16 aqpan. Týǵan kún ıeleri

NUR-SULTAN. QazAqparat – Búgin, ıaǵnı 16 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

89 jyl buryn (1933) fılosofııa ǵylymynyń doktory, professor, Qazaqstan Respýblıkasy Ulttyq ǵylym akademııasynyń akademıgi, Qazaq KSR Memlekettik syılyǵynyń laýreaty, Qazaqstan Respýblıkasynyń eńbek sińirgen ǵylym qaıratkeri, Prezıdenttiń beıbitshilik jáne rýhanı kelisim syılyǵynyń laýreaty Jabaıhan Múbarakuly ÁBDІLDIN dúnıege keldi.

Pavlodar oblysynda týǵan. Qazaq memlekettik ýnıversıtetin bitirgen. Qazaqstan Ǵylym akademııasy Fılosofııa jáne quqyq ınstıtýtynyń kishi, aǵa ǵylymı qyzmetkeri, bólim meńgerýshisi, dırektory bolǵan. 1984-1986 jyldary – Qazaqstan Ǵylym akademııasy Qoǵamdyq ǵylymdar bólimshesiniń akademık-hatshysy. 1986-1994 jyldary – Qazaqstan Ǵylym akademııasynyń vıtse-prezıdenti. 1996-2005 jyldary – Qazaqstan Respýblıkasy Parlamenti Senatynyń depýtaty, Halyqaralyq ister, qorǵanys jáne qaýipsizdik komıtetiniń tóraǵasy. 2005 jyldan Qazaqstan Respýblıkasy Prezıdentiniń Ákimshiligi bólimi meńgerýshisiniń orynbasary qyzmetin atqarǵan. L.N. Gýmılev atyndaǵy Eýrazııa ulttyq ýnıversıtetiniń professory.

2-shi dárejeli «Barys», «Eńbek Qyzyl Tý», «Qurmet belgisi» ordenderimen, medaldarmen marapattalǵan.

62 jyl buryn (1960) Qazaqstan Respýblıkasy Bas prokýrorynyń orynbasary Erlik Ábdiraqymuly KENENBAEV dúnıege kelgen.

Almaty oblysynda týǵan. S.M. Kırov atyndaǵy Qazaq memlekettik ýnıversıtetin bitirgen.

Eńbek joly: Jańaózen qalasy zań konsýltatsııasy advokatynyń taǵylymgeri, Shevchenko qalasy tergeýshisiniń taǵylymgeri, Mańǵystaý oblysy prokýratýrasynyń aǵa tergeýshisi (1985-1988); Taldyqorǵan oblysy Sarqan aýdany prokýratýrasynyń tergeýshisi (1988-1990); Mańǵystaý oblysy prokýrorynyń orynbasary, asa mańyzdy ister jónindegi tergeýshi, aýdanaralyq tabıǵatty qorǵaý prokýrory (1991-1998); Bas prokýratýra aldyn ala tergeý men anyqtaýdyń zańdylyǵyn qadaǵalaý departamenti bastyǵynyń orynbasary (1998-2000); Qaraǵandy oblysy prokýrorynyń birinshi orynbasary (2000-2002); Іshki ister mınıstrligi Tergeý departamentiniń bastyǵy (2002-2005); Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń orynbasary, Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń bastyǵy (2005-2007); Qazaqstan Respýblıkasy Prezıdenti Ákimshiligi Quqyq qorǵaý jáne sot júıesi máseleleri bóliminiń meńgerýshisi (2007-2008): Qazaqstan Respýblıkasy Qarjy mınıstrligi Kedendik baqylaý komıteti tóraǵasynyń orynbasary (2008-2009); Almaty oblysynyń prokýrory (2009-2012); Qazaqstan Respýblıkasy Іshki ister mınıstriniń orynbasary (2012-2014); Qazaqstan Respýblıkasy Prezıdenti Ákimshiligi Quqyq qorǵaý júıesi bóliminiń meńgerýshisi (2014-2016).

Qazirgi laýazymyn 2016 jyldyń maýsymynan beri atqaryp keledi.

ІІ dárejeli «Dańq» ordenimen (2013); «Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl» medaldarymen maparattalǵan.

51 jyl buryn (1971) Qazaqstan Respýblıkasy Parlament Senatynyń depýtaty, Áleýmettik-mádenı damý jáne ǵylym komıtetiniń múshesi Aqmaral Sháripbaıqyzy ÁLNAZAROVA dúnıege keldi.

Qyzylorda qalasynda týǵan. 1994 jyly Almaty memlekettik medıtsına ınstıtýtyn pedıatrııa mamandyǵy boıynsha, 2006 jyly Qorqyt ata ýnıversıtetin ekonomıst mamanydyǵy boıynsha bitirgen.

Eńbek joly: Qyzylorda qalalyq balalar aýrýhanasynyń qabyldaý bóliminiń dárigeri; Pedıatrııa jáne balalar hırýrgııasy ǵylymı ortalyǵynyń Qyzylorda fılıalynyń kishi ǵylymı qyzmetkeri (1997-1999); Qyzylorda oblystyq densaýlyq saqtaý basqarmasynyń bólim bastyǵy, basshynyń orynbasary (1999-2001); Qyzylorda oblystyq balalar aýrýhanasynyń bas dárigeri (2001-2003); Qyzylorda oblysy Densaýlyq saqtaý basqarmasynyń basshysy (2003-2004); QR Densaýlyq saqtaý mınıstrligi Medıtsınalyq qyzmet kórsetý salasyndaǵy Baqylaý komıtetiniń oblystyq basqarmasynyń basshysy (2005-2007); Qyzylorda medıtsınalyq kolledjiniń dırektory (2007-2013); Qyzylorda oblysy ákiminiń orynbasary (2013-2015); Qyzylorda oblysynyń Densaýlyq saqtaý basqarmasynyń basshysy (2015-2019); «Nur Otan» partııasy Qyzylorda oblystyq fılıaly tóraǵasynyń birinshi orynbasary (2019-2020).

Qazirgi qyzmetinde 2020 jyldyń tamyz aıynan beri.

«Qurmet» ordenimen, «Shapaǵat», «Astanakǵa 10 jyl» medaldarymen, «QR densaýlyq saqtaý isiniń úzdigi» tósbelgisimen marapattalǵan.

51 jyl buryn (1971) «Azyq-túlik kelisim shart korporatsııasy» Ulttyq kompanııasy» AQ basqarma basshysynyń orynbasary Qanat Serikuly QARAÝYLOV dúnıege keldi.

Tselınograd oblysy Atbasar qalasynda týǵan. Qazaq tutyný kooperatsııasy ınstıtýtyn qarjy jáne nesıe mamandyǵy boıynsha jáne RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń magıstratýrasyn memlekettik jáne mýnıtsıpaldyq basqarý mamandyǵy boıynsha bitirgen.

Eńbek jolyn 1999 jyly bastaǵan. «QazAgro» UBH» AQ enshiles uıymdarynda («Azyq-túlik kelisim-shart korporatsııasy» UK» AQ, «QazAgroKepil» AQ) basshylyq jáne basqarýshylyq laýazymdarynda, ortalyq memlekettik jáne jergilikti atqarýshy organdarda memlekettik qyzmette basshylyq laýazymdarda jumys istedi. 2019 jyldyń shilde aıynan bastap «Azyq-túlik kelisim shart korporatsııasy» UK» AQ Basqarma tóraǵasy bolyp saılanǵanǵa deıin «QazAgro» UBH» AQ Basqarýshy dırektory – Basqarma múshesi laýazymyn atqardy. 2019 jylǵy 18 qazannan bastap – «Azyq-túlik kelisim shart korporatsııasy» UK» AQ Basqarma tóraǵasy.

2021 jyldyń shildesinen bastap qazirgi qyzmetinde.

46 jyl buryn (1976) Qazaqstan kásipkerleriniń quqyqtaryn qorǵaý jónindegi ýákil Rýstam Manarbekuly JÚRSІNOV dúnıege keldi.

Óskemen qalasynda týǵan. 1998 jyly Qazaq memlekettik zań ýnıversıtetin zańger mamandyǵy boıynsha, 2000 jyly Qazaq Memlekettik Basqarý Akademııasyn ekonomıst mamandyǵy boıynsha, 2013 jyly «SKOLKOVO» Máskeý basqarý mektebin bitirgen.

Eńbek joly: «Qazmyrysh» AAQ prezıdenti apparatynyń kishi zańgeri (1996-1997); «Imantaý» JShS baǵaly qaǵazdar jónindegi mamany, «Qarjy jáne salyq jónindegi agenttiktiń» salyqtar jónindegi zańger (1997-1998); «GRATA» zań fırmasynyń zańgeri (1998-1999); quqyqtyq saraptama bólimi bastyǵynyń orynbasary (1999-2000); daýly máseleler jáne túsindirýler bóliminiń bastyǵy (2000-2001); Qazaqstan Respýblıkasy Memlekettik kirister mınıstrliginiń Zańnama basqarmasynyń bastyǵy (2001-2002); Qazaqstan Respýblıkasy Memlekettik kirister mınıstrliginiń Zań departamenti dırektorynyń orynbasary (2002); «GRATA» zań fırmasynyń seriktesi (2002-2003); «QazMunaıTeńiz»TMK» JAQ jobalardy quqyqtyq súıemeldeý departamenti dırektorynyń orynbasary (2003); «QazMunaıGaz-Konsaltıng» AQ quqyqtyq konsaltıng jónindegi ptqarýshy dırektory (2003-2007); «QazMunaıGaz-Konsaltıng» AQ prezıdenti (2007-2009); «QazMunaıGaz» BÓ» AQ quqyqtyq máseleler jónindegi basqarýshy dırektory (2009-2011); «Samuryq-Qazyna» UÁQ» AQ Zań departamentiniń basshysy (2003 2011-2012); «KAZENERGY» qaýymdastyǵy» zańdy tulǵalar birlestiginiń quqyqtyq máseleler jónindegi atqarýshy dırektory (2012-2015); «Atameken» Ulttyq kásipkerler palatasy Basqarma tóraǵasynyń orynbasary (2015-2020).

Qazirgi qyzmetinde 2020 jylǵy aqpannan beri.

«Qazaqstan Respýblıkasynyń táýelsizdigine 25 jyl» mereıtoılyq medalimen, QR Premer-Mınıstriniń, QR Memlekettik kirister mınıstriniń, «Samuryq-Qazyna»AQ Basqarma tóraǵasynyń Qurmet gramotalarymen jáne alǵys hattarymen marapattalǵan.

41 jyl buryn (1981) Túrkistan qalasy mamandandyrylǵan ákimshilik sotynyń tóraǵasy Nurbol Álıaqparuly EShPANOV dúnıege keldi.

Ońtústik Qazaqstan oblysy Leńgir qalasynda týǵan. Qazaq gýmanıtarlyq-zań ýnıversıtetin bitirdi, zańger (2000).

Eńbek joly: Almaty qalalyq sotynda sot prıstavy, maman, jetekshi maman (2002-2005); Ońtústik Qazaqstan oblystyq sotynda jetekshi maman – sot otyrysynyń hatshysy, bas maman – sot otyrysynyń hatshysy (2005-2008); Almaty qalalyq sotynyń bas mamany (01.2008-12.2008); Shymkent qalasy Eńbekshi aýdandyq sotynda sot (2008-2014); OQO Saryaǵash aýdany №2 aýdandyq sotynyń tóraǵasy (2014); Túrkistan oblysy Keles aýdandyq sotynyń tóraǵasy.

Qazirgi qyzmetinde – 2019 jyldyń shilde aıynan.