16 qańtar. Tulǵalar týǵan kún
Búgin, 16 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
58 jyl buryn (1966) Qazaqstannyń Chehııadaǵy Elshisiniń keńesshisi Birjan Bısekenuly QANEShEV dúnıege keldi.
Reseıdiń Saratov oblysynda týǵan. Saratov polıtehnıkalyq ınstıtýtyn, Qazaqstan Respýblıkasy Prezıdenti janyndaǵy ulttyq joǵary memlekettik basqarý mektebin, AQSh-taǵy Massachýsets tehnologııalyq ýnıversıteti A.Sloýn atyndaǵy menedjment mektebin bitirgen.
1990-1994 jyldary Saratov oblystyq avtokólik paıdalaný kásipornynyń esepshisi, kásiporyn dırektorynyń orynbasary, 1994-1997 jyldary Oral qalalyq ákimshiliginiń bólim meńgerýshisi, Batys Qazaqstan oblystyq ákimshiligi ónerkásip jáne qarjy bólimi meńgerýshisiniń orynbasary, «Bóbek» balalar qorynyń Batys Qazaqstan ókildiginiń atqarýshy dırektory, 1997-1999 jyldary QR Strategııalyq josparlaý agenttiginiń bas mamany, bólim bastyǵy, strategııalyq josparlaý jónindegi departament basqarmasynyń bastyǵy, QR Strategııalyq josparlaý jáne reformalar jónindegi agenttigi strategııalyq josparlaý jáne baqylaý departamenti dırektorynyń orynbasary bolyp jumys istedi. 1999-2001 jyldary QR kólik jáne kommýnıkatsııa vıtse-mınıstri, QR kólik jáne kommýnıkatsııa mınıstrligi baılanys jáne aqparat jónindegi komıtettiń tóraǵasy, 2001-2003 jyldary QR Qaýipsizdik keńesi hatshylyǵynyń meńgerýshisi, QR Prezıdenti Ákimshiligi ishki saıasat bóliminiń meńgerýshisi, 2003-2004 jyldary QR Aqparattandyrý jáne baılanys jónindegi agenttik tóraǵasy, 2007-2008 jyldary QR Syrtqy ister mınıstrligi halyqaralyq aqparattandyrý komıtetiniń tóraǵasy, «Samuryq» memlekettik aktıvterin basqarý jónindegi Qazaqstan holdıngi» AQ atqarýshy dırektory qyzmetin atqardy. 2008-2009 jyldary Batys Qazaqstan oblysy ákiminiń orynbasary, 2008-2012 jyldary «Samuryq-Qazyna» ulttyq ál-aýqat qory» AQ basqarma tóraǵasynyń keńesshisi, 2012-2013 jyldary Mańǵystaý oblysy ákiminiń orynbasary boldy. 2013-2014 jyldary QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń tóraǵasy, 2017-2017 jyldary QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń tóraǵasy, 2017-2021 jyldary «KAZAKHINVEST» Ulttyq kompanııasy» AQ basqarmasy tóraǵasynyń orynbasary qyzmetin atqardy.
«Qurmet» ordenimen, «Qazaqstan Respýblıkasynyń Táýelsizdigine 10 jyl» mereıtoılyq medalimen, «temirjol kóliginiń 100 jyldyǵy» medalimen marapattalǵan.
56 jyl buryn (1968) Qazaqstan Respýblıkasy Eńbek jáne halyqty áleýmettik qorǵaý mınıstri Svetlana Qabykenqyzy JAQYPOVA dúnıege keldi.
Qaraǵandy oblysynda týǵan. Tselınograd memlekettik pedagogıkalyq ınstıtýtyn, Almaty ekonomıka jáne statıstıka akademııasyn bitirgen.
Eńbek jolyn 1984 jyly Qaraǵandy oblysy Qaroı orta mektebiniń muǵalimi bolyp bastaǵan.
1991-1995 jyldary Tselınograd qalasyndaǵy orta mektepte matematıka pániniń muǵalimi bolyp eńbek etken. 1997-2008 jyldary «Zeınetaqy tóleý jónindegi ortalyǵy» respýblıkalyq memlekettik qazynalyq kásipornynyń aǵa mamany, bas mamany, bólim meńgerýshisi, dırektordyń orynbasary, dırektory laýazymdarynda jumys istegen.
2008-2011 jyldar aralyǵynda Eńbek jáne halyqty áleýmettik qorǵaý mınıstriliginiń Áleýmettik qorǵaý jáne áleýmettik saqtandyrý departamentiniń dırektory laýazymynda qyzmet atqarǵan. 2011-2013 jyldary «Ulttyq aqparattyq tehnologııalar» aktsıonerlik qoǵamynyń Jobalyq ofısi baǵdarlamasyn basqarǵan. 2013-2019 jyldary Eńbek jáne halyqty áleýmettik qorǵaý mınıstriniń orynbasary bolǵan.
2020-2023 jyldar aralyǵynda BUU Damý baǵdarlamasynyń Áleýmettik damý máseleleri jónindegi Ulttyq sarapshysy boldy. 2020 jyly Eńbek jáne halyqty áleýmettik qorǵaý mınıstrligi Áleýmettik saqtandyrý memlekettik qory bas dırektorynyń orynbasary laýazymyna taǵaıyndalǵan. 2023 jyly QR Prezıdenti janyndaǵy Halyqtyń áleýmettik jaǵynan osal sanattarynyń quqyqtary jónindegi ýákil boldy.
Qazirgi qyzmetin 2023 jyldyń 2 qyrkúıeginen bastap atqaryp keledi.
47 jyl buryn (1977) Qazaqstan Respýblıksy Eńbek jáne halyqty áleýmettik qorǵaý vıtse-mınıstri Erbol Dúısebaıuly OSPANOV dúnıege keldi.
Ońtústik Qazaqstan oblysynda dúnıege kelgen. 1998 jyly Ál-Farabı atyndaǵy Qazaq memlekettik ulttyq ýnıversıtetin «Qoldanbaly matematıka» mamandyǵy boıynsha, 2002 jyly Qazaq ulttyq agrarlyq ýnıversıtetin «Qarjy jáne nesıe» mamandyǵy boıynsha támamdaǵan.
Eńbek jolyn 1999 jyly «Kazgıprojeldortrans» temir jol kóliginiń nysandary men aqparattyq júıelerin jobalaýdyń qazaqstandyq tehnıkalyq-ekonomıkalyq zertteýler ınstıtýty» AQ-da 1-sanatty ınjener bolyp bastady. 2000-2001 jyldary «Kazgıprojeldortrans» temir jol kóliginiń nysandary men aqparattyq júıelerin jobalaýdyń qazaqstandyq tehnıkalyq-ekonomıkalyq zertteýler ınstıtýty» AQ fılıalynyń jetekshi ınjeneri, 2001-2006 jyldary «Qazaqstan temir jol kóligi ǵylymı-zertteý ınstıtýty» JShS jobalar jetekshisi bolyp jumys istedi. 2006-2007 jyldary «Qarjy júıelerin aqparattandyrý ortalyǵy» AQ aqparattyq júıelerdi ázirleý basqarmasynyń júıelik taldaý jáne bıznes josparlaý bóliminiń jetekshi ınjener-jobalaýshysy, 2007-2010 jyldary «Ulttyq aqparattyq tehnologııalar» AQ-da jumys istedi, onda memlekettik organdardyń AKT-bólimshelerin qurý departamentiniń bas mamany, memlekettik organdardyń AKT-bólimsheleriniń jumys isteýi jónindegi baǵdarlamanyń AKT-protsesteriniń bas menedjeri, quzyret ortalyǵy dırektorynyń orynbasary, quzyret ortalyǵynyń dırektory laýazymdaryn atqardy. 2010-2012 jyldary «Zerde» ulttyq ınfokommýnıkatsııalyq holdıngi» AQ basqarýshy dırektory, aqparattyq-kommýnıkatsııalyq tehnologııalardy damytý departamentiniń dırektory qyzmetterin atqardy. 2012-2016 jyldary «Zeınetaqy tóleý jónindegi memlekettik ortalyq» RMQK-da bas dırektordyń birinshi orynbasary, bas dırektordyń orynbasary bolyp jumys istedi. 2016-2020 jyldary «Eńbek resýrstaryn damytý ortalyǵy» AQ vıtse-prezıdenti, birinshi vıtse-prezıdenti, prezıdenti qyzmetterin atqardy.
Qazirgi qyzmetin 2020 jyldyń tamyz aıynan beri atqaryp keledi.
47 jyl buryn (1977) Aqtóbe oblysy prokýrorynyń birinshi orynbasary Talǵat Aıtbaıuly ÁLІBAEV dúnıege keldi.
Qyzylorda qalasynda týǵan. Qazaq memlekettik zań ýnıversıtetin, Quqyqtaný (1998); Kaspıı ınjınırıng jáne jańa tehnologııalar ýnıversıtetin, mýnıtsıpaldyq basqarýdy (2015); Reseı Federatsııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn bitirgen, iskerlik ákimshilendirý magıstri (2020).
Eńbek jolyn 1998 jyly Qyzylorda qalasy prokýrorynyń kómekshisi bolyp bastaǵan, ár jyldary Tselınnyı kólik prokýratýrasy bóliminiń aǵa prokýrory, Tselınnyı kólik prokýrorynyń kadrlar jónindegi aǵa kómekshisi, QR Bas prokýratýrasynyń memlekettik organdar qyzmetindegi zańdylyqty qadaǵalaý departamentiniń bólim prokýrory, bólimniń aǵa prokýrory, áleýmettik saladaǵy zańdylyqty qadaǵalaý bóliminiń bastyǵy, Mańǵystaý oblysy Aqtaý qalasynyń prokýrory, Nur-sultan qalasy «Esil» aýdanynyń prokýrory, Qyzylorda oblysy prokýrorynyń orynbasary bolyp qyzmet atqarǵan. 2019-2021 jyldary Qyzylorda oblysy prokýrorynyń birinshi orynbasary, 2021-2023 jyldary Pavlodar oblysy prokýrorynyń birinshi orynbasary qyzmetinde boldy.
2023 jyldyń qarasha aıynan bastap qazirgi qyzmetinde.
41 jyl buryn (1983) Qazaqstan Respýblıkasy Aýyl sharýashylyǵy vıtse-mınıstri Baǵlan Ábdashymuly BEKBAÝOV dúnıege keldi.
Ońtústik (qazirgi Túrkistan) oblysy Túrkistan qalasynda dúnıege kelgen. Q.A.ıAssaýı atyndaǵy Halyqaralyq qazaq-túrik ýnıversıtetin bitirgen, ınjener-baǵdarlamashy.
Eńbek joly: 2006-2007 jyldary «Qazaqstan UAT» AQ baǵdarlamashysy, 2007-2009 jyldary bas baǵdarlamashy, «Qazaqstan UAT» AQ BQ ázirleý bóliminiń bastyǵynyń m. a., 2009-2011 jyldary «Ulttyq aqparattyq tehnologııalar» AQ boıynsha damý jáne ázirleý departamenti dırektorynyń orynbasary, 2011-2014 jyldary BQ damytý jáne ázirleý departamentiniń dırektory, E-lıtsenzııalaý damý departamentiniń dırektory, 2014-2015 jyldary memlekettik organdardyń AJO damytý jónindegi dırektory, 2015-2017 jyldary «Ulttyq aqparattyq tehnologııalar» AQ elektrondyq qyzmetter jáne servıster jónindegi basqarma tóraǵasynyń orynbasary, 2017-2020 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary, 2021 jyly «UAT» AQ Basqarma tóraǵasynyń orynbasary, jeke kompanııanyń bas dırektory qyzmetin atqarǵan.
2021 jyldyń qarasha aıynan bastap qazirgi qyzmetinde.
39 jyl buryn (1985) «ForteBank» AQ Basqarma tóraǵasy Bekjan Oljauly PІRMATOV dúnıege keldi.
2005 jyly Qazaq ekonomıkalyq ýnıversıtetin Menedjment bakalavry dárejesimen támamdaǵan. 2009 jyly The George Washington University School of Business oqý ornynyń Jobalardy basqarý jónindegi magıstri atanǵan.
Eńbek joly: 2004 jyly «Bank Kaspııskıı» AQ korporatıvtik baılanystar bóliminiń menedjeri, 2005-2007 jyldary «TuranÁlem» Banki AQ halyqaralyq qatynastar jáne saýdany qarjylandyrý bóliminiń bas mamany, 2010-2015 jyldary kólik, telekommýnıkatsııa jáne logıstıka sektoryndaǵy korporatıvtik klıenttermen jumys jónindegi departamenttiń korporatıvtik dırektory, «HSBC Qazaqstan» AQ iri korporatıvtik klıenttermen jumys bóliminiń basshysy, 2015-2016 jyldary «Kazkommertsbank» AQ Korporatıvtik bıznes departamentiniń dırektory, 2016-2018 jyldary European Bank for Reconstruction and Development (EBRD), Principal banker, 2019 jyly «Tsesnabank» AQ basqarma tóraǵasy («First Heartland Jysan Bank» AQ bolyp ózgertildi) bolyp qyzmet atqarǵan. 2019-2020 jyldary «First Heartland Jysan Bank» AQ Dırektorlar keńesi tóraǵasynyń keńesshisi, 2019-2020 jyldary «First Heartland Jysan Invest» AQ basqarma tóraǵasy, 2020-2022 jyldary «ForteBank» AQ basqarma tóraǵasynyń orynbasary, basqarma múshesi, keıin «ForteBank» AQ basqarma tóraǵasynyń m.a. boldy.
Qazirgi qyzmetin 2022 jyldyń shildesinen bastap atqaryp keledi.
