15 qyrkúıek. Tulǵalar týǵan kún
Búgin, 15 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
63 jyl buryn (1962) Qazaqstan Respýblıkasy Parlamenti Májilisiniń depýtaty Erkebulan Nurmaǵambetuly MAMBETOV dúnıege keldi.
Soltústik Qazaqstan oblysynyń Bishkek aýdanynda dúnıege kelgen. Omby aýyl sharýashylyǵy ınstıtýtyn (1985) ınjener-mehanık mamandyǵy boıynsha, S.Seıfýllın atyndaǵy Qazaq agrotehnıkalyq ýnıversıtetin «ekonomıst-menedjer» mamandyǵy boıynsha bitirgen.
Eńbek joly: «SevNIIJ» laboranty, jumysshy, retteýshi sheberi, mehanık, bas ınjener, «Mınkeserskıı» ÓK tóraǵasy (1985-1998); «Mámbetov jáne K» kommandıttik seriktestiginiń dırektory (1998-2004); QR Soltústik Qazaqstan oblysy Mamlıýt aýdanynyń ákimi (2004-2007); QR Soltústik Qazaqstan oblysy Qyzyljar aýdanynyń ákimi (2007-2008); «Mámbetov jáne K» kommandıttik seriktestiginiń bas dırektory (2008-2023).
2023 jyldyń naýryz aıynan bastap qazirgi qyzmetinde.
51 jyl buryn (1974) Jetisý oblysy prokýrorynyń orynbasary Erjan Muhametqalıuly SYBANQULOV dúnıege keldi.
Almaty oblysynda týǵan. 1996 jyly Ál-Farabı atyndaǵy Qazaq memlekettik ulttyq ýnıversıtetiniń zań fakýltetin bitirgen.
Eńbek joly: 1996 jyly Almaty qalasy Jetisý aýdandyq prokýratýrasynda stajer, 1996-1998 jyldary Almaty qalasy Jetisý aýdany prokýrorynyń kómekshisi, 1998-1999 jyldary Qostanaı oblysy prokýratýrasynyń jedel-izdestirý qyzmetiniń, tergeý men anyqtaýdyń zańdylyǵyn qadaǵalaý bóliminiń prokýrory, 1999-2000 jyldary Qostanaı oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń aǵa prokýrory, 2000-2001 jyldary Qostanaı oblysy Áýlıekól aýdany prokýrorynyń orynbasary qyzmetin atqarǵan.
2002 jyly Pavlodar qalasy prokýratýrasynyń prokýrory, 2002-2003 jyldary Pavlodar oblysy prokýratýrasynyń aldyn ala tergeý jáne anyqtaý zańdylyǵyn qadaǵalaý bóliminiń prokýrory, 2003 jyly Pavlodar oblysy prokýratýrasynyń aldyn ala tergeý jáne anyqtaýdyń zańdylyǵyn qadaǵalaý bóliminiń aǵa prokýrory, 2003-2007 jyldary Pavlodar oblysy Aqtoǵaı aýdanynyń prokýrory, 2007-2012 jyldary Pavlodar oblysy Baıanaýyl aýdanynyń prokýrory, 2012-2013 jyldary QR Ádilet mınıstrligi Tirkeý qyzmeti jáne quqyqtyq kómek kórsetý komıteti departamentiniń basshysy, 2013-2015 jyldary Almaty oblysy Tekeli qalasynyń prokýrory, 2015-2016 jyldary QR Bas prokýratýrasy janyndaǵy Quqyq qorǵaý organdary akademııasynyń Biliktilikti arttyrý ınstıtýtynyń kásibı daıarlaý jáne damytý basqarmasynyń bastyǵy, 2016 jyly QR Bas prokýratýrasy janyndaǵy Quqyq qorǵaý organdary akademııasy rektorynyń kómekshisi, sol jyly QR Bas prokýratýrasy janyndaǵy Quqyq qorǵaý organdary akademııasynyń qaramaǵynda qyzmet atqarǵan.
2016-2017 jyldary QR Bas prokýratýrasy janyndaǵy Quqyq qorǵaý organdary akademııasynyń kadr bóliminiń aǵa prokýrory, 2017 jyly QR Bas prokýratýrasy janyndaǵy Quqyq qorǵaý organdary akademııasynyń qaramaǵynda, 2017-2018 jyldary QR Bas prokýratýrasy janyndaǵy Quqyq qorǵaý organdary akademııasynyń kadr bóliminiń aǵa prokýrory, 2018 jyly Bas prokýratýra janyndaǵy Quqyq qorǵaý organdary akademııasynyń qaramaǵynda qyzmet etti. 2018-2018 jyldary QR Bas prokýratýrasy janyndaǵy Quqyq qorǵaý organdary akademııasynyń Vedomstvoaralyq ǵylymı-zertteý ınstıtýtynyń Quqyq qorǵaý júıesin jetildirý jónindegi ǵylymı-zertteý ortalyǵynyń jetekshi ǵylymı qyzmetkeri, 2019 jyly QR Bas Prokýrorynyń aǵa kómekshisi, 2019-2022 jyldary Almaty oblysy prokýrorynyń orynbasary laýazymyn atqarǵan.
2022 jyldyń tamyz aıynan bastap qazirgi qyzmetinde.
49 jyl buryn (1976) QR Qaýipsizdik Keńesi taldaý bóliminiń meńgerýshisi Aleksandr Vladımırovıch SÝHANOV dúnıege keldi.
1997 jyly Kásipkerlik jáne menedjment mádenıeti ınstıtýtyn ekonomıst menedjer mamandyǵy boıynsha, 2001 jyly «Ádilet» quqyq joǵary mektebin bitirgen. 1997-2004 jyldary medıa jáne taldaý qurylymdarynda túrli laýazymdarda qyzmet atqarǵan, 2004-2012 jyldary «QazMunaıGaz» UK» AQ enshiles uıymdarynda jáne ortalyq apparatynda jumys istegen. 2012 jyldyń qarashasynan bastap QR Prezıdenti Ákimshiliginde: QR Prezıdenti Ákimshiligi baspasóz qyzmetiniń ınspektory, sektor meńgerýshisi, Іshki saıasat bólimi meńgerýshisiniń orynbasary bolǵan.
Qazirgi laýazymyna Memleket basshysynyń ókimimen 2018 jyldyń qańtar aıynda taǵaıyndalǵan.
46 jyl buryn (1979) Túrkistan oblysy Іshki ister departamenti bastyǵynyń birinshi orynbasary Arman Arýn-Rashıduly BEISENBAEV dúnıege keldi.
QR Іshki ister mınıstrligi Aqmola joǵary mektebiniń Qostanaı fılıalyn, QR Іshki ister mınıstrliginiń Astana zań kolledjin «Zańger» mamandyǵy boıynsha bitirgen.
Eńbek joly: Shymkent qalalyq ІІB 2-PB anyqtaý bóliminiń tergeýshisi (1998); Shymkent qalalyq ІІB 2-OP tergeý bóliminiń múliktik qylmystardy jáne esirtkiniń zańsyz aınalymyn tergeý tobynyń tergeýshisi; Ońtústik Qazaqstan oblysy Shymkent qalalyq ІІD 2-OP qylmystyq izdestirý bóliminiń jedel ýákili; Ońtústik Qazaqstan oblysy Shymkent qalalyq ІІD 2-OP qylmystyq izdestirý bóliminiń qylmystyq quqyq buzýshylardy jáne habar-osharsyz ketken adamdardy izdestirý tobynyń jedel ýákili; Ońtústik Qazaqstan oblysy Іshki ister departamenti Esirtki bıznesine qarsy kúresti uıymdastyrý jáne óńiraralyq esirtki toptaryn damytý bóliminiń aǵa jedel ýákili; Ońtústik Qazaqstan oblysy Іshki ister departamenti Esirtki bıznesine qarsy kúres departamentiniń vedomstvoaralyq úılestirýiniń nashaqorlyqtyń aldyn alý basqarmasynyń bastyǵy; Ońtústik Qazaqstan oblysy Іshki ister departamenti Esirtki bıznesine qarsy kúres basqarmasynyń bastyǵy; Ońtústik Qazaqstan oblysy Іshki ister departamenti Shymkent qalalyq ІІB Eńbekshi polıtsııa bóliminiń bastyǵy (2012); Shymkent qalasynyń Іshki ister bas basqarmasynyń bastyǵy (2015-2017); Shymkent qalalyq ishki ister departamenti bastyǵynyń birinshi orynbasary (2018); Shymkent qalalyq ІІB bastyǵynyń orynbasary (2019-2024); Shymkent qalalyq ІІB bastyǵynyń birinshi orynbasary (2024-2025).
2025 jyldyń maýsym aıynan bastap qazirgi qyzmetinde.
45 jyl buryn (1980) QR Kólik vıtse-mınıstri Maqsat Qaıyrjanuly QALIAQPAROV dúnıege keldi. Qaraǵandy oblysynda týǵan.
L.N.Gýmelev atyndaǵy Eýrazııa ulttyq ýnıversıtetin bitirgen.
Eńbek joly: «QR PІB MTO bazasy» RMK keden máseleleri jónindegi maman (2000); kommertsııalyq jáne kvazımemlekettik qurylymdardaǵy qyzmet; Aqtaý halyqaralyq teńiz saýda portynyń ınjeneri; Kólik jáne kommýnıkatsııa mınıstrliginde ártúrli laýazymdarda qyzmet atqardy; «Elektrondyq qarjylandyrý ortalyǵy» AQ basqarma tóraǵasynyń orynbasary (2019-2023).
2023 jyldyń qazan aıynan beri qazirgi qyzmetinde.
134 jyl buryn (1891-1948) alǵashqy qazaq dárigerleriniń biri Isa Taýmyshuly QAShQYNBAEV dúnıege kelgen.
Batys Qazaqstan oblysynyń Aqjaıyq aýdanynda týǵan. Oral realdyq áskerı ýchılışesin, Qazan ýnıversıtetiniń medıtsına fakýltetin bitirgen. 1917 jylǵy jeltoqsanda ótken ІІ jalpyqazaq sezinde Ýaqytsha ult keńesi (Alashorda) músheligine kandıdat (Ult keńesi múshesiniń orynbasary) bolyp saılandy.
1920 jylǵy 21 maýsymdaǵy Qazaq RK (b)P oblystyq komıteti májilisinde «qoǵam úshin qaýipti» adam retinde ony aıryqsha minezdememen Zavolje áskerı okrýgine jiberý jóninde sheshim qabyldady. Alaıda Halyq atqarý komıtetiniń ara túsýimen Tashkent qalasyna jiberildi. 1920 jyly osynda musylmandardyń ólkelik feldsherlik mektebin uıymdastyrýǵa belsene qatysty. Ol 30-jyldardyń ortasynda Tashkenttegi Semashko atyndaǵy Fýnktsıonaldyq dıagnostıka ınstıtýtynda bólim meńgerýshisi boldy. 1938 jylǵy 23 sáýirde «kontrrevolıýtsııalyq uıymǵa qatysty» degen aıyppen qylmystyq jaýapkershilikke tartylyp, qylmysy dáleldenbegendikten 1939 jylǵy 1 jeltoqsanda túrmeden bosatyldy.
Soǵys jyldarynda kóshirilip ákelingen gospıtaldarǵa jetekshilik etti. Soǵystan keıin Tashkentte Semashko atyndaǵy Kýrortologııa ǵylymı-zertteý ınstıtýtynda qyzmet etti. Qyzyl Juldyz ordenimen marapattalǵan.
78 jyl buryn (1947-2021) shyǵystanýshy, dintanýshy, jazýshy jáne synshy Ábsattar qajy DERBІSÁLІ dúnıege kelgen.
Ońtústik Qazaqstan oblysynyń Túlkibas aýdanynda týǵan. M.Áýezov atyndaǵy Ońtústik Qazaqstan ýnıversıtetiniń fılologııa fakýltetin úzdik bitirgen (1969). 1970-1975 jyldary KSRO Ǵylym akademııasy Máskeý Shyǵystaný ınstıtýtynda aspırant boldy.
1975-1976 jyldary Marokko Koroldigi, 1985-1986 jyldary Týnıs Arab Respýblıkasy ýnıversıtetterinde arab tili men ádebıeti boıynsha biliktilik arttyrýdan ótti. 1976-1977 jyldary QR ǴA-nyń M.O. Áýezov atyndaǵy Ádebıet jáne óner ınstıtýtynyń ǵylymı qyzmetkeri boldy.
1977 jyly ál-Farabı atyndaǵy Qazaq ulttyq ýnıversıtetinde assıstent, aǵa oqytýshy, dotsent, fılologııa fakýlteti dekanynyń orynbasary, Shyǵys fılologııa kafedrasynyń meńgerýshisi. 1986-1988 jyldary KSRO ǴA Moskva Shyǵystaný ınstıtýtynyń doktoranty. 1989 jyly Shyǵystaný fakýltetiniń dekany, 1991-1997 jyldary tilder jáne halyqaralyq baılanystar jónindegi prorektor.
1997-2000 jyldary Qazaqstan Respýblıkasynyń Saýd Arabııasy Koroldigindegi elshiliginiń keńesshisi, 1-synypty keńesshi dıplomatııalyq laýazym ıesi. 2000 jáne 2005 jyldary Qazaqstan musylmandarynyń ІІІ jáne ІV Quryltaılarynda Qazaqstan musylmandary dinı basqarmasynyń tóraǵasy, Bas múftı, 2007 jyldary Ortalyq Azııa múftıler keńesinde biraýyzdan osy keńestiń tóraǵasy, 2000 jyly tamyzda Bosnııa men Gertsegovınanyń astanasy Saraevoda jáne 2002 jyly sáýirde Kıprde ótken Eýrazııa Islam Shýrasynyń IV-V halyqaralyq konferentsııalarynda osy uıym tóraǵasynyń birinshi orynbasary bolyp eki ret saılandy.
Á.Derbisáli – respýblıkamyzdaǵy jas arabtaný ǵylymynyń negizin salýshylardyń biri. Arabıstıka salasy boıynsha elimizdiń tuńǵysh ǵylym doktory, tuńǵysh professory, tuńǵysh akademıgi. Qoja Ahmet ıAsaýı kesenesi men ondaǵy qulyptastardaǵy jazýlardy ana tilimizge aýdaryp, zerttedi.