150 medıtsına qyzmetkeri Konstıtýtsııanyń 25 jyldyǵy merekelik medalimen marapattaldy
Marapattaý rásiminde Densaýlyq saqtaý mınıstri Alekseı Tsoı elimizdiń konstıtýtsııalyq damýynyń biregeı tujyrymdamasyn qalyptastyrýda Qazaqstan Respýblıkasynyń Tuńǵysh Prezıdenti–Elbasy Nursultan Nazarbaevtyń eńbegi zor ekendigin atyp ótti. Elimizdiń basty Zańy Elbasynyń ınstıtýtsıonaldyq reformalary men saıası bastamalaryn qamtıdy.
«Konstıtýtsııamyzda adam, onyń ómiri, quqyǵy men bostandyqtary syndy eń joǵary qundylyqtar bekitilgen jáne azamattardyń múddesine qyzmet etedi. Elimizdiń negizgi Zańy halyqtyń densaýlyq saqtaý syndy basty quqyǵyn qorǵaıdy. Basty quqyqtyq qujattyń 29-babynda azamattardyń tegin kepildendirilgen medıtsınalyq kómek alý quqyǵy bekitilgen», - dedi A. Tsoı.
Merekelik kúnge oraı elimizdiń Prezıdenti Qasym-Jomart Toqaev 150 medıtsına qyzmetkerin, Densaýlyq saqtaý mınıstrliginiń qyzmetkerlerin jáne óńirlerdegi densaýlyq saqtaý júıesi ókilderin Konstıtýtsııanyń 25 jyldyǵyna arnalǵan merekelik medalmen marapattaý týraly Jarlyqqa qol qoıdy.
Merekelik medal «Dárilik zattar men medıtsınalyq buıymdardy saraptaý ulttyq ortalyǵy» Bas dırektory-Basqarma tóraǵasy Erik Baıjúnisovke, Mindetti áleýmettik medıtsınalyq saqtandyrýdy úılestirý departamentiniń dırektory Gúljan Shaıhybekovaǵa, ALMAU Densaýlyq saqtaý menedjerlerin daıarlaý boıynsha oqytýshy Tatıana Issykke, Dári-dármekpen qamtamasyz etý jáne standarttaý departamentiniń dırektory Aleksandr Kostıýkke, Qoǵamdyq densaýlyq saqtaý saıasaty departamenti qoǵamdyq densaýlyq saqtaý basqarmasynyń basshysy Gúlnar Qusbekova, medıtsınalyq-áleýmettik kómek departamenti áleýmettik mańyzy bar aýrýlar kezinde medıtsınalyq kómek basqarmasynyń basshysy Gúlnar Maqsutova, Qoǵamdyq densaýlyq saqtaý saıasaty departamenti qoǵamdyq densaýlyq saqtaý basqarmasynyń bas sarapshysy Rabıǵa Mılybaeva, medıtsınalyq-áleýmettik kómek departamenti medıtsınalyq ońaltý basqarmasynyń bas sarapshysy Gúlzıra Tájibaeva jáne Densaýlyq saqtaý mınıstrligi men vedomstvoǵa qarasty uıymdardaǵy birqatar mamandarǵa tabystaldy.
Saltanatty jıynǵa merekelik medalǵa ıe bolǵan qyzmetkerlerdiń tórteýi ǵana qatysty, qalǵandary Webex boıynsha qashyqtan marapattaldy.
QR Prezıdentiniń 2020 jylǵy 20 tamyzdaǵy № 387 Jarlyǵyna sáıkes QR Densaýlyq saqtaý mınıstrligi boıynsha jalpy 150 adam, onyń ishinde ortalyq apparattan 17, Komıtet jáne onyń aýmaqtyq bólimshelerinen 47 adam, vedomstvoǵa qarasty uıymnyń 86 ókili marapattaldy.