16 qyrkúıek. Tulǵalar týǵan kún
Búgin, 16 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
76 jyl buryn (1948) QR Parlamenti Senatynyń janyndaǵy Senatorlar keńesiniń múshesi Talǵatbek Jámshıtuly ABAIDІLDIN dúnıege keldi.
Aqmola oblysynyń Esil qalasynda týǵan. 1974 jyly Abaı atyndaǵy Qazaq pedagogıkalyq ınstıtýtynyń fızıka-matematıka fakýltetin matematıka pániniń muǵalimi mamandyǵy boıynsha, 1993 jyly Qazaq menedjment, ekonomıka jáne boljamdaý ınstıtýtyn saıasattanýshy, joǵary jáne orta oqý oryndarynda áleýmettik-saıası pánderdiń oqytýshysy mamandyǵy boıynsha bitirgen.
Eńbek joly: 1980 jyldan Almaty qalasynyń úgit-nasıhat jáne uıymdastyrý bólimderinde istedi. 1988-1989 jyldary Qazaqstan Kompartııasy OK úgit jáne nasıhat bóliminde nusqaýshy, ıdeologııalyq bóliminiń saıası uıymdastyrýshysy, 1991-1993 jyldary QazKSR Prezıdenti Apparatynyń jáne QR Mınıstrler kabınetiniń Dinı uıymdarmen baılanystar jónindegi referentýrasynyń referenti, aǵa referenti. 1993-1995 jyldary QR Ortalyq saılaý komıssııasynyń múshesi, 1995-1997 jyldary QR Prezıdenti Apparatynyń uıymdastyrý-baqylaý basqarmasynda memlekettik ınspektor, 1997 jyly Kókshetaý oblysy ákiminiń orynbasary. 1997-2003 jyldary Shyǵys Qazaqstan oblysy ákiminiń orynbasary, 2003-2004 jyldary ShQO ákimi qyzmetin atqarǵan. 2004-2005 jyldary QR Prezıdentiniń keńesshisi, 2005 jyly QR qorshaǵan ortany qorǵaý vıtse-mınıstri. 2005 jyldan bastap – QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy.
Qazirgi laýazymyn 2019 jyldyń qazan aıynan beri atqaryp keledi.
«Qurmet» ordenimen (2006); «Qazaqstan Respýblıkasynyń táýelsizdigine 10 jyl» (2002)», «Qazaqstan temir jolyna 100 jyl» (2004), «Qazaqstan 10 jyl» (2005), «Qazaqstan Parlamentine 10 jyl» (2006), «Aýǵan Demokratııalyq Respýblıkasynan Keńes áskerleriniń áketilgenine 15 jyl» medaldarymen; QazKSR Joǵarǵy Keńesiniń Qurmet gramotasymen (1974) marapattalǵan.
75 jyl buryn (1949) Qazaqstan Respýblıkasynyń memlekettik jáne saıası qaıratkeri Qabıbolla Qabenuly JAQYPOV dúnıege keldi.
Batys Qazaqstan oblysy, Qaztalov aýdany, Qaztalov aýylynda dúnıege kelgen. 1972 jyly Tselınograd ınjenerlik-qurylys ınstıtýtyn ınjener-qurylysshy mamandyǵy boıynsha, 1989 jyly Almaty joǵary partııa mektebin saıasattanýshyT mamandyǵy boıynsha bitirgen. Tehnıka ǵylymdarynyń kandıdaty, Halyqaralyq Ekologııa akademııasynyń akademıgi. Qazaqstan Injenerlik akademııasynyń korrespondent-múshesi. QR Ulttyq jaratylystaný ǵylymdary akademııasynyń akademıgi.
Eńbek joly: 1981-1983 jyldary Qazaq KSR Halyq depýtattary Keńesiniń Oral qalalyq atqarý komıteti tóraǵasynyń orynbasary, 1983-1987 jyldary Oral qalalyq Halyq depýtattary Keńesiniń Ónerkásip aýdandyq atqarý komıtetiniń tóraǵasy, 1987-1988 jyldary Qazaqstan Kompartııasy Oral qalalyq Lenın aýdandyq partııa komıtetiniń birinshi hatshysy, 1989-1992 jyldary Qazaq KSR Halyq depýtattary Keńesiniń Oral qalalyq atqarý komıtetiniń tóraǵasy, 1992-1993 jyldary Oral qalalyq ákimshiliginiń basshysy qyzmetin atqarǵan. 1993-2001 jyldary Batys Qazaqstan oblysynyń ákimi qyzmetin atqaryp, osy óńirdiń ekonomıkalyq-áleýmettik damýy jolynda jemisti eńbek etti.
2001-2003 jyldary QR Kólik jáne kommýnıkatsııalar mınıstriniń birinshi orynbasary, 2003-2004 jyldary QR Premer-Mınıstri Keńsesi basshysynyń orynbasary - Úkimettiń Parlament Senatyndaǵy ókili. 2007-2011 jyldary «Nur Otan» HDP-nyń tizimi boıynsha Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi boldy. 2012-2016 jyldary besinshi saılanǵan QR Parlamenti Májilisiniń depýtaty, QR Parlament Májilisi tóraǵasynyń orynbasary, 2014-2016 jyldary QR Parlamenti Májilisiniń Tóraǵasy, 2016-2020 jyldary altynshy saılanǵan QR Parlamenti Májilisiniń depýtaty, Halyqaralyq ister, qorǵanys jáne qaýipsizdik jónindegi komıtet múshesi qyzmetin atqarǵan.
«Parasat» (2009) jáne «Qurmet» (1999) ordenderimen, birneshe mereıtoılyq medaldarmen marapattalǵan. Sondaı-aq ultaralyq kelisimge sińirgen qyzmetine oraı Reseı Federatsııasynyń ІІ dárejeli «Danııl Áýlıe» ordeni berilgen. Qazaqstan Respýblıkasynyń Qurmetti temirjolshysy. Qazaqstan Respýblıkasynyń Qurmetti qurylysshysy.
56 jyl buryn (1968) «Aq jol» partııasy tóraǵasynyń orynbasary Serik Sársenuly ERÝBAEV dúnıege keldi.
Atyraý oblysy Atyraý (Gýrev) qalasynda týǵan. H.Dosmuhamedov atyndaǵy Atyraý memlekettik ýnıversıtetin támamdaǵan.
Eńbek jolyn 1991 jyly Qazaqstan júrgizýshiler odaǵynyń Gýrev oblystyq keńesinde júrgizýshilerdi oqytý jónindegi sheberi retinde bastaǵan. 1993-2006 jyldary «Atyraý Konstrakshn Servısez Ltd» JShS-niń Bas dırektory, 2006-2008 jyldary Atyraý qalalyq máslıhatynyń III jáne IV shaqyrylymdarynyń hatshysy, 2008-2021 jyldary «Atyraý Konstrakshn Servısez LTD» JShS Bas dırektory qyzmetin atqarǵan. 2021-2023 jyllldary QR Parlamenti Májilisiniń depýtaty, Ekologııa máseleleri jáne tabıǵatty paıdalaný komıtetiniń múshesi qyzmetinde boldy.
«10 jyl Astana» (2008j.), «Qazaqstan Respýblıkasynyń Táýelsizdigine - 25 jyl» (2019j.), Qazaqstan Respýblıkasynyń jergilikti ózin-ózi basqarýdyń damýy men qalyptasýyna qosqan eleýli úlesi úshin «Qazaqstan máslıhattaryna 20 jyl» (2015j.), «Áskerı-teńiz flotynyń ardageri» Máskeý, Tynyq muhıt floty (2016j.), «Atyraý oblysy máslıhattaryna 25 jyl» (2020j.) mereıtoılyq medaldarmen marapattalǵan.
51 jyl buryn (1973) qazaqstandyq tanymal veloshabandoz, Qazaqstan Respýblıkasynyń eńbek sińirgen sport sheberi, Azııa chempıony, 2012 jylǵy London olımpıadasynyń chempıony, Sıdneı Olımpıadasynyń kúmis júldegeri, «Týr de Frans» álemdik velojarysynyń qola júldegeri, álem chempıony, Ispanııadaǵy «Výelta» kópkúndiginiń jeńimpazy Aleksandr Nıkolaevıch VINOKÝROV dúnıege keldi.
Soltústik Qazaqstan oblysynyń Qyzyljar aýdanynda týǵan. Soltústik Qazaqstan memlekettik ýnıversıtetin bitirgen. Kásibı velojaryspen aınalysýdy 1997 jyly «Kazıno» komandasy quramynda bastady. Onyń alǵashqy jetistikteriniń biri 1998-1999 jyldardaǵy «Dıýnkerk tórt kúni» jáne «Dauphiné Libéré» kópkúndik jarystaǵy jeńisi boldy. Bul jetistikteri sportshynyń 2000 jyly kúshti jáne áıgili «Deutsche Telekom» (2004 jyldan «T-Mobile») velotobyna enýine áser etti. 2006 jyly Vınokýrov Ispanııa komandasynyń kapıtany retinde «Týr de Frants» kópkúndigine qatysty. 2006 jyldan qazirge deıin QR «Astana» komandasynyń quramynda. Komandalyq jarysta Azııa oıyndarynyń chemıony (1994), Toptyq jarysta olımpıadalyq oıyndardyń kúmis júldegeri (2000), «Parıj-Nıtstsa» kópkúndik velojarysynyń jeńimpazy (2002-2003), «Týr de Frans» kezeńderiniń (2002-2003), «Amstel Gold Race» Álem kýbogy kezeńiniń (2003), «Shveıtsarııa týrynyń» (2003), bedeldi birkúndik «Lej-Boston-Lej» velojarysynyń (2005,2010) jeńimpazy, jekeleı jarysta álem chempıonatynyń qola júldegeri (2004, 2006). «Týr Baıerı» kópkúndik jarysyna qatysýshy (2005) - 2-oryn, «Týr de Frans» kópkúndik velojarysynyń qola júldegeri (2003, 5-oryn - 2005), «Týr Germanıı» (2003) - 3-oryn, kópkúndik velojarystarynyń qola júldegeri. Altantadaǵy (1996), Sıdneıdegi (2000) - 2-oryn, Afınadaǵy (2004) - 5-oryn, Olıpıadalyq oıyndarǵa qatysýshy. QR ulttyq chempıonatynyń kóptegen dúrkin jeńimpazy. Azııa chempıonatynyń jeke jáne toptyq jarystaryndaǵy jeńimpaz, kúmis júldeger (2009), Vuelta a Espana velojarysynyń basty esebinde jeńimpaz (2006), «Lej-Boston-Lej» komandalyq bir kúndik jarysynda jeńimpaz (2010), «Týr del Tretıno»jarysynyń jeńimpazy (2010!), «Týr de Frans» 13-kezeńiniń jeńimpazy (2010).
«Parasat», ІІ dárejeli «Barys» ordenderimen marapattalǵan.
42 jyl buryn (1982) QR Kólik mınıstrligi Avtomobıl joldary komıtetiniń tóraǵasy Tólegen Tursynuly ABDÝLLIN dúnıege kelgen.
Pavlodar qalasynda týǵan. D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin, «Qarjy akademııasy» AQ támamdaǵan. Eńbek jolyn 2004 jyly «Qazaqavtojol» RMK Pavlodar oblystyq fılıalynyń DEÝ-62 avtojol kópiriniń sheberi laýazymynan bastady. 2005-2011 jyldary «Qazaqavtojol» RMK Pavlodar fılıalynda túrli laýazymdardy atqarǵan. 2011-2014 jyldary «Qazaqavtojol» RMK Memlekettik satyp alý bóliminiń basshysy, Aqmola oblystyq fılıalynyń dırektory, 2014-2019 jyldary Astana qalasynda «QazAvtoJol» UK» AQ basshylyq qyzmetterin atqardy. 2019 jyly Kókshetaý qalasy, «QazAvtoJol» UK AQ Aqmola oblystyq fılıaly dırektorynyń m.a., dırektory, 2019-2021 jyldary QR IIDM Avtomobıl joldary komıtetiniń tóraǵasy orynbasarynyń m.a., orynbasary.
2021 mamyr aıynan bastap qazirgi qyzmetinde.
39 jyl buryn (1985) «Atyraý oblysy Sý Arnasy» KMK basshysy Meıirim Jolamanuly QALAÝI dúnıege keldi.
Atyraý oblysynda týǵan. 2006 jyly H.Dosmuhamedov atyndaǵy Atyraý memlekettik ýnıversıtetin, 2010 jyly Reseı Federatsııasy Prezıdentiniń janyndaǵy Reseı memlekettik basqarý akademııasyn bitirgen.
Eńbek joly: 2006-2007 jyldary «Atyraý-Aqparat» MKQK tóraǵasynyń kómekshisi, 2007-2010 jyldary «Turan» respýblıkalyq gazeti» JShS dırektory, 2010-2011 jyldary «Qazaqstan» RTRK AQ Atyraý oblystyq fılıaly dırektorynyń orynbasary – bas redaktory, 2011-2012 jyldary «Atyraý-Aqparat» MKQK tóraǵasy, 2012-2016 jyldary Atyraý oblysynyń jastar saıasaty máseleleri basqarmasynyń basshysy, 2016 jyly Atyraý oblysy ákimi apparaty basshysynyń orynbasary, 2016-2019 jyldary Atyraý qalasy ákiminiń orynbasary, 2019-2021 jyldary Atyraý oblysy Inder aýdanynyń ákimi qyzmetin atqarǵan. 2021-2022 jyldary «Nur Otan» partııasy Atyraý oblystyq fılıaly tóraǵasynyń birinshi orynbasary, 2022-2023 jyldary Atyraý qalasynyń ákimi laýazymyn atqardy.
Qazirgi qyzmetin 2023 jyldyń qarasha aıyna kiristi.
«Qazaqstan Respýblıkasynyń Konstıtýtsııasyna 20 jyl» medalimen marapattalǵan (2012).
