16 aqpanda eldegi qaı joldarda qozǵalys shekteldi

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, qolaısyz aýa raıyna baılanysty tómendegi ýchaskelerde ýaqytsha qozǵalys shekteldi:

Aqtóbe oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojoly, 965-1240-shaqyrym (Qarabutaq aýyly – Qyzylorda oblysynyń shekarasy).

Qyzylorda oblysy

• osy avtojoldyń 1240-1362-shaqyrymy (Aqtóbe oblysynyń shekarasy – Aral qalasy).

Jetisý oblysy

• «Úsharal – Dostyq – QHR shekarasy» avtojoly, 84-164-shaqyrymy (Kóktuma stantsııasy – Dostyq stantsııasy).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, «Qazgıdromet» sınoptıkteri 16 aqpanda elimizdiń birneshe óńirinde aýa raıy kúrt buzylatynyn eskertti. Aldaǵy ýaqytta jańbyr men qar jaýyp, tuman túsip, kóktaıǵaq bolady, jel soǵyp, ekpini sekýndyna 15-20 metrge deıin jetedi.