15 eldegi 17 saılaý ýchaskesinde daýys berý júrip jatyr

NUR-SULTAN. QazAqparat - 15 sheteldegi 17 saılaý ýchaskesinde daýys berý júrip jatyr. Bul týraly búgin QR Ortalyq saılaý komıssııasynyń hatshysy Sábıla Mustafına aıtty, dep habarlaıdy QazAqparat tilshisi.

"Saǵat 08-00-de elimizdiń barlyq aımaqtarynda saılaý ýchaskeleri daýys berýge kiristi. Ol - 9 920 ýchaske. Onyń ishinde 15 memlekette 17 saılaý ýchaskesi bar. Olar: Ońtústik Koreıa, Japonııa, Malaızııa, Qytaı, Mońǵolııa, Sıngapýr, Taıland, Indonezııa, Qyrǵyzstan, Reseı, Pákistan, Túrikmenstan, Ózbekstan, Úndistan jáne Tájikstan. Atalǵan ýchaskelerde tizimge engizilgen saılaýshylardyń sany 11 947 995 saılaýshy",- dedi Sábıla Mustafına.

Onyń aıtýynsha, ýchaskelik saılaý komıssııalary bergen esepten shyǵarý kýáligi 35 951 adamǵa berilgen. Bul saılaýshylar atalǵan kýálikten kez kelgen basqa saılaý ýchaskesinde jeke kýáligi men esepten shyǵarý kýáligin kórsetý arqyly daýys bere alady.

Aıta keterligi, Ortalyq saılaý komıssııasy Nur-Sultan ýaqyty boıynsha saǵat 10-00-den bastap qansha azamattyń daýys bergendigi týraly aqparatty árbir eki saǵattan keıin berip otyrady.