15 jeltoqsan kúni Astanada ótetin mańyzdy sharalar ańdatpasy

Kazinform halyqaralyq aqparat agenttigi 15 jeltoqsan kúni Astanada ótetin mádenı jáne qoǵamdyq mańyzdy is-sharalar ańdatpasyn usynady. 

9.45-te Túrki Akademııasy ázerbaıjandyq ǵalym, kórnekti túrkolog, akademık Zııa Býnııatovtyń týǵanyna 100 jyl tolýyna arnalǵan «Akademık Zııa Býnııatov jáne onyń túrkitanýǵa qosqan úlesi» atty basqosý ótkizedi.

10.00-de EXPO halyqaralyq kórme ortalyǵynda «Jańa jyl Fest&Gastromania» jańajyldyq jármeńke-festıvaliniń ashylýy ótedi.

11.30-da Astana Hub ortalyǵynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń qatysýymen «Tsıfrlyq damý mınıstrliginiń tsıfrlary: jyl qorytyndysy» atty BAQ ókilderine arnalǵan brıfıng ótedi.

12.00-de «Astana» halyqaralyq qarjy ortalyǵynda BAQ-qa arnalǵan baspasóz konferentsııasy ótedi, onda QR saýda jáne ıntegratsııa mınıstri Arman Shakqalıev taýar bırjalarynyń damýy týraly áńgimeleıdi.

15.00-de QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń tapsyrmasyn oryndaý sheńberinde zııandy eńbek jaǵdaılarynda jumys isteıtin jumyskerlerge arnaıy áleýmettik tólem engizý týraly» baspasóz máslıhaty ótedi. Spıker: QR Eńbek jáne halyqty áleýmettik qorǵaý mınıstri Jaqypova Svetlana Qabykenqyzy. Silteme: https://www.youtube.com/user/ortcomkz https://ru-ru.facebook.com/ortcomkz

19.00-de Qalıbek Qýanyshbaev atyndaǵy memlekettik akademııalyq qazaq mýzykalyq drama teatrynda «Altaıdan aýǵan el» dramasy qoıylady.

19.00-de Ázirbaıjan Mámbetov atyndaǵy memlekettik drama jáne komedııa teatrynda «Ana úmiti» qoıylymynyń premerasy ótedi.

19.00-de Jas kórermenderdiń mýzykalyq teatrynda «Únsizdik» perfomansy qoıylady.