16 qazan. Tulǵalar týǵan kún
Búgin, 16 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
71 jyl buryn (1954) aqyn, jyrshy, manasshy, rejısser, satırık, telejúrgizýshi Baıanǵalı Toqanuly ÁLІMJANOV dúnıege keldi.
Kókshetaý oblysynyń Stepnıak qalasynda týǵan. QazMÝ-dyń fılologııa fakýltetin bitirgen (1977).
S. Muqanovtyń murajaıynda, «Lenınshil jas» (qazirgi «Jas alash»), «Qazaq ádebıeti», «Kitap jarshysy» gazetterinde, «Qazaqfılm» kınostýdııasynda, «Baldyrǵan», «Juldyz» jýrnaldarynda, «Kókshetaý pravdasy» gazetinde, Eńbekshilder aýdandyq mádenıet bóliminde, Sh. Qusaıynov atyndaǵy Kókshetaý oblystyq qazaq drama teatrynda qyzmet istegen. «Pań Nurmaǵambet» kınostýdııasynyń dırektory jáne kórkemdik jetekshisi. 1984 jyldan beri respýblıkalyq, oblystyq deńgeıde ótken aıtystarda saıysqa túsip, jeńimpaz jáne júldeger atanǵan.
«Qıqymattyń hıkaıalary» (1982), «Uıa» (1985), «Jyndy Qarataıdyń qasıeti» (2000), «Qıqymattyń qıssasy» (1989), «Aýyldyń aq samaly» (2003), «Alash pen Manas» (2004), «Ázil shýaǵy» (2004), «Degen eken» (2005) atty kitaptardyń, «Qudalyq», «Qojanasyr», «Qaıran kempir-shaldar-aı», «Erkegi bar bolǵyr», «Jolbarys pen Ponı», «Altyn noqta», «Qazaqy saılaý», «Jas qazaq», «Qazannan kelgen qyzǵaldaq» atty pesalardyń avtory. «Jyraýlar», «Asyldyń synyǵy», «Palýan» atty derekti fılmderdiń, «Án men anasha» atty kórkem fılmniń stsenarııin jazǵan.
«Eren eńbegi úshin» (2000), «Qazaqstannyń Eńbek sińirgen qaıratkeri» (2006) medaldarymen marapattalǵan. Qyrǵyzstan Respýblıkasy Kompozıtorlar odaǵynyń A. Maldybaev atyndaǵy Halyqaralyq syılyǵynyń laýreaty, aıtysta 22 ret gran-prı ıelengen.
71 jyl buryn (1954) Soltústik Qazaqstan oblystyq máslıhatynyń tóraǵasy Vladımır Stepanovıch BÝBENKO dúnıege keldi.
Soltústik Qazaqstan oblysy Býlaev aýdany, Nadejka aýylynda týǵan. 1976 jyly Tselınograd aýyl sharýashylyǵy ınstıtýtyn bitirgen.
Eńbek joly: 1977-1986 jyldary Býlaev aýdany Kalının atyndaǵy keńshardyń aǵa dıspetcheri, MTM bastyǵy, bas ınjeneri, Býlaev aýdandyq komsomol komıtetiniń birinshi hatshysy, 1986-1995 jyldary Sokolov aýdandyq RAPO tóraǵasynyń orynbasary, tóraǵasy, 1995-1997 jyldary Sokolov aýdany ákiminiń birinshi orynbasary, 1997-2003 jyldary Qyzyljar aýdany ákiminiń orynbasary, 2003-2004 jyldaryQyzyljar aýdanynyń ákimi, 2004-2007 jyldary Soltústik Qazaqstan oblysy, Petropavl qalasy ákiminiń aýyl sharýashylyǵy jáne jer qatynastary bólimi basshysynyń birinshi orynbasary, Qyzyljar aýdany ákiminiń orynbasary, 2007-2010 jyldary Esil aýdanynyń ákimi, 2010-2013 jyldary M.Jumabaev aýdany ákimi, 2013-2014 jyldary Soltústik Qazaqstan oblysy Mamlıýt aýdanynyń ákimi, 2014-2016 jyldary Soltústik Qazaqstan oblysy ákiminiń orynbasary, 2016-2023 jyldary Soltústik Qazaqstan oblystyq máslıhatynyń hatshysy bolyp qyzmet atqarǵan.
2023 jyldyń naýryz aıynan beri qazirgi qyzmetinde.
«Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl», «Tynǵa 50 jyl» medaldarymen marapattalǵan.
50 jyl buryn (1975) Astana qalasy ákimi apparatynyń basshysy Dáýlat Zatuly EShKEEV dúnıege keldi.
Qaraǵandy memlekettik ýnıversıtetin ekonomıst mamandyǵy boıynsha bitirgen (1996); Qaztutynýodaǵy Qaraǵandy ekonomıkalyq ýnıversıteti, «zańger» mamandyǵy; Ekonomıka ǵylymdarynyń magıstri (2014).
Eńbek joly: keden organdarynda jumys istegen, Qaraǵandy oblysy ákiminiń apparat basshysy; Qazybek bı atyndaǵy aýdan ákiminiń orynbasary, Qaraǵandy oblysy ákimi apparaty basshysynyń orynbasary, 2020-2023 jyldary Qaraǵandy oblysy ákimi apparatynyń basshysy bolyp qyzmet atqarǵan.
2023 jyldyń aqpan aıynan beri qazirgi qyzmetinde.
48 jyl buryn (1977) Qazaqstan Respýblıkasynyń Gonkong jáne Makao AÁA-daǵy Bas konsýly Baýyrjan Baqbergenuly DOSMANBETOV dúnıege kelgen.
Qazaq memlekettik zań ýnıversıtetin quqyqtaný mamandyǵy boıynsha (1999), QR SІM Dıplomatııalyq akademııasyn halyqaralyq qatynastar mamandyǵy boıynsha (2001) bitirgen.
Eńbek joly: 2001 jyldan QR SІM júıesinde jumys istegen. 2012-2015 jyldary – QR SІM Ortalyq Azııa, Ońtústik Kavkaz jáne Túrkııa departamentiniń jáne Ázerbaıjan Respýblıkasyndaǵy QR Elshiliginiń Keńesshisi, 2015-2017 jyldary Ázerbaıjan Respýblıkasyndaǵy QR Elshiliginiń Keńesshi-ýákili, 2017-2019 jyldary QR SІM Eýrazııalyq ıntegratsııa departamenti dırektorynyń orynbasary boldy. 2019-2023 jyldary Qazaqstan Respýblıkasynyń Sankt-Peterbýrg qalasyndaǵy Bas konsýly, 2023-2025 jyldary Qazaqstan Respýblıkasynyń Samarqandaǵy Bas konsýly laýazymyn atqarǵan.
2025 jyldyń sáýir aıynan bastap qazirgi qyzmetinde.
48 jyl buryn (1977) Qazaqstan Respýblıkasy Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary Gúlmıra Saılaýbekqyzy QARAÝYLOVA dúnıege keldi.
Taraz qalasynda týǵan. 1999 jyly M.H. Dýlatı atyndaǵy Taraz memlekettik ýnıversıtetin «Halyqaralyq ekonomıkalyq qatynastar» mamandyǵy boıynsha bitirdi. 2009 jyly Halyqaralyq bıznes ýnıversıtetin «Ekonomıka» mamandyǵy boıynsha bitirdi, ekonomıka magıstri. 2014 jyly Qazaqstan Respýblıkasy Prezıdenti janyndaǵy Memlekettik basqarý akademııasyn «Saıasattaný» mamandyǵy boıynsha bitirdi, áleýmettik bilim magıstri.
Eńbek joly:1994-2000 jyldary «Baılanys-qurylysshy» MAK Jambyl fılıalynda, «Taraztýrıst» JShS-de jumys istedi. 2000-2001 jyldary QR Statıstıka agenttigi Áleýmettik jáne demografııalyq statıstıka departamentiniń Áleýmettik statıstıka jáne úı sharýashylyǵyn zertteý basqarmasy Halyqtyń turmys deńgeıi statıstıkasy bóliminiń jetekshi mamany, 2001-2002 jyldary «Qazaqstan Respýblıkasy Statıstıka agenttiginiń Aqparattyq-esepteý ortalyǵy» RMK Úı sharýashylyqtary statıstıkasyn aqparattyq qamtamasyz etý bóliminiń mamany, 2003 jyly QR Ekonomıka jáne bıýdjettik josparlaý mınıstrligi Áleýmettik salasynyń shyǵystardy josparlaý departamenti Bilim, ǵylym, mádenıet, sport jáne BAQ basqarmasynyń Mádenıet, sport jáne BAQ bóliminiń jetekshi mamany, 2007-2009 jyldary QR Statıstıka agenttigi Áleýmettik jáne demografııalyq statıstıka departamenti Áleýmettik statıstıka basqarmasynyń bas mamany, sarapshysy laýazymdarynda jumys istedi. 2009-2010 jyldary QR Statıstıka agenttigi Eńbek statıstıkasy jáne úı sharýashylyqtaryn zertteý departamenti Úı sharýashylyqtaryn zertteý basqarmasynyń sarapshysy, bas sarapshysy, 2010-2011 jyldary QR Statıstıka agenttigi Eńbek jáne turmys deńgeıi statıstıkasy departamenti Turmys deńgeıi statıstıkasy basqarmasynyń bas sarapshysy, bastyǵy, 2011-2014 jyldary QR Statıstıka agenttigi Eńbek jáne turmys deńgeıi statıstıkasy departamenti Úı sharýashylyqtaryn zertteý basqarmasynyń basshysy, 2014-2020 jyldary QR Ulttyq ekonomıka mınıstrligi Statıstıka komıteti Áleýmettik jáne demografııalyq statıstıka basqarmasynyń bas sarapshysy, basshysy, Qyzmet kórsetý jáne energetıka statıstıkasy basqarmasynyń basshysy bolyp qyzmet atqarǵan. 2020-2021 jyldary QR Strategııalyq josparlaý jáne reformalar agenttigi Ulttyq statıstıka bıýrosy Qyzmet kórsetý jáne energetıka statıstıkasy basqarmasynyń basshysy, 2021-2025 jyldary QR Strategııalyq josparlaý jáne reformalar agenttigi Ulttyq statıstıka bıýrosy Qyzmet kórsetý jáne energetıka statıstıkasy departamenti dırektorynyń orynbasary, dırektory laýazymyn atqarǵan.
Qazirgi qyzmetin 2025 jylǵy sáýirden beri atqaryp keledi.
Qazaqstan Respýblıkasynyń Qurmet gramotasymen, «Statıstıka úzdigi» tósbelgisimen, «Eren eńbegi úshin» medalimen marapattalǵan.