15 shilde. Tulǵalar týǵan kún
Búgin, 15 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
78 jyl buryn (1947) «Turǵyn úı kommýnaldyq sharýashylyqty jańǵyrtý jáne damytý qazaqstandyq ortalyǵy» AQ dırektorlar keńesiniń tóraǵasy Seıitsultan Súleımenuly AIYMBETOV dúnıege keldi.
Qyzylorda oblysy Syrdarııa aýdany, Jetikól keńsharynda týǵan. 1969 jyly Almaty halyq sharýashylyǵy ınstıtýtyn bitirgen.
Eńbek joly: 1969-1981 jyldary QazKSR Qarjy mınıstrliginiń baqylaý-tekserý basqarmasy jergilikti bıýd-jetterdi jáne bıýdjettik uıymdardy tekserý bóliminiń baqylaýshy-tekserýshisi, aǵa baqylaýshy-tekserýshi, bas baqylaýshy-tekserýshi, bólim bastyǵy, 1981-1990 jyldary QazKSR Qarjy mınıstrliginiń baqylaý-tekserý basqarmasy bastyǵynyń orynbasary, 1990-1991 jyldary QazKSR Qarjy mınıstrliginiń agroónerkásip keshenin qarjylandyrý basqarmasynyń bastyǵy, 1991-1992 jyldary QazKSR Qarjy mınıstrliginiń Bas bıýdjet basqarmasynyń bastyǵy, 1992-1995 jyldary QR Memlekettik qarjylyq baqylaý komıtetiniń tóraǵasy, 1995-1996 jyldary — QR Halyqty áleýmettik qorǵaý mınıstri qyzmetin atqarǵan. 1996-1997 jyldary QR Eńbek jáne halyqty áleýmettik qorǵaý mınıstriniń birinshi orynbasary, 1997-1998 jyldary «Qazaqstanaýdıt» AK prezıdentiniń keńesshisi, 1998-2001 jyldary QR Prezıdentiniń Ákimshiligi Uıymdastyrý-baqylaý bóliminiń memlekettik ınspektory, 2001-2002 jyldary QR Premer-Mınıstri Keńsesi Basshysynyń orynbasary, 2002 jyly QR Ádilet vıtse-mınıstri laýazymyn atqarǵan. 2002-2007 jyldary QR Prezıdentiniń Ákimshiligi Uıymdastyrý-baqylaý bóliminiń memlekettik ınspektory qyzmetinde boldy.
«Qurmet» jáne «Parasat», ІІІ dárejeli «Parasat» ordenderimen, merekelik medaldarmen marapattalǵan.
67 jyl buryn (1958) QR Ǵylym jáne joǵary bilim mınıstrligi Ulttyq testileý ortalyǵynyń dırektory Bolatbek Serikbaıuly ÁBDІRASYLOV dúnıege keldi.
Bıologııa ǵylymdarynyń doktory, fızıka-matematıka ǵylymdarynyń kandıdaty. QR Ulttyq ǵylym akademııasynyń qurmetti akademıgi, QR jaratylystaný ǵylymdary akademııasynyń, Reseı jaratylystaný ǵylymdary akademııasynyń, Halyqaralyq joǵary mektep akademııasynyń akademıgi. N. V. Gogol atyndaǵy Qyzylorda pedagogıka ınstıtýtyn jáne Máskeý Ekonomıka jáne statıstıka ýnıversıtetiniń Qashyqtan oqytý ınstıtýtyn bitirgen.
Eńbek joly: 1980-1986 jyldary Máskeý oblysyndaǵy KSRO ǴA Bıofızıka ınstıtýtynyń stajer-zertteýshisi, aspıranty, 1986-1994 jyldary N.Gogol atyndaǵy Qyzylorda pedagogıka ınstıtýtynyń oqytýshysy, dotsenti, dekany, prorektory, 1994-1996 jyldary Reseı ǴA Jasýsha bıofızıkasy ınstıtýtynyń aǵa ǵylymı qyzmetkeri, 1996-2000 jyldary Qorqyt Ata atyndaǵy Qyzylorda ýnıversıtetiniń birinshi prorektory, rektory qyzmetin atqarǵan. 2000-2001 jyldary QR Memlekettik qyzmet isteri agenttiginiń Aqparat jáne testileý ortalyǵynyń dırektory, 2001-2004 jyldary QR Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń dırektory, 2004-2007 jyldary QR Bilim jáne ǵylym mınıstrligi Bilim jáne ǵylym salasyndaǵy qadaǵalaý men attestatsııalaý komıtetiniń tóraǵasy, 2007-2010 jyldary QR Prezıdenti Ákimshiliginiń memlekettik ınspektory, 2010 — 2012 jyldary QR Bilim jáne ǵylym mınıstrliginiń jaýapty hatshysy, 2012 — 2016 jyldary QR Prezıdentiniń janyndaǵy Memlekettik basqarý akademııasynyń rektory, 2017-2018 jyldary QR Bilim jáne ǵylym mınıstrligi Ǵylym komıtetiniń tóraǵasy, 2018-2021 jyldary Qoja Ahmet ıAsaýı atyndaǵy halyqaralyq qazaq-túrik ýnıversıtetiniń rektory laýazymyn atqarǵan.
2024 jyldyń aqpan aıynan bastap qazirgi qyzmetinde.
«Qurmet» ordenimen nagradtalǵan. Reseı Jaratylystaný ǵylymdary akademııasynyń P. L. Kapıtsa atyndaǵy estelik medalimen marapattalǵan.
59 jyl buryn (1966) «Qazaqstan qurylysshylar odaǵy» zańdy tulǵalardyń respýblıkalyq birlestiginiń tóraǵasy Talǵat Faızýllıuly ERǴALIEV dúnıege keldi.
Tselınograd oblysynda dúnıege kelgen. Agrotehnıkalyq ýnıversıtetti bitirgen, ınjener-mehanık.
Eńbek joly: «Pýt Lenına» sovhozynda mehanızator (1983-1984); QazATÝ QSıPO oqytýshysy, fakýltet dekanynyń orynbasary (1991-1992); saýda kompanııasynyń dırektory (1993-1999); Qarashyǵanaq ken ornyndaǵy qurylysta ártúrli laýazymdarda jumys isteý (1999-2001); «Birjolǵy talondar berý ortalyǵy» MKQK dırektory (2002-2003); «Metallstroıservıs» JShS dırektory (2003-2004); qurylys kompanııasynda joba jetekshisi (2004); qurylys kompanııasynyń basshysy (2007-2010); Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi (2012-2016).
«Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń Konstıtýtsııasyna 20 jyl» (2015) medaldarymen, «Atameken» UPT-nyń «Іske adaldyǵy úshin», «Qazaqstan Respýblıkasynyń Táýelsizdigine 30 jasta» (2021) medaldarymen marapattalǵan.
54 jyl buryn (1971) Shyǵys Qazaqstan oblysy Іshki ister departamentiniń bastyǵy Erlan Bolatuly OMARBEKOV dúnıege keldi.
Semeıde týǵan. Qazaq memlekettik zań akademııasyn bitirgen.
Eńbek joly: Shyǵys Qazaqstan oblysy ІІD kúzet basqarmasynyń qorǵasyn-myrysh zaýytyn kúzetý boıynsha jeke polıtsııa batalonynyń polıtseıi; Іshki ister mınıstrligi Krımınaldyq polıtsııa departamenti Shyǵys óńirlik uıymdasqan qylmysqa qarsy kúres basqarmasynyń jedel jumys bóliminiń jedel ýákili (2003-2005); Іshki ister mınıstrligi Asa qaýipti qylmystarǵa qarsy kúresti úılestirý ortalyǵynyń asa mańyzdy ister jónindegi aǵa jedel ýákili (2005-2006); Іshki ister mınıstrligi Krımınaldyq polıtsııa komıtetiniń asa mańyzdy ister jónindegi aǵa jedel ýákili (2006-2007); Іshki ister mınıstrligi Krımınaldyq polıtsııa komıtetiniń Uıymdasqan qylmysqa qarsy kúres departamenti bastyǵynyń orynbasary (2007-2009); Qaraǵandy oblysy Іshki ister departamenti Uıymdasqan qylmysqa qarsy kúres basqarmasynyń bastyǵy (2009-2012); Іshki ister mınıstrligi Krımınaldyq polıtsııa komıteti tóraǵasynyń orynbasary (2012-2013); Qaraǵandy oblysynyń polıtsııa departamenti bastyǵynyń birinshi orynbasary (2013-2018); Іshki ister mınıstrligi Krımınaldyq polıtsııa departamenti bastyǵynyń orynbasary (2018-2021); Іshki ister mınıstrligi Esirtki qylmysyna qarsy kúres basqarmasynyń bastyǵy (2021-2022); Qostanaı oblysy polıtsııa basqarmasynyń bastyǵy (2022-2023).
2023 jyldyń mamyr aıynan beri qazirgi qyzmetinde.
ІІ dárejeli «Aıbyn» ordenimen marapattalǵan (2019), polıtsııa general-maıory (2023)
46 jyl buryn (1979) Qazaqstan Respýblıkasy Іshki ister mınıstrligi Kadr saıasaty basqarmasynyń bastyǵy Oljas Saparhanuly MYRZABEKOV dúnıege keldi.
Almaty qalasynda týǵan.
Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha bitirgen (2000), D. A.Qonaev atyndaǵy Eýrazııalyq zań akademııasy, zań ǵylymdarynyń magıstri (2018).
Eńbek joly: Qazaqstan Respýblıkasy ishki ister organdarynyń orta jáne aǵa komandalyq quramynyń ártúrli laýazymdarynda jumys (2000-2021); ІІM M.Esbolatov atyndaǵy Almaty Akademııasy bastyǵynyń orynbasary (2021-2022); Almaty qalalyq polıtsııa departamenti bastyǵynyń orynbasary, Qazaqstan Respýblıkasy Іshki ister mınıstrligi Kadr saıasaty basqarmasy bastyǵynyń orynbasary (2022-2025).
2025 jyldyń aqpan aıynan bastap qazirgi qyzmetinde.