15 aqpanda eldegi qaı joldar jabyq tur

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Aýa raıynyń buzylýyna baılanysty kelesi ýchaskelerde ýaqytsha qozǵalysqa shekteý engizildi:

Jetisý oblysy

• «Úsharal — Dostyq — QHR shekarasy», 84-164-shaqyrym (Kóktuma aýyly — Dostyq stantsııasy).

Aqtóbe oblysy

• «Aqtóbe — Qandyaǵash — Dossor — Atyraý — RF shekarasy», 181-337-shaqyrym (Shubarqudyq kenti — Atyraý oblysy shekarasy).

Pavlodar oblysy

• «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.

Eske salaıyq, buǵan deıin sınoptıkter 15 aqpanda Qazaqstannyń birqatar óńirinde aýa raıyna baılanysty eskertý jasaǵanyn jazǵanbyz.