15 maýsym. Týǵan kún ıeleri

NUR-SULTAN. QazAqparat – Búgin, ıaǵnı 15 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

70 jyl buryn (1952) Qazaq ulttyq agrarlyq ýnıversıtetiniń rektory, QR UǴA akademıgi Tilektes Isabaıuly ESPOLOV dúnıege keldi.

Jambyl oblysy Qordaı aýdany Qarasaı aýylynda (Mıhaılovka) týǵan. Orta mektepti bitirgennen keıin 1975 jyly Qazaq aýyl sharýashylyǵy ınstıtýtynyń aýyl sharýashylyǵyn mehanıkalandyrý fakýltetin bitirdi. Eńbek jolyn 1975 jyly Qazaq aýyl sharýashylyǵy ınstıtýtynyń kafedra assıstentinen bastady, komsomol jáne partııa komıtetteriniń hatshysy, kásipodaq komıtetiniń tóraǵasy bolyp saılandy. 1978-1981 jyldary Máskeý qalasyndaǵy A.N.Kostıakov atyndaǵy Búkilodaqtyq gıdrotehnıka jáne melıoratsııa ǵylymı-zertteý ınstıtýtynyń aspırantýrasynda oqydy. 1982 jyly Qazaq aýyl sharýashylyǵy ınstıtýty sýmen qamtamasyz etý jáne sýlandyrý jónindegi salalyq ǵylymı-zertteý zerthanasynyń meńgerýshisi, oqytýshysy jáne dotsenti, Almaty ındýstrııa kolledjiniń dırektory (1993 jyly), odan keıin Almaty ındýstrııalyq-pedagogıkalyq akademııasynyń rektory bolyp qyzmet atqardy. 2001 jyldan bastap qazirgi ýaqytqa deıin Qazaq ulttyq agrarlyq ýnıversıtetiniń rektory qyzmetin atqarady. 2003 jyly QR Aýyl sharýashylyǵy akademııasynyń vıtse-prezıdenti bolyp saılandy. 2004 jyldyń sáýir aıynda QR Ulttyq Ǵylym akademııasy Agrarlyq ǵylymdar bólimshesiniń tóraǵasy jáne Qurmetti akademıgi, QR Aýyl sharýashylyǵy ǵylymdary akademııasynyń akademıgi, Qazaqstan Respýblıkasynyń Ulttyq ınjenerlik akademııasynyń akademıgi, Reseı aýylsharýashylyq akademııasynyń akademıgi, Halyqaralyq Joǵary mektep akademııasynyń akademıgi, 2008 jyldan QR Ulttyq ǵylym akademııasynyń akademıgi atandy.

69 jyl buryn (1953) Qazaqstan Respýblıkasynyń Memlekettik jáne saıası qaıratkeri, Ulttyq qaýipsizdik komıtetiniń qurmetti qyzmetkeri, general-maıor Erjan Bekbaýuly ISAQULOV dúnıege keldi.

Ońtústik Qazaqstan oblysynda týǵan. V.I. Lenın atyndaǵy Qazaq polıtehnıkalyq ınstıtýtyn ınjener-metallýrg (1974); Mınsk qalasyndaǵy KSRO Memlekettik Qaýipsizdik Komıtetiniń Joǵary kýrstaryn (1978) bitirgen.

Eńbek joly: Bestóbe baıytý fabrıkasynyń sheberi, «Qazaltyn» kombınaty «ıÝbıleınyı» kenishiniń TBB bastyǵy (1974-1975); Shymkent qorǵasyn zaýytynyń apparatshysy (1976-1977); Shymkent oblysy boıynsha Memlekettik Qaýipsizdik Komıteti basqarmasynyń jedel ýákili, aǵa jedel ýákili, bólimshe bastyǵy (1978-1989); Gýrev oblysy boıynsha MQK basqarma bólimshesi bastyǵynyń orynbasary (1989-1991); Shymkent qorǵasyn-myrysh kombınatynyń 1989-1991); Ońtústik qazaqstan oblysy boıynsha UQK basqarmasy bastyǵynyń orynbasary (1994-1995); UQK Aqmola oblysy boıynsha basqarmasynyń bastyǵy (1995-1997); UQK Aqmola (Astana) qalasy jáne Aqmola oblysy boıynsha departamentiniń bastyǵy (1997-1999); UQK Astana qalasy boıynsha departamentiniń bastyǵy (1999-2001); Qazaqstan Respýblıkasy Ulttyq qaýipsizdik komıteti tóraǵasynyń orynbasary (2001-2007); QR UQK Atyraý oblysy boıynsha departamentiniń bastyǵy (03.2007-08.2007); IV saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi (2007-2011).

2-dárejeli «Dańq» ordenimen (2005); 17 medalmen marapattalǵan.

68 jyl buryn (1954) Shyǵys Qazaqstan oblysynyń ákimi Danıal Kenjetaıuly AHMETOV dúnıege keldi.

Pavlodar qalasynda týǵan. Pavlodar ındýstrııalyq ınstıtýtyn bitirgen. Instıtýtty bitirgennen keıin «Pavlodarturǵynúıqurylys» tresi úı salý kombınatynyń sheberi, Ekibastuz qalalyq partııa komıtetiniń nusqaýshysy bolyp jumys istedi. 1987-1991 jyldary - Ekibastuz qalalyq atqarý komıteti tóraǵasynyń orynbasary.

1991-1992 jyldary - «Ekibastuzturǵynúıónerkásipqurylys» tresiniń basshysy. 1992-1993 jyldary - Ekibastuz qalalyq ákimdiginiń basshysy. 1993-1997 jyldary - Pavlodar oblystyq ákimdiginiń basshysy, ákimi. 1997-1999 jyldary - Soltústik Qazaqstan oblysynyń ákimi. 1999-2001 jyldary - QR Premer-Mınıstriniń orynbasary, birinshi orynbasary. 2001-2003 jyldary - Pavlodar oblysynyń ákimi. 2003-2007 jyldary - Qazaqstan Respýblıkasynyń Premer-Mınıstri, Qazaqstan Respýblıkasy Qaýipsizdik keńesiniń múshesi. 2007-2009 jyldary QR Qorǵanys mınıstri. 2010-2012 jyldary ekologııalyq energetıka salasyndaǵy kompanııa basshysy. 2012-2014 jyldary Eýrazııalyq ekonomıkalyq komıssııanyń Qazaqstan tarapynan alqa múshesi (mınıstr). Qazirgi qyzmetinde 2014 jylǵy qarashadan beri. Ekonomıka ǵylymdarynyń doktory, Qazaqstan Respýblıkasy Mıneraldyq resýrstar akademııasynyń akademıgi, 3-shi, 2-shi dárejeli «Barys», «Qurmet belgisi» ordenderimen jáne medaldarmen marapattalǵan.

44 jyl buryn (1978) San-Frantsısko qalasyndaǵy Qazaqstan Respýblıkasy Bas konsýldyǵynyń keńesshi-elshisi Erlan Qartaıuly QAIYROV dúnıege keldi.

Qaraǵandy qalasynda týǵan. E.A. Bóketov atyndaǵy QarMÝ-di «Halyqaralyq ekonomıkalyq qatynastar» mamandyǵy boıynsha támamdady. M.V. Lomonosov atyndaǵy Máskeý memlekettik ýnıversıteti janyndaǵy qaıta daıarlaý ınstıtýtynda jáne Dúnıejúzilik banktiń Ekonomıkalyq damý ınstıtýtynda oqydy. 1999-2001 jyldar aralyǵynda memlekettik organdarda syrtqy ekonomıkalyq baılanys salasynda qyzmet etti. 2002-2004 jyldar aralyǵynda QR Premer-Mınıstriniń keńsesi syrtqy baılanystar bólimi meńgerýshisiniń orynbasary boldy. 2004-2006 jyldar aralyǵynda - QR Prezıdenti Ákimshiligi syrtqy saıasat ortalyǵynyń bas ınspektory. 2006 jyly QR Ekonomıka jáne bıýdjettik josparlaý mınıstrligi apparatynyń basshysy boldy. 2006-2007 jyldarda - «Atameken» kásipkerler jáne jumys berýshiler odaǵy basqarmasy tóraǵasynyń orynbasary, basqarma tóraǵasynyń keńesshisi. 2007-2010 jyldar aralyǵynda - «Qazaqtelekom» AQ-nyń syrtqy baılanystar jónindegi atqarýshy dırektory. 2010 jyly «KAZNEX INVEST» eksport jáne ınvestıtsııalar jónindegi ulttyq agenttiktiń Eýropa elderi boıynsha óńirlik dırektory. 2011 jyldyń aqpan aıynan bastap – QR Indýstrııa jáne jańa tehnologııalar mınıstrliginiń ınvestıtsııalar jónindegi komıtet tóraǵasynyń orynbasary. 2013-2014 jyldary Qazaqstan Respýblıkasy ındýstrııa jáne jańa tehnologııalar mınıstrliginiń ınvestıtsııa jónindegi komıtetiniń tóraǵasy, 2014-2016 jyldary Qazaqstan Respýblıkasy Investıtsııalar jáne damý mınıstrliginiń Investıtsııa komıtetiniń tóraǵasy. 2016-2018 jyldary - Qazaqstan Respýblıkasy Investıtsııalar jáne damý vıtse-mınıstri. 2018 jylǵy qańtardan Qazaqstan Respýblıkasy Investıtsııalar jáne damý mınıstrliginiń Investıtsııa komıtetiniń tóraǵasy boldy. 2019 jyldyń mamyrynan Qazaqstan Respýblıkasy Syrtqy ister mınıstrliginiń aıryqsha tapsyrmalar jónindegi elshisi.

45 jyl buryn (1977) «Qazaqstan Respýblıkasy Prezıdentiniń teleradıokesheni» KeAQ Bas dırektorynyń orynbasary Tilegen Aqanuly ÁBІShEV dúnıege keldi.

Shyǵys Qazaqstan oblysynda týǵan.

Ál-Farabı atyndaǵy Qazaq ulttyq ýnıversıtetin telejýrnalıstıka mamandyǵy boıynsha bitirgen. Іskerlik basqarý magıstri.

Osy jyldar ishinde «Astana», «Habar 24», «Atameken Business Channel» telearnalarynda baǵdarlama júrgizýshisi, «Agrarlyq nesıe korporatsııasy» AQ, «Nursultan Nazarbaev halyqaralyq áýejaıy» AQ baspasóz qyzmetiniń jetekshisi qyzmetterin atqarǵan.

«Qazaqstan Respýblıkasy Prezıdentiniń Teleradıokesheni» KeAQ kınoóndiris qyzmetin basqardy.

«Qazaqstan konstıtýtsııasyna 25 jyl» jáne «QR Aqparat salasynyń úzdigi» merekelik medaldarymen marapattalǵan.

2022 jyldyń sáýir aıynan bastap qazirgi qyzmetinde.