15 mln teńge para: «Astana-Zelenstroı» burynǵy bas dırektory ustaldy
ASTANA. KAZINFORM — «Astana-Zelenstroı» JShS burynǵy bas dırektory jemqorlyq qylmys jasady degen kúdikke ilindi.
Astana qalasy boıynsha sybaılas jemqorlyqqa qarsy qyzmet «Astana-Zelenstroı» JShS burynǵy bas dırektoryna qatysty sotqa deıingi tergeý júrgizip jatyr.
Ol qylmystyq isti toqtatý úshin quqyq qorǵaý organdarynyń laýazymdy adamdaryna 15 mln teńge somasynda para berýge ıtermeleýge oqtalǵany jáne alaıaqtyq jasaǵany úshin kúdikti.
Budan basqa, tapsyrys berýshileri — Astana qalasynyń jergilikti atqarýshy organdaryna kópjyldyq butalardy otyrǵyzý boıynsha oryndalǵan jumystyń qunyn arttyrý arqyly óz laýazymdyq ókilettigin teris paıdalanǵan.
Sottyń sanktsııasymen kúdikti qamaýǵa alyndy.
Tergeý jalǵasyp jatyr.
Qylmystyq-protsestik kodekstiń 201-babyna sáıkes ózge aqparat jarııalanbaıdy.
