 jyldary Eýrazııalyq holdıng kompanııasynyń basqarýshy dırektory, 2009-2013 jyldary «Samuryq-Energo» AQ Basqarma tóraǵasynyń qarjy jáne ekonomıka jónindegi orynbasary, 2012-2013 jyldary «Samuryq-Energo» AQ qarjy jáne ekonomıka jónindegi basqarýshy dırektory, 2012-2013 jyldary «Samuryq-Energo» AQ korporatıvtik basqarý jónindegi basqarýshy dırektory, 2013-2016 jyldary «Samuryq-Energo» AQ basqarma tóraǵasynyń orynbasary, 2016-2018 jyldary «Samuryq-Energo» AQ ekonomıka jáne qarjy jónindegi basqarýshy dırektory, 2018-2023 jyldary kommertsııalyq qurylymdardyń basshysy boldy.
Qazirgi laýazymyn 2023 jyldyń maýsym aıynan beri atqaryp keledi.
53 jyl buryn (1972) Soltústik Qazaqstan oblysynyń prokýrory Qaırat Álihanuly ÁBDІHANOV dúnıege kelgen.
Almaty oblysynda týǵan. Abaı atyndaǵy Almaty memlekettik ýnıversıtetin zańger mamandyǵymen bitirgen.
Eńbek joly: Talǵar aýdany prokýrorynyń kómekshisi, Bostandyq aýdany prokýrorynyń kómekshisi, aǵa kómekshisi, Almaty qalalyq prokýratýra bóliminiń prokýrory, Túriksib aýdany prokýrorynyń aǵa kómekshisi, Almaly aýdany prokýrorynyń birinshi orynbasary, Qazaqstan Respýblıkasy bas prokýrory birinshi orynbasarynyń kómekshisi, Qazaqstan Respýblıkasy bas prokýrorynyń kómekshisi, Almaty oblysy Jambyl aýdanynyń prokýrory, Taldyqorǵan qalasynyń prokýrory, Atyraý oblysy prokýrorynyń orynbasary, 2010-2012 jyldary Qyzylorda oblysy prokýrorynyń orynbasary, 2012-2017 jyldary Ońtústik Qazaqstan oblysy prokýrorynyń orynbasary, 2017-2018 jyldary Almaty oblysy prokýrorynyń birinshi orynbasary qyzmetin atqardy. Pavlodar oblysynyń prokýrory boldy.
2023 jyldyń mamyr aıynan beri qazirgi qyzmetinde.
«Qazaqstan Respýblıkasynyń prokýratýrasyna 20 jyl», ІІ, ІІІ dárejeli «Minsiz qyzmeti úshin» medaldarymen, І dárejeli «Prokýratýra ozaty» tósbelgisimen marapattalǵan.
46 jyl buryn (1979) Jambyl oblysy Tótenshe jaǵdaılar departamentiniń basshysy Arman Qumaruly TOQANOV dúnıege keldi.
Shyǵys Qazaqstan oblysy, Kúrshim aýdany, Kúrshim aýylynda týǵan. 2001 jyly D. Serikbaev atyndaǵy Shyǵys Qazaqstan Memlekettik tehnıkalyq ýnıversıtetin aıaqtaǵan. 2004 jyly «Qaınar» ýnıversıtetin, 2015 jyly RF TJM azamattyq qorǵaý akademııasyn támamdaǵan.
Eńbek joly: 2009-2011 jyldary Shyǵys Qazaqstan oblysy TJD Tótenshe jaǵdaılar kezinde áreket etý basqarmasynyń aǵa ofıtseri, 2011-2013 jyldary Shyǵys Qazaqstan oblysy TJD Biryńǵaı kezekshi-dıspetcherlik qyzmeti basqarmasynyń aǵa ofıtseri, 2015 jyly Shyǵys Qazaqstan oblysy Tótenshe jaǵdaılar departamenti Azamattyq qorǵanys basqarmasynyń aǵa ofıtseri, 2015-2017 jyldary QR ІІM Tótenshe jaǵdaılar komıteti Azamattyq qorǵanys basqarmasynyń áskerı-jumyldyrý jumysy bóliminiń aǵa ofıtseri, 2017-2019 jyldary QR ІІM Tótenshe jaǵdaılar komıteti Azamattyq qorǵanys basqarmasynyń halyqty jáne aýmaqtardy qorǵaý bóliminiń bastyǵy, 2019 jyly Nur-Sultan qalasy Tótenshe jaǵdaılar departamenti Azamattyq qorǵanys basqarmasynyń aǵa ofıtseri, 2019 jyly Nur-Sultan qalasyTótenshe jaǵdaılar departamenti Azamattyq qorǵanys basqarmasy bastyǵy orynbasarynyń mindetin ýaqytsha atqarýshy, 2019-2020 jyldary Nur-Sultan qalasy Tótenshe jaǵdaılar departamenti Azamattyq qorǵanys basqarmasy bastyǵynyń orynbasary, 2020 jyly Nur-Sultan qalasy Tótenshe jaǵdaılar departamenti azamattyq qorǵanys basqarmasynyń bastyǵy, 2020-2023 jyldary Batys Qazaqstan oblysy Tótenshe jaǵdaılar departamenti bastyǵynyń orynbasary, 2022-2024 jyldary Shyǵys Qazaqstan oblysy Tótenshe jaǵdaılar departamenti bastyǵynyń orynbasary laýazymyn atqarǵan.
Qazirgi qyzmetin 2024 jylǵy aqpannan bastap atqaryp keledi.
90 jyl buryn (1935-2019) aqyn Orazaqyn Asqaruly ASQAR dúnıege kelgen.
Qytaıdyń Shyǵys Túrkistan ólkesine qarasty Іle aımaǵynda týǵan. Úrimji qalasyndaǵy Ulttar ınstıtýtyn, S. M. Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıtetin) bitirgen. 1955 jyly atamekeni Qazaqstanǵa túbegeıli qonys aýdardy. Shekaradan óleń toly qoljazba dápterlerin ala kelgen Orazaqyn birden Almatydaǵy Jazýshylar odaǵyna kelip, aqyndar Hamıt Erǵalıev, Ǵafý Qaıyrbekov, Jappar Ómirbekovterge jolyǵady. Olar jas aqynnyń óleńderin unatyp, sol kezde baspaǵa daıyndalyp jatqan jas aqyndardyń «Qos júrek» atty jınaǵyna bir top óleńderin dereý engizedi. 1961 jyly arab árpin bilýine baılanysty arnaıy suranyspen Qazaq SSR Ǵylym Akademııasynyń Sh. Ýálıhanov atyndaǵy Tarıh, arheologııa jáne etnografııa ınstıtýtyna kishi ǵylymı qyzmetker bolyp ornalasady. 1964-1970 jyldary Qazaqstan Jazýshylar odaǵynyń Ádebıetti nasıhattaý bıýrosynda nusqaýshy, Poezııa sektsııasynda orynbasar bolyp qyzmet atqarady. 1970-1984 jyldary Kitap palatasynda bólim meńgerýshi, odan 1995 jylǵa deıin «Jalyn» baspasynda poezııa bóliminiń aǵa redaktory boldy. «Qoryqtar álemine saıahat» dep atalatyn toptama óleńderi 1983 jyly Qazaqstan tabıǵat qorǵaý qoǵamynyń báıgesine ıe boldy. «Týǵan jerdiń kartasy» degen dastany 1974 jyly balalar men jastarǵa arnalǵan «Jalyn» baspasynyń jabyq konkýrsynda júldege ıe boldy. «Tuńǵysh», «Meıirim», «Beljaılaý», «Balqaraǵaı», «Órkesh», «Orbulaq», «Kúngeı», «Táýelsizdik tartýlary» atty jınaqtary jaryq kórdi. Ol qazaqtyń qara óleń túrlerin uzaq jyldar boıy el ishinen jınap, jıyrma myń joldyq eki kitabyn jarııalady. Bul eńbegi 1994 jyly Mádenıet mınıstrligi men Ǵylym akademııasy, Ádebıet ınstıtýty birigip jarııalaǵan aýyz ádebıetin jınaýshylarǵa arnalǵan báıgede birinshi oryndy jeńip aldy.