16 qazan. Tulǵalar týǵan kún
Búgin, 16 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
69 jyl buryn (1954) aqyn, jyrshy, manasshy, rejısser, satırık, telejúrgizýshi Baıanǵalı Toqanuly ÁLІMJANOV dúnıege keldi.
Kókshetaý oblysynyń Stepnıak qalasynda týǵan. QazMÝ-dyń fılologııa fakýltetin bitirgen (1977).
S. Muqanovtyń murajaıynda, «Lenınshil jas» (qazirgi «Jas alash»), «Qazaq ádebıeti», «Kitap jarshysy» gazetterinde, «Qazaqfılm» kınostýdııasynda, «Baldyrǵan», «Juldyz» jýrnaldarynda, «Kókshetaý pravdasy» gazetinde, Eńbekshilder aýdandyq mádenıet bóliminde, Sh. Qusaıynov atyndaǵy Kókshetaý oblystyq qazaq drama teatrynda qyzmet istegen. «Pań Nurmaǵambet» kınostýdııasynyń dırektory jáne kórkemdik jetekshisi. 1984 jyldan beri respýblıkalyq, oblystyq deńgeıde ótken aıtystarda saıysqa túsip, jeńimpaz jáne júldeger atanǵan.
«Qıqymattyń hıkaıalary» (1982), «Uıa» (1985), «Jyndy Qarataıdyń qasıeti» (2000), «Qıqymattyń qıssasy» (1989), «Aýyldyń aq samaly» (2003), «Alash pen Manas» (2004), «Ázil shýaǵy» (2004), «Degen eken» (2005) atty kitaptardyń, «Qudalyq», «Qojanasyr», «Qaıran kempir-shaldar-aı», «Erkegi bar bolǵyr», «Jolbarys pen Ponı», «Altyn noqta», «Qazaqy saılaý», «Jas qazaq», «Qazannan kelgen qyzǵaldaq» atty pesalardyń avtory. «Jyraýlar», «Asyldyń synyǵy», «Palýan» atty derekti fılmderdiń, «Án men anasha» atty kórkem fılmniń stsenarııin jazǵan.
«Eren eńbegi úshin» (2000), «Qazaqstannyń Eńbek sińirgen qaıratkeri» (2006) medaldarymen marapattalǵan. Qyrǵyzstan Respýblıkasy Kompozıtorlar odaǵynyń A. Maldybaev atyndaǵy Halyqaralyq syılyǵynyń laýreaty, aıtysta 22 ret gran-prı ıelengen.
45 jyl buryn (1977) Qazaqstan Respýblıkasynyń Sankt-Peterbýrg qalasyndaǵy bas konsýly Baýyrjan Baqbergenuly DOSMANBETOV dúnıege kelgen.
Qazaq memlekettik zań ýnıversıtetin quqyqtaný mamandyǵy boıynsha (1999), QR SІM Dıplomatııalyq akademııasyn halyqaralyq qatynastar mamandyǵy boıynsha (2001) bitirgen.
Eńbek joly: 2001 jyldan QR SІM júıesinde jumys istegen. 2012-2015 jyldary – QR SІM Ortalyq Azııa, Ońtústik Kavkaz jáne Túrkııa departamentiniń jáne Ázerbaıjan Respýblıkasyndaǵy QR Elshiliginiń Keńesshisi, 2015-2017 jyldary – Ázerbaıjan Respýblıkasyndaǵy QR Elshiliginiń Keńesshi-ýákili, 2017-2019 jyldary – QR SІM Eýrazııalyq ıntegratsııa departamenti dırektorynyń orynbasary.
ІІ synypty Keńesshi dıplomatııalyq dárejesi bar.
Qazirgi laýazymyna 2019 jylǵy mamyr aıynda taǵaıyndaldy.
60 jyl buryn (1963) «Qoǵamdyq máselelerdi taldaý ortalyǵy» qoǵamdyq qorynyń dırektory Merýert Maýthanqyzy MAHMUTOVA dúnıege keldi.
Semeı oblysynda týǵan.
S.M.Kırov atyndaǵy Qazaq memlekettik ýnıversıtetin bitirgen, fızıka muǵalimi (1985); QR Prezıdenti janyndaǵy Memlekettik basqarýdyń ulttyq joǵary mektebin bitirgen, memlekettik basqarý menedjeri (1997). Ekonomıka ǵylymdarynyń kandıdaty (2000).
Eńbek joly:1985-1987 jyldary orta bilim beretin mektepte fızıka muǵalimi, 1987-1993 jyldary Qazaq energetıka ǵylymı-zertteý ınstıtýtynda ınjener, 1993-1996 jyldary «Tolqyn» seriktestiginiń ekonomıka jáne qarjy dırektory, «Ana men bala» AQ bas esepshisi, 1997 jyly QR Strategııalyq resýrstardy baqylaý agenttiginiń konsýltanty boldy.
1997-1998 jyldary «Semeı» qarjy ónerkásip tobynyń jańa jobalar bóliminiń menedjeri, 1998-2001 jyldary Qazaqstan Ǵylym akademııasynyń Ekonomıka ınstıtýtynda qarjy-nesıe qatynastary máseleleri bóliminiń meńgerýshisi qyzmetin atqardy.
2001 jyldan beri «Qoǵamdyq máselelerdi taldaý ortalyǵy» qoǵamdyq qorynyń dırektory.
Dúnıejúzilik bank, Azııa damý banki, BUUDB, Ekonomıkalyq yntymaqtastyq jáne damý uıymy (EYDU) jáne basqa da halyqaralyq uıymdardyń sarapshysy.
55 jyl buryn (1968) Astana qalasyndaǵy «№ 5 qalalyq emhana» MQK bas dárigeri Altynshash Jumashqyzy TABÝLDINA dúnıege keldi.
QR densaýlyq saqtaý isiniń úzdigi.
1992 jyly Tselınograd memlekettik medıtsına ınstıtýtyn dáriger-pedıatr mamandyǵy boıynsha bitirdi.
Eńbek joly: Tselınograd qalasynyń №1 qalalyq balalar aýrýhanasynda pedıatr, «SVA - Akademııa» JShS aǵa dárigeri, Astana qalasy №1 qalalyq balalar aýrýhanasynyń 6-ambýlatorııalyq bólimshesiniń meńgerýshisi qyzmetin atqardy.
2007 jyldyń maýsym aıynan beri Astana qalasy «№ 5 qalalyq emhana» MQK-nyń bas dárigeri.
«QR Densaýlyq saqtaý isiniń úzdigi» (2010), «Qazaqstan Dańqy» ordeni (2013), «Qurmet» ordeni (2017).
Astana qalasy máslıhatynyń jetinshi shaqyrylymynyń depýtaty, Astana qalasy máslıhatynyń áleýmettik-mádenı damý máseleleri jónindegi turaqty komıssııasynyń tóraǵasy.
48 jyl buryn (1975) Astana qalasy ákimi apparatynyń basshysy Daýlat Zatuly EShKEEV dúnıege keldi.
1996 jyly Qaraǵandy memlekettik ýnıversıtetin ekonomıst mamandyǵy boıynsha bitirgen. 2014 jyly Qaraǵandy ekonomıkalyq ýnıversıtetin zańger mamandyǵy boıynsha támamdy.
Eńbek joly: 2020-2023 jyldary keden organdarynda, Qaraǵandy oblysy ákiminiń apparat basshysy, Qaraǵandy qalasy Qazybek bı aýdany ákiminiń orynbasary, Qaraǵandy oblysy ákiminiń apparat basshysynyń orynbasary; Qaraǵandy oblysy ákimi apparatynyń basshysy qyzmetterin atqardy.
2023 jyldyń aqpan aıynan bastap Astana qalasy ákimi apparatynyń basshysy.
