150 adam áýejaıdaǵy termınal arqyly qaryzdarynan qutyldy
Aıta keterligi, búgin Úkimet úıinde «100 naqty qadam» Ult josparynyń iske asyrylý barysyna arnalǵan baspasóz máslıhatynda Ádilet mınıstriniń orynbasary Janat Eshmaǵambetov atqarý qujattaryn elektrondyq formatta alý jáne sottyń qaýlylaryn elektrondy túrde sanktsııalaý bóliginde Joǵarǵy sot pen Іshki ister mınıstrliginiń aqparattyq júıeleri biriktirilgendigin aıtqan bolatyn.
«Atqarýshylyq is júrgizýler boıynsha qaryz somasyn bes halyqaralyq áýejaılarda, atap aıtqanda Astana, Almaty, Qaraǵandy, Shymkent jáne Aqtaýda ornalasqan termınaldar men Qazposhtanyń barlyq kassalyq bólimsheleri arqyly tóleý múmkindigi iske asyryldy. Atalǵan qyzmet boryshkerlerge sot oryndaýshysymen baılanysqa shyqpaı qaryz somasyn tóleýge múmkindik berdi. Júıe óndiristi avtomatty túrde toqtatady jáne shyǵýǵa qoıylǵan shekteýdi 30-40 mınýt ishinde sheshedi»,- dedi Eshmaǵambetov.
